Abalongi 3:1 - IBAYIBOLO 2024

¹ Izi zyo inko zizyo u Mwene akazileka ukuti azibombezyanje pakubayela aba Izilayeli, babo batakabumanyapo nalumo ubwite mu Kenani.

Abalongi 3:1 Iomraidhean Croise

1 Abamwene 9:21

kokuti abaluko lwabo bo babo bakasyala muchisu chila. Aba Izilayeli bakapotwa pakubazimizya po u Solomoni akababombezya abantu banaba imbombo izyakufyenga bulo ngati mumo zibeyele nilelo bulo.

2 Imbili 32:31

Abalongozi aba mu Babiloni bakazituma intumi pakumulalusya nizya chimanyilo ichakuswighisya chicho chikabombiwa muchisu chache. Po u Chala akamuleka ukuti amuyele umwakuti amanye zizyo akinong'onagha.

Yobu 23:10

Loli u Chala akamenye akendele kane kosi; nanti anjela, nkwiza pakuswepagha.

Ukufuma 15:25

Po u Mozesi akamulilila u Mwene po u Mwene akamulanjizya akakwi. U Mozesi akakasumbila mumizi akakwi kala, po amizi ghakaleka pakubaba. Palapala u Mwene akabapa abantu bala ululaghilo ulukafu nkani nukubayela

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Yelemiya 6:27

U Mwene akambuzya akati, “Nakubika awe pakuba we wakupima ivyela na bantu bane umwakuti wennye namumo inkalo zyabo zibeleye.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Yohani 2:24