Abalongi 4:11 - IBAYIBOLO 2024

¹¹ Pakabalilo kalakala u Hebeli umu Keni yumo akepapo pakasi paba Keni abanji, babo bakaba baluko ulwa Hobabu umukoyi uwa Mozesi, nukuzenga ichisakasa chache papipi nikwi ilya pandapanda mu Zananimu, papipi nakaya aka Kedeshi.

Abalongi 4:11 Iomraidhean Croise

Ukufuma 18:1

Yetulo, uwisevyala uwa Mozesi, sona umuputi uwamu Midiyani akivwa vyosi vivyo u Chala akamubombela u Mozesi naba Izilayeli, bo Mwene akubefyamo mu Ijiputi.

Ukufuma 2:18

Bo abalindu bala banyokela kwa wise, u Yetulo akabalalusya akati, “Nkimba choni chicho ilelo mwabwelako lubilolubilo?”

Ukufuma 3:1

U Mozesi akadimagha ing'ozi ni mbuzi izya wisevyala umuputi u Yetulo uwamu Midiyani. Po isiku limo akabuka nu mudimo pakudumusannya munkolongo nukufika pighamba ilya Sinayi, ighamba ilya Chala.

Ukubelengiwa 10:29

U Mozesi akamubuzya u Hobabu umwana uwa Leweli umu Midiyani, yuyo akaba wisevyala uwa Mozesi akati, “Tukubuka kubuzilo bubo u Mwene akati, ‘Nkwiza pakubapabo.’ Twende tubukaye poka, sona tukwiza pakwikala nawe akiza bulo, pakuti u Mwene abalayizya aba Izilayeli ivintu ivyiza.”

Ukubelengiwa 10:32

Nanti ukubuka poka naswe tukwiza pakugabana ivintu ivyiza vyosi vivyo u Mwene akutupa.”

Ukubelengiwa 24:21

U Balamu akabennya aba Keni, po akati, “Ubuzilo bwinyu ubwakwikalamo bute nintamyo, sona ivivumbo vyinyu vilukiwe pilyalabwe.

Yoshwa 19:33

Impaka yabo yikandila ku Helefu mupaka kwikwi ilya mupandapanda mu Zananimu, nukudumusannya mu Adami Nekebu na mu Yabineli, mupaka ku Lakumi, nukumalila pa lusoko ulwa Yolodani.

Yoshwa 19:37

naka Kedeshi naka Edileyi naka Eni Hazoli

Abalongi 1:16

Abaluko ulwa Keni, yuyo akaba we wisevyala uwa Mozesi, bakabuka kukaya akakulu nkani aka mabale, poka na baluko ulwa Yuda nukwikala pakasi pabantu babo bakikalagha munkolongo iya Yuda muchisu icha Negebu papipi ni chisu icha Aladi.

Abalongi 4:12

Bo bamubuzya u Sisela ukuti u Balaki umwana uwa Abinowamu akwela kwighamba ilya Taboli,

Abalongi 4:6

Isiku limo u Debola akamutumila amazyu u Balaki umwana uwa Abinowamu, uwamu Kedeshi muchisu icha Nafutali aghakuti, “U Mwene u Chala uwa ba Izilayeli akukulamula akuti, ‘Senda aba Nafutali 10,000, naba Zebuloni nukubuka nabo pighamba ilya Taboli.

1 Samuweli 15:6

Akababuzya aba Keni akati, “Epapo pakasi paba Amaleki, lumo ningabaghoghela poka nabo, pakuti amwe mukabapelela ichisa aba Izilayeli, bo bakwepamo mu Ijiputi.” Po aba Keni bakepapo pakasi paba Amaleki bala.

1 Samuweli 27:10

Bo u Akishi akumulalusya u Devedi ukuti, “Nkimba ilelo wame kwiyi pakulwa ubwite?” U Devedi akamula akati, “Twalwanga ubwite kuntende ukwa Yuda,” pamo “Kuchisu icha Yelamiyeli,” pamo, “Kuchisu icha ba Keni.”