Abalongi 3:10 - IBAYIBOLO 2024

¹⁰ Umuzimu uwa Mwene ghukamwikila u Otiniyeli, umwakuti akaba mulongi uwa ba Izilayeli. U Otiniyeli yula akabuka pakulwa ubwite, po u Mwene akamupota nukumubika u mwene wamu Mesopotamiya munyobe zyache.

Abalongi 3:10 Iomraidhean Croise

1 Imbili 12:18

Po Umuzimu uwa Chala akamwikila u Amasayi, usongo nkani uwa bantu 30 bala, po akati, “Wee Devedi, aswe twe bantu bako! Aswe tuli kulubazu lwako, wee mwana uwa Yese! Tukukulondela ivyiza vyosi, sona ivintu vibendelaye akiza abantu bako babo bakukwavwa. Pakuti u Chala umwenecho akwiza pakukwavwa.” Po u Devedi akabapokela ni nyobe zyosi zibili nukubabika pakuba balongozi aba tubukatila utwa basilikali bache.

2 Imbili 15:1

Umuzimu uwa Chala ghukamwikila u Azaliya umwana uwa Odedi.

2 Imbili 20:14

Po umuzimu uwa Mwene ghukamwikila u Yahaziweli umwana uwa Zekaliya, umwana uwa Benaya, umwana uwa Yeyiyeli, umwana uwa Amataniya umu Levi sona uwaluko ulwa Asafu, bo imiliye pamaso pachilundilo chila.

Masalimo 51:11

Utakanchimbizye pamaso papako pamo ukunyefyezya Umuzimu wako Umuzelu.

Ukubelengiwa 11:17

Ane nkwiza pakwika nukunena nawe palapala, sona nkwiza pakusendako u Muzimu wane yuyo ali mumwako nukubapako. Bakwiza pakukwavwa pakunyamula ukatundu uwa bantu, umwakuti utakamunyamule wemwene.

Ukubelengiwa 11:25

Po u Mwene akika mwibingu nukunena nu Mozesi. Akasendapo u Muzimu uwa Mozesi nukubapako abalongozi 70 bala. Bo abalongozi bala bapokela u Muzimu ghula, bakanda pakulaghula, loli batakendelela.

Ukubelengiwa 11:29

Loli u Mozesi akamula akati, “Nkimba uli na kabini nane? Nalondagha ukuti abantu bosi aba Mwene ngali babanga balaghuzi, sona u Mwene ngali abapanga u Muzimu wache.”

Ukubelengiwa 24:2

po akabennya aba Izilayeli bazengite ivisakasa vyabo ukuyana nuluko lwabo. Po u Muzimu uwa Chala akamwikila,

Ukubelengiwa 27:18

Po u Mwene akamubuzya u Mozesi akati, “Umusende u Yoshwa umwana uwa Nuni, umuntu yuyo ali nu Muzimu uwa Chala, nukubika inyobe papache.

Aba Hebeli 6:4

Chipala nkani na bantu babo bakalukana ulwitiko lwabo ukuti bapinduke sona. Abantu banaba bakapokelapo ulukozyo ulwa Chala, nukuyezyapo ivyabupi ivya kumwanya, sona nukupokela ichigaba icha Muzimu Umuzelu.

Abalongi 11:29

Po Umuzimu uwa Mwene ghukamwikila u Yefuta, umwakuti akaloboka ichisu icha Giliyadi ni icha Manase nukudumusannya mu Mizipa mu Giliyadi. Po akabuka pakulwa ubwite naba Amoni.

Abalongi 11:32

U Yefuta akabuka pakulwa ubwite naba Amoni, po u Mwene akababika aba Amoni munyobe zyache.

Abalongi 13:25

Umuzimu uwa Mwene akanda pakumupa amaka, bo ali mu Mahane Dani, akaya akakulu kako kakaba pakasi pa kaya aka Zola naka Eshitawoli.

Abalongi 14:19

Po Umuzimu uwa Mwene ghukamwikila u Samusoni nukumupa amaka, umwakuti akabuka ku Ashikeloni nukubaghogha abanavuli 30, sona akabafyula ivintu vyabo nukusenda amenda ghabo nukubapa abantu babo bakamubuzya iching'anamulo icha chili chila. U Samusoni akabwela, bo akalaye nkani.

Abalongi 14:6

Umuzimu uwa Mwene ghukamwikila u Samusoni nukumupa amaka umwakuti akayizepulannya inkalamu yila pabili ni nyobe zyache ukuyana bulo namumo angamuzepulila u mwana uwa mbuzi. Loli atakamubuzyapo uwise pamo unyina zinizi.

Abalongi 15:14

Bo afika papipi nu Lehi, aba Filisiti bakiza kukwache, bo bakukolomoka. Umuzimu uwa Mwene ghukamwikila u Samusoni nukumupa amaka. Po inkusa zizyo bakamupinya nazyo zikawa munyobe zyache ngati po zilunguliye numoto.

Abalongi 3:11

Po mukaba umutende muchisu chilachila amaka 40. Pisinda pache u Otiniyeli, umwana uwa Kenazi akafwa.

Abalongi 3:8

U Mwene akabakalalila nkani aba Izilayeli, umwakuti akababika munyobe izya mwene u Kushani Lishatayimu uwa muchisu icha Mesopotamiya, po akabalaghila aba Izilayeli amaka eyiti.

Abalongi 6:34

Umuzimu uwa Mwene ghukamwinjila u Gidiyoni, po akalizya ipati pakubitizya aba Abiyezeli ukuti bamukonke.

1 Samuweli 10:10

Bo bafika mu Gibeya, akakomana na kabukatila aka balaghuzi. Umuzimu uwa Chala akamwinjila na maka u Sabuli, po wepe akanda pakulaghula.

1 Samuweli 10:6

Umuzimu uwa Mwene akwiza pakwinjila na maka, po nawe ukwiza pakwanda pakulaghula. Pisinda pache ukwiza pakwanduka pakuba muntu uyunji bulo.

1 Samuweli 11:6

Bo u Sabuli ivwa amazyu ghabo, umuzimu uwa Chala ghukamwikila na maka umwakuti akakalala nkani.

1 Samuweli 16:13

U Samuweli akasenda amafuta nukumupakazya u Devedi pamaso pa bawamwabo bala. Po ukwandila pisiku lilalila umuzimu uwa Mwene akamwinjila u Devedi na maka. Pisinda pache u Samuweli akabwela ku Lama.