Abalongi 3:8 - IBAYIBOLO 2024

⁸ U Mwene akabakalalila nkani aba Izilayeli, umwakuti akababika munyobe izya mwene u Kushani Lishatayimu uwa muchisu icha Mesopotamiya, po akabalaghila aba Izilayeli amaka eyiti.

Abalongi 3:8 Iomraidhean Croise

Ubwandilo 24:10

Uwambombo yula akasenda ingamila 10 izya mwene wache nukunyamuka. Akasenda ivintu ivyiza ivyakulekanalekana nukubuka kukaya aka Naholi muchisu icha Mesopotamiya.

Masalimo 106:41

Akababika munyobe izya bantu aba inko izinji, sona abalwani babo bakabalaghilagha

Masalimo 129:1

U Izilayeli anenaye atinji, Abalwani bane banjivya nkani ukwanda ko kubulumendo bwane.

Masalimo 44:12

Ukabaghulizya abantu bako pamutengo uwakwika nkani, sona utakakabapo nachimochimo.

Masalimo 6:1

Wee Mwene utakanchemelaye, mubukalale bwako, pamo ukunfunda pachifukwa ichakuti ukalaye.

Masalimo 85:3

Wefizyepo ukukalala kwako kosi, ukakuleka ukukalala kwako ukwakoghofya.

Ukufuma 22:24

Po nkwiza pakubakalalila nukubaghogha nu bwite. Abachi binyu bakwiza pakuba bafwilwe, sona abana binyu bakwiza pakuba balanda.

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Aba Levi 26:17

Nkwiza pakubapa inkonto, umwakuti abalwani binyu babapote, sona abantu babo bababengite bakwiza pakubalaghila. Mukwiza pakuchimbila, napapo nayumoyumo atabachimbizizye.”

Habakuku 3:7

Nkavyennya ivisakasa ivya bantu aba mu Kushi vili muntamyo, sona ubuzilo ubwa bantu aba mu Midiyani bukayimba nkani.

Aba Loma 7:14

Tuzimenye ukuti Indaghilo izya Mozesi zikapeghiwa nu Chala. Loli ane ne muntu bulo yuyo akufwa, yuyo aghuliziwe pakuba muzya uwa mbibi.

Ukukumbusya Amalamulo 29:20

U Mwene atakwiza pakumuhobokela nalumo umuntu yunuyu. Naloli ubukali nulweke ulwa Mwene vikwiza pakumocha umuntu yunuyu. Ivighune vyosi vivyo visimbiwe mwibuku linili vikwiza pakumuwila, sona u Mwene akwiza pakulizimya itabwa lyache muchisu ichapasi.

Ukukumbusya Amalamulo 32:30

Nkimba choni chicho umuntu weka akabachimbizya abantu 1,000 pamo abantu babili ukubachimbizya abantu 1,000? Ichi cho chifukwa Ilyalabwe lyabo lyabaleka bene, sona u Mwene wabo uwamaka abaghulizya.

Abalongi 2:14

Po u Mwene akabakalalila aba Izilayeli nukubabika munyobe izya mavyondongo, ghagho ghakafyula ivintu vyabo. Akababika munyobe izya balwani bosi babo bakabazyungulila, umwakuti batakipoka bene.

Abalongi 2:20

Polelo u Mwene akabakalalila nkani aba Izilayeli nukuti, “Pachifukwa ichakuti abantu banaba balunangannya ulufingo lwane, lulo nkafinga na banyenya babo, sona nukuti batakanteghelezya,

Abalongi 3:10

Umuzimu uwa Mwene ghukamwikila u Otiniyeli, umwakuti akaba mulongi uwa ba Izilayeli. U Otiniyeli yula akabuka pakulwa ubwite, po u Mwene akamupota nukumubika u mwene wamu Mesopotamiya munyobe zyache.

Abalongi 3:7

Aba Izilayeli bakabomba ivintu ivibibi vivyo vitakamuhobosya u Mwene. Bakamuluvya u Mwene u Chala wabo pakumubombela u Baala nu Ashela.

Abalongi 3:9

Loli bo bamulilila u Mwene, po u Mwene yula akabatumila umuntu uwakuti abapoke. Umuntu yunuyu akaba we Otiniyeli, umwana uwa Kenazi, umuzuna uwa Kalebu, yuyo akabapoka.

Abalongi 4:9

U Debola akamwamula akati, “Chiza bulo, nkwiza pakubuka nawe, loli utakwiza pakupokelapo umuchizi, pachifukwa ichakuti u Mwene akwiza pakumubika u Sisela munyobe izya mukolo.” Po Debola akanyamuka nukubuka nu Balaki ku Kedeshi.

1 Samuweli 12:9

“Loli abanyenya binyu bakamuluvya u Mwene u Chala wabo. Po u Mwene akababika munyobe izya Sisela, usongo uwa basilikali aba mu Hazoli, na munyobe izya ba Filisiti, sona na munyobe izya mwene uwa ba Mowabu, babo bakalwa nabo ubwite.