Abalongi 3:3 - IBAYIBOLO 2024

³ Akabaleka abamwene fayivi aba ba Filisiti naba Kenani bosi naba Sidoni sona naba Hivi babo bakikalagha pighamba ilya Lebanoni ukwandila kwighamba ilya Baala Helimoni mupaka ku Lebo Hamati.

Abalongi 3:3 Iomraidhean Croise

Ubwandilo 49:13

“U Zebuloni, akwiza pakwikala mulubazu ulwa nyanja. Akwiza pakuba liloboko ilya mabwato amakulu nkani, sona impaka yache yikwiza pakufika ku Sidoni.

2 Samuweli 24:7

Ukufuma kulakula bakabuka kwilinga ilya Tile, sona nutwaya tosi utwa ba Hivi naba Kenani. Pabumalilo bakabuka ku Belisheba mu Negebu, muchisu icha Yuda.

1 Abamwene 8:65

Pakabalilo kalakala u Solomoni poka naba Izilayeli bosi babo bakaba palapala bakaba nu Lusekelo ulwa Visakasa masiku seveni. Lukaba lukomano ulukulu nkani umwakuti abantu aba ku Lebo Hamati mupaka kukasoko kumpaka iyakumitu iya Ijiputi bakiza. Bakaba nu lusekelo ulwa amasiku aghanji seveni, umwakuti bakaba nu lusekelo lunulu amasiku 14 ulwakumuchindikila u Mwene u Chala witu.

1 Abamwene 9:20

Loli pakabapo abantu aba inko izyakulekanalekana babo bakasyala muchisu chila. Abantu banaba bakaba ba Amoli naba Hiti naba Pelezi naba Hivi sona naba Yebusi babo batakaba ba Izilayeli

Ezekiyeli 47:20

“Kulubazu ulwa kubwinjililo bwizuba, Inyanja iya Medeteleniya yikwiza pakuba mpaka umwakwenannya nakaya aka Lebo Hamati. Yiniyi yikwiza pakuba mpaka iyakubwinjililo bwizuba.

Ukubelengiwa 13:29

Aba Amaleki bakwikala muchisu icha kuntende, sona aba Hiti naba Yebusi naba Amoli bakwikala muchisu icha mumaghamba. Aba Kenani bakwikala kupipi ni nyanja, sona na mulubazu ulwa lusoko ulwa Yolodani.”

Ukubelengiwa 34:8

Ukwandila kwighamba ilya Holi, impaka yinyu yikwiza pakufika ku Lebo Hamati mupaka ku Zedadi.

Ukukumbusya Amalamulo 1:7

Losi ulu nyamuka ubulendo bwinyu. Bukagha kuchisu icha mumaghamba icha ba Amoli sona na kuchigaba ichipalamani nicha Alaba na mumaghamba, na muntende mumaghamba kubwinjililo bwizuba na ku Negebu poka na mulubazu ulwanyanja mupaka kuchisu icha ba Kenani na ku Lebanoni nukumalila kulusoko ulukulu ulwa Yufuleti.

Ukukumbusya Amalamulo 3:9

(Aba Sidoni bakalyitizyanga ighamba ilya Helimoni ukuti Siliyoni, sona aba Amoli bakalyitizya ukuti Senili.)

Yoshwa 11:19

Katakabapo nakamokamo akaya kako kakafinga ulufingo ulwa mutende naba Izilayeli, loli bene aba Hivi babo bakikalagha mu Gibeyoni, babo bakalemiwa kubwite.

Yoshwa 11:3

mupaka kuba Kenani abakubufumilo na kubwinjililo bwizuba na kuba Amoli naba Hiti naba Pelezi sona naba Yebusi muchisu icha mumaghamba na kuba Hivi muntende mwighamba ilya Helimoni muchigaba icha Mizipa.

Yoshwa 13:3

ukwandila ko kulusoko ulwa Sihoni kubufumilo bwizuba ubwa Ijiputi mupaka muchigaba icha Ekiloni kumitu kokuti ichisu chosi icha ba Kenani, chicho abamwene fayivi aba Filisiti bakalaghilagha mu Gaza, na mu Ashidodi namu Ashikeloni namu Gati namu Ekiloni sona na mu Avimu.

