Abalongi 4:4 - IBAYIBOLO 2024

⁴ U Debola umulaghuzi umukolo, akaba muchi uwa Lapidoti, sona akaba mulongozi uwa ba Izilayeli pakabalilo kalakala.

Abalongi 4:4 Iomraidhean Croise

2 Abamwene 22:14

Umuputi u Hilikiya yula nu Ahikamu nu Akiboli nu Shafani, sona nu Asaya bakabuka kwa mulaghuzi umukolo u Hulida, umuchi uwa Shalumu umwana uwa Tikiva, umwizukulu uwa Halihasi, yuyo akaba musungi uwa menda. U Hulida yula akikalagha mu Yelusalemu muchigaba ichabubili.

Nehemiya 6:14

Po nkiputa nkati, “Wee Chala wane, utakaluvyanje zizyo ukamubombela u Tobiya nu Sanibalati. Utakaluvyanje sona zizyo ukamubombela umulaghuzi umukolo u Nowadiya sona na balaghuzi abanji bosi, babo bakalondagha pakunyoghofya.”

Ukufuma 15:20

U Miliyamu umulaghuzi umukolo, umuyemba uwa Aloni akasenda ichisekeseke chache, po bope abakolo bosi bakamukonka nukulizya visekeseke vyabo nukwimba.

Ezekiyeli 13:17

U Mwene akuti, “Ilelo wee mwana uwa muntu, ennya icheni chako ku bakolo aba mu Izilayeli, babo bakulaghula ivya mumoyo ghabo.

Mika 6:4

Nkabefyamo muchisu icha Ijiputi, sona nkabatabula muchisu icha buzya. Nkabatumila u Mozesi nu Aloni, sona nu Miliyamu ukuti babalongozye.

Luka 2:36

Kukabako umukolo yumo umulaghuzi umughosi nkani yuyo akaba we Ana, umwana uwa Fanuwelo uwaluko ulwa Asheli. Akaba pasendwa amaka seveni ghene bulo

Imbombo 21:9

Akaba na balindu folo abasita kusendwa, babo bakanenagha amazyu agha Chala.

1 Aba Kolinti 11:5

Loli nanti umukolo akwiputa pamo akulaghula ukusita ukuvwala chimo kumutu wache, akumusamula umulume, yuyo mutu wache, pakuti ichi chiyanite bulo nu mukolo yuyo amwiye ulupala.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Abalongi 4:3

U Yabini akaba ni ngolo izya bwite izya chela 900, sona akabayivya nkani aba Izilayeli amaka 20, po aba Izilayeli bakamulilila u Mwene ukuti abavwe.

Abalongi 4:5

U Debola akikalagha mukazundila mwikwi ilya mabale, lilyo likaba pakasikasi pa kaya aka Lama naka Beteli, muchisu icha mumaghamba icha Efulayimu. Po aba Izilayeli bakabukagha kulakula ninongwa zyabo.

Abalongi 5:1

Pisiku lilalila u Debola nu Balaki umwana umulumendo uwa Abinowamu bakimbagha ulwimbo ulu: