Abalongi 3:4 - IBAYIBOLO 2024

⁴ Akabaleka abantu banaba ukuti ababombezyanje pakubayela aba Izilayeli umwakuti ennye nanti bangaghakonka amalamulo agha Mwene ghagho akabapa abanyenya babo ukwendela mwa Mozesi.

Abalongi 3:4 Iomraidhean Croise

Ukufuma 15:25

Po u Mozesi akamulilila u Mwene po u Mwene akamulanjizya akakwi. U Mozesi akakasumbila mumizi akakwi kala, po amizi ghakaleka pakubaba. Palapala u Mwene akabapa abantu bala ululaghilo ulukafu nkani nukubayela

1 Aba Kolinti 11:19

Pakuti pabaghiye pabepo ukugabinkana pakasi papinyu, umwakuti babo banaloli baboneke pabuzelu.

Ukukumbusya Amalamulo 33:8

Nizya uluko ulwa Levi akati, “Wee Mwene vumbula ubwighane bwako ukwendela mwa Tumimu nu Ulimu, ukwendela mu mubombi wako umusubiliwa u Levi. Ukamuyela pa Masa nukudalinkana nawe pamizi agha Meliba.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

Abalongi 2:22

Nkwiza pakuzibombezya inko zinizi pakubayela aba Izilayeli ukuti nennye nanti bakuzikonka izila izya Mwene ukuyana namumo abanyenya babo bakabombelagha.”

Abalongi 3:1

Izi zyo inko zizyo u Mwene akazileka ukuti azibombezyanje pakubayela aba Izilayeli, babo batakabumanyapo nalumo ubwite mu Kenani.