Yoshwa 13:5

ni chigaba chosi icha ba Gebala, na mu Lebanoni mosi mupaka kubufumilo bwizuba, ukwandila ku Baala Gadi muntende mwighamba ilya Helimoni mupaka ku Lebo Hamati,

Yoshwa 19:28

Yikendelela mupaka ku Ebuloni naku Lehobu naku Hamoni sona naku Kana mupaka ku Sidoni Umukulu.

Yoshwa 9:7

Loli aba Izilayeli bakamula bakati, “Lumo mukwikala papipi naswe. Nkimba tungafingana bulibuli ulufingo namwe?”

Abalongi 10:12

Nizya ba Sidoni nizya ba Amaleki sona nizya ba Mawoni pakabalilo kako mukandilila ukuti imbavwe, bo bakubayivya nkani, nkimba intakabapoka munyobe zyabo?

Abalongi 10:7

Po u Mwene akabakalalila nkani nukubabika munyobe izya ba Filisiti, sona nizya ba Amoni.

Abalongi 14:4

Abapapi bache batakamanyagha ukuti akaba we Mwene yuyo akamulongozya u Samusoni pakubomba bunubu, pakuti u Mwene akalondagha akabalilo akiza nkani akakuti alwile naba Filisiti. Pakuti pakabalilo kalakala aba Filisiti bakabalaghilagha aba Izilayeli.

Abalongi 18:7

Abantu fayivi bala bakabuka nukufika mu Layishi. Kulakula bakennya ukuti abantu bakikalagha umwakufwasa ngati bo ba Sidoni, sona na basita kupasya. Abantu bala bakaba bakabi nkani pachifukwa ichakuti ichisu chabo chitakasobelwapo ichintu nachimochimo. Bakikalagha kubutali nkani naba Sidoni, sona batakendelanagha ninko izinji.

Abalongi 3:2

U Mwene akabomba bunubu ukuti abamanyisye inkalo abaluko ulwa Izilayeli, babo batakabumanyapo nalumo ubwite.

Abalongi 4:2

Po u Mwene akababika munyobe izya Yabini u mwene uwa ba Kenani yuyo akalaghilagha mukaya akakulu nkani aka Hazoli. Usongo uwa basilikali bache akaba we Sisela, yuyo akikalagha mu Halosheti Hagoyimu.

1 Samuweli 13:5

Aba Filisiti bakabungana poka ukuti balwe ubwite naba Izilayeli. Bakaba ni ngolo izya bwite 30,000, na bendezya ingolo 6,000, sona na basilikali abinji nkani ngati musesenga uwa mulubazu ulwa nyanja. Bakazenga ivisakasa vyabo mu Mikimashi kubufumilo bwizuba ubwa Beti Aveni.

1 Samuweli 29:2

Bo abamwene aba ba Filisiti bakubuka nu tubukatila twabo utwa basilikali 100 sona nutwa 1,000 pakulwa ubwite, u Devedi na basilikali bache bakizagha kwisinda ukwa mwene u Akishi.

1 Samuweli 6:16

Bo abalongozi fayivi aba ba Filisiti bennya zinizi, bakanyokela ku Ekiloni pisiku lilalila.

1 Samuweli 6:18

Vyope ivifwani ivya mbeba izya golide vikagabiwa ukuyana nutwaya tosi utukulu nkani utwa ba Filisiti, tuto tukaba twa balongozi fayivi bala, sona utwaya utukulu nkani utwa malinga, poka nutwaya twache. Ibwe ikulu nkani, papo bakabikapo Ibokosi ilya Lufingo ilya Mwene, we kaboni mupaka nilelo bulo mumughunda uwa Yoshwa wamu Beti Shemeshi.

1 Samuweli 6:4

Aba Filisiti bala bakalalusya bakati, “Nkimba tumutumile ichakwiyipa choni ichakupepesezya inongwa?” Bakamula bakati, “Ivifwani fayivi ivya vitufya ivya golide, sona ni vifwani fayivi ivya mbeba izya golide, choka ukwimilila umulongozi wesi uwa ba Filisiti, pachifukwa ichakuti iviwaya vinivi vyabawila amwe poka na balongozi binyu.