Abalongi 3:16 - IBAYIBOLO 2024

¹⁶ U Ehudi akasyana upanga yuyo akwete kosi na kosi, ubutali bwache akaba amasentimita 50, po akamupinyilila mumusana kuntapatapa iya ndilo mukasi mumenda ghache.

Abalongi 3:16 Iomraidhean Croise

2 Samuweli 20:8

Bo bali pilyalabwe ikulu nkani mu Gibeyoni, Amasa akiza pakukomana nabo. U Yowabu akavwala ilaya ilya bwite, sona akapinyilila ulamba mumusana wache yuyo akaba ni nyambi. Bo akwenda upanga yula akawa pasi.

Masalimo 149:6

Bakolomokaye bo bakumupala u Chala namalomo ghabo, sona bo balemite munyobe zyabo upanga yuyo akwete kosi na kosi,

Masalimo 45:3

Wee musilikali umujivu, pinyilila upanga wako mumusana, mubuchindamu nu bukulu bwako.

Inyimbo izya Solomoni 3:8

Bosi banaba balemite abapanga, sona bamenye nkani pakulwa ubwite. Umuntu wesi ali nupanga wache palubazu, ukuti alwe ubwite na babo bakwiza pabusiku.

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

Ubuvumbuli 1:16

Akalema intondwa seveni munyobe yache indilo. Mumulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ubuvumbuli 2:12

“Uwantumi uwa muchipanga icha mu Peligamu umusimbile uti, “Amazyu ghagho ghaneniwa na yuyo alemite upanga yuyo akwete kosi na kosi, gho agha:

Abalongi 3:15

Loli aba Izilayeli bakamulilila u Mwene, po akabatumila umuntu uwakuti abapoke. Umuntu yunuyu akaba we Ehudi, uwa nyobe iya mongo, umwana uwa Gela, yuyo akaba waluko ulwa Benjamini. Aba Izilayeli bakamutuma u Ehudi pakumupa u mwene u Egiloni ivyabupi.

Abalongi 3:17

U Ehudi akamupa ivyabupi u Egiloni u mwene uwamu Mowabu, yuyo akaba muntu umwine nkani.

Abalongi 3:21

u Ehudi akawesa upanga wache ni nyobe yache iyamongo, yuyo akamupinyilila pa ntapatapa iya kundilo nukumulasa nawe palwanda lwache.