Abalongi 4:16 - IBAYIBOLO 2024

¹⁶ Loli u Balaki akazichimbizya ingolo izya bwite zila poka na basilikali mupaka ku Halosheti Hagoyimu. Abasilikali bosi aba Sisela bakaghoghiwa nupanga, sona atakabapo nayumoyumo umuntu uwakupona.

Abalongi 4:16 Iomraidhean Croise

Masalimo 104:35

Loli ababomba mbibi bazimilaye pachisu ichapasi, abantu ababibi batakabanjeko sona. Wee moyo wane, umupalaye u Mwene. U Mwene apaliwanje.

Masalimo 83:10

babo ukabanangannya pa Endoli, amabili ghabo ghabolela mwitope.

Masalimo 83:9

Ubabombelaye zizyo ukababombela aba Midiyani, nu Sisela sona nu Yabini pa lusoko ulwa Kishoni,

Ukufuma 14:28

Amizi ghala ghakanyokela mubuzilo bwache nukwibizya ingolo izya bwite, poka na bendezya ingolo, sona na basilikali aba mu Ijiputi, babo bakabakonka aba Izilayeli panyanja. Atakabapo nayumoyumo uwakupona.

Yesaya 43:17

Akachilongozya ichilundilo icha bwite, ukuti azizimizye ingolo izya bwite ni falasi. Bakawa pasi batakanyamuka, sona bakazima ngati lukozyo ulwa nyale!

Aba Loma 2:12

Abantu bosi babo banangite ukusita kumanya Indaghilo, bakwiza pakuzimila napapo batazimenye Indaghilo. Sona bosi babo banangite bo bazimenye Indaghilo, bakwiza pakulongiwa ukuyana ni Ndaghilo.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Yoshwa 10:10

U Mwene akabavulungannya nkani abalwani, bo babennya bulo abasilikali aba Izilayeli, babo bakabapotela zila pa Gibeyoni. Aba Izilayeli bakabachimbizya ukwika pighamba ilya Beti Holoni nukubaghogha zila yosi mupaka ku Azeka naku Makeda.

Yoshwa 11:8

pachifukwa ichakuti u Mwene akababika munyobe izya ba Izilayeli. Bakabapota nubachimbizizya ku Sidoni Umukulu naku Misilefoti Mayimu sona kwikombe ilya Mizipa kubufumilo bwizuba, umwakuti patakabapo nayumoyumo umuntu uwakupona.

Abalongi 4:17

Loli u Sisela akachimbila pasi mupaka ku chisakasa icha Yaweli umuchi uwa Hebeli umu Keni, pachifukwa ichakuti pakasi pa Yabini u mwene uwamu Hazoli na bamunyumba iya Hebeli umu Keni pakabapo umutende.

Abalongi 4:2

Po u Mwene akababika munyobe izya Yabini u mwene uwa ba Kenani yuyo akalaghilagha mukaya akakulu nkani aka Hazoli. Usongo uwa basilikali bache akaba we Sisela, yuyo akikalagha mu Halosheti Hagoyimu.