Abalongi 4:9 - IBAYIBOLO 2024

⁹ U Debola akamwamula akati, “Chiza bulo, nkwiza pakubuka nawe, loli utakwiza pakupokelapo umuchizi, pachifukwa ichakuti u Mwene akwiza pakumubika u Sisela munyobe izya mukolo.” Po Debola akanyamuka nukubuka nu Balaki ku Kedeshi.

Abalongi 4:9 Iomraidhean Croise

2 Imbili 26:18

Bakamuchemela bakati, “Wee Uziya, te chiza ukuti ufukizye utwakununkila kwa Mwene. Iyi yo mbombo iya baputi, abaluko ulwa Aloni, babo bakapaghuliwa ukuti bafukizyanje utwakununkila. Epamo Mubuzilo Ubuzelu ubu, pakuti utakaba musubiliwa kwa Mwene u Chala, po wepe atakwiza pakukuchindika.”

Abalongi 2:14

Po u Mwene akabakalalila aba Izilayeli nukubabika munyobe izya mavyondongo, ghagho ghakafyula ivintu vyabo. Akababika munyobe izya balwani bosi babo bakabazyungulila, umwakuti batakipoka bene.

Abalongi 4:8

U Balaki akamwamula u Debola akati, “Nanti ukubuka nane, nkwiza pakubuka, loli nanti utakubuka nane, ntakwiza pakubukako.”

Abalongi 9:53

umukolo yumo akasumba ulwala nukughutizannya umutu wache.

Abalongi 9:54

Umwalubilolubilo akamwitizya umulumendo yuyo akanyamula ivilwilo nukumulamula ukuti, “Wesa upanga wako, ungoghe. Intakulonda ukuti abantu banenaye ukuti, ‘Umukolo weyuyo amughogha u Abimeleki.’ ” Umulumendo akamulasa nupanga wache, po akafwa.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.