Abalongi 3:7 - IBAYIBOLO 2024

⁷ Aba Izilayeli bakabomba ivintu ivibibi vivyo vitakamuhobosya u Mwene. Bakamuluvya u Mwene u Chala wabo pakumubombela u Baala nu Ashela.

Abalongi 3:7 Iomraidhean Croise

1 Abamwene 16:33

U Ahabu akapanga ichifwani icha Ashela, sona akabomba ivintu ivyinji ivibibi ukubachila abamwene abanji bosi babo bakabapo kale mu Izilayeli, vivyo vikamukalalizya u Mwene u Chala uwa ba Izilayeli.

1 Abamwene 18:19

Losi ulu ubitizye aba Izilayeli bosi ukuti bize pakukomana nane pighamba ilya Kalimeli. Wize na balaghuzi 450 aba Baala, sona na balaghuzi 400 aba Ashela, babo bakulya poka nu Yezibeli pitebulo lyache.”

2 Abamwene 23:14

U Yosiya akanangannya sona amabwe amapaghuliwa ghala nukuwisizya pasi impanda izya Ashela nukwizuzya ubuzilo bosi bula na mafupa agha bantu.

2 Abamwene 23:6

Akachefyamo ichifwani icha chala umukolo u Ashela mu Nyumba iya Mwene, akabuka nacho kwikombe ilya Kidiloni kuzi ukwa kaya akakulu nkani aka Yelusalemu, nukuchocha kulakula. Akachisya pakuba litoyi, po akalisumbila itoyi lila mumapumpa agha bantu bulo.

2 Imbili 15:16

U mwene u Asa akamwefyapo u nyinakulu u Maaka pabumwene, pachifukwa ichakuti akapanga ichifwani ichamwiko icha Ashela. U Asa akachidumulannya ichifwani chila nukuchochela mwikombe ilya Kidiloni.

2 Imbili 24:18

Bakayisulannya Inyumba iya Mwene u Chala uwa banyenya babo nukwiputa ivifwani ivya Ashela ni vifwani ivinji. Pachifukwa icha mbibi zyabo, u Chala akabakalalila abantu aba mu Yuda naba mu Yelusalemu.

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

2 Imbili 33:3

Akazenga sona ubuzilo ubwapamwanya ubwakwiputilapo ivifwani, bubo uwise u Hezekiya akabumongolannya. Akamuzengela sona u Baala ivighemo nukupanga ivifwani ivya Ashela, akazyiputagha intondwa nukuzichindika.

2 Imbili 34:3

Mumwaka uwa eyiti bo akulaghila sona bo achili mwana munandi, akanda pakumwiputa u Chala uwa munyenya wache u Devedi. Mumwaka uwa 12 akanda pakwefya apakwiputilapo ivifwani mu Yuda na mu Yelusalemu ni vifwani ivya Ashela ni vifwani ivyakubiza sona ni vifwani ivya chela.

2 Imbili 34:7

Akamongolannya ivighemo ni vifwani ivya Ashela nukusya ivifwani sona akamongolannya ivighemo ivyakufukizizyapo utwakununkila mu Izilayeli mosi. Po akanyokela ku Yelusalemu.

Masalimo 106:35

Loli bakasendana na bantu aba inko izinji, nukweghelela inyiho zyabo.

Masalimo 106:36

Bakabiputa abachala babo, vivyo pisinda pache vikaba chipingo kukwabo.

Masalimo 106:7

Bo abanyenya bitu bali mu Ijiputi, batakinong'onelako ku vyika vyako. Batakakumbuka ukuti ukababombela ivintu ivyiza, po bakakusambukila pa Nyanja Inchesamu.

Ukufuma 34:13

Muvinangannye ivighemo vyabo, nukumongolannya amabwe ghabo amapaghuliwa, sona nukughadumulannya amakwi ghabo aghakwiputilapo u Ashela.

Yelemiya 23:27

Abalaghuzi banaba bakwinong'ona ukuti abantu bakwiza pakunduvya pachifukwa icha vilota vivyo bakubabuzya abantu ngati mumo abanyenya babo bakanduvizya nukumwiputa u Baala.

Ukukumbusya Amalamulo 16:21

Mutakasimikaye amakwi aghakwiputilapo u Ashela, bo mukumuzengela ichighemo u Mwene u Chala winyu.

Ukukumbusya Amalamulo 4:9

Mubanje maso, sona muchebaye ukuti mutakaluvyanje ivintu vyosi vivyo mukuvyennya na maso ghinyu, pamo ukuvizimya mumoyo ghinyu mukabalilo kosi aka bumi bwinyu. Mubabuzye abana binyu na bizukulu binyu bulo.

Ukukumbusya Amalamulo 8:11

Mwenelezye nkani ukuti mutakamuluvyanje u Mwene u Chala winyu. Mutakapotwe pakughakonka amalamulo ghache ni ndaghilo zyache zizyo nkubapa ilelo.

Ukukumbusya Amalamulo 8:14

mwenelezye nkani ukuti mutakwituvya nukumuluvya u Mwene u Chala winyu, yuyo akabefyamo mu Ijiputi mumo mukaba mwe bazya.

Ukukumbusya Amalamulo 8:18

Loli mukumbukaye ukuti we Mwene u Chala winyu yuyo akubapa amaka aghakuti mubanje nu bukabi. Akabomba bunubu pachifukwa ichakuti atakalondagha pakulunangannya ulufingo lwache, lulo akalapa kubanyenya binyu ukuyana namumo vibeleye nilelo.

Abalongi 3:12

Aba Izilayeli bakabomba sona ivintu ivibibi vivyo vitakamuhobosya u Mwene. Po u Mwene akamupela u Egiloni, u mwene uwamu Mowabu pakuba na maka nkani ukubachila aba Izilayeli.

Abalongi 3:8

U Mwene akabakalalila nkani aba Izilayeli, umwakuti akababika munyobe izya mwene u Kushani Lishatayimu uwa muchisu icha Mesopotamiya, po akabalaghila aba Izilayeli amaka eyiti.

Abalongi 6:25

Ubusiku bulabula u Mwene akamubuzya u Gidiyoni akati, “Senda inkambaku iyabubili iya maka seveni pamudimo uwa ghuso. Uchimongolannye ichighemo, chicho ughuso akamuzengela u Baala, nukuchidumulannya ichifwani icha Ashela chicho chili papipi ni chighemo chila.

Abalongi 8:33

Bo u Gidiyoni afwa bulo, aba Izilayeli batakaba basubiliwa kwa Chala. Po bakamusimika u Baala Beliti pakuba we chala wabo.

Abalongi 8:34

Aba Izilayeli bakamuluvya u Mwene u Chala wabo, yuyo akabapoka munyobe izya balwani babo kunkuto zyosi.

1 Samuweli 12:10

Bakamulilila u Mwene bakati, ‘Aswe twananga, pachifukwa ichakuti twamukana u Mwene, nukumubombela u Baala ni vifwani ivya Ashitoleti. Loli ilelo tupoke munyobe izya balwani bitu, po tukwiza pakukubombela.’

1 Samuweli 12:9

“Loli abanyenya binyu bakamuluvya u Mwene u Chala wabo. Po u Mwene akababika munyobe izya Sisela, usongo uwa basilikali aba mu Hazoli, na munyobe izya ba Filisiti, sona na munyobe izya mwene uwa ba Mowabu, babo bakalwa nabo ubwite.