Abalongi 4:7 - IBAYIBOLO 2024

⁷ Ane nkwiza pakumuzimbula u Sisela usongo uwa basilikali aba Yabini ukuti akomane namwe palusoko ulwa Kishoni poka ni ngolo zyache izya bwite na basilikali bache, po ane nkwiza pakumubika munyobe zyinyu.’ ”

Abalongi 4:7 Iomraidhean Croise

1 Abamwene 18:40

Po u Eliya akabalamula akati, “Baleme abalaghuzi aba Baala. Atakabepo nayumoyumo uwakuchimbila!” Po bakalema, sona u Eliya akabuka nabo kwikombe ilya Kishoni nukubaghoghela kulakula.

Ukufuma 14:17

Nkwiza pakughapela amoyo agha ba Ijiputi pakuba makafu nkani, umwakuti bakwiza pakubakonka. Po nkwiza pakuchindikiwa ukwendela mwa Falabo na basilikali bache, ni ngolo zyache izya bwite, sona na bendezya ingolo zyache izya bwite.

Ukufuma 14:4

Nkwiza pakughupela umoyo uwa Falabo pakuba mukafu nkani umwakuti akwiza pakubachimbizya. Loli itabwa lyane likwiza pakuchindikiwa, bo namupota u Falabo na basilikali bache, sona aba Ijiputi bosi bakwiza pakummanya ane ukuti ne Mwene.” Po aba Izilayeli bakabomba vivyo bakabuziwa.

Ukufuma 14:8

U Mwene akaghupela umoyo uwa Falabo u mwene uwamu Ijiputi pakuba mukafu nkani, umwakuti akabakonka aba Izilayeli, bo bakwepamo umwakwituvya.

Ukufuma 21:13

Loli nanti ghukaba mukosi bulo, sona nukuti atinong'oneyeko pakumughogha umuntu yula, angachimbilila ku buzilo ubwakuponelako.

Yoshwa 10:8

U Mwene akamubuzya u Yoshwa akati, “Utakabanyilaye abantu banaba, pakuti nababika munyobe zyako. Atalipo nayumoyumo umuntu uwakuti angakupota.”

Yoshwa 11:20

Pakuti akaba we Mwene yuyo akaghapela amoyo ghabo pakuba makafu nkani, umwakuti balwe ubwite naba Izilayeli. U Mwene akabomba bunubu ukuti abazimizye bosi umwakusita kubapelela ichisa, ukuyana namumo u Mwene akamulamulila u Mozesi.

Yoshwa 11:6

U Mwene akamubuzya u Yoshwa akati, “Utakabanyilaye, pachifukwa ichakuti pakabalilo kanaka indabi nkwiza pakubabika bosi munyobe izya ba Izilayeli ukuti babaghoghe. Muzidumule inkole izya vinama ifalasi zyabo, sona zyope ingolo zyabo muzyoche.”

Yoshwa 8:7

Po bo tukubachimbila, amwe muvundumuke mubuzilo bwinyu nukukafyula akaya kala. U Mwene, u Chala winyu akwiza pakukabika munyobe zyinyu.

Abalongi 4:14

U Debola akamulamula u Balaki akati, “Bukagha! Ili lyo lisiku lilyo u Mwene akwiza pakumubika u Sisela munyobe zyako. U Mwene alongoleye kale muntazi mumwako?” Po u Balaki akika pighamba ilya Taboli, sona abantu 10,000 bakamukonka.

Abalongi 4:8

U Balaki akamwamula u Debola akati, “Nanti ukubuka nane, nkwiza pakubuka, loli nanti utakubuka nane, ntakwiza pakubukako.”

Abalongi 5:21

Ulusoko ulwa Kishoni lukababukizya, ulusoko ulwakwizula ulwa Kishoni lula. Endagha wee moyo wane, banga namaka!

1 Samuweli 24:10

Ilelo wiyenezya wemwene ukuti u Mwene akubikite munyobe zyane mumpako mula. Abantu bane bamo bakambuzya ukuti nkughoghe, loli nkakakana. Nkati, “Ntangamuvulazya u mwene wane, pakuti mupakiwa uwa Mwene.”

1 Samuweli 24:18

Ilelo wambombela ubwiza pakuti utangoghite, bo u Mwene ambika munyobe zyako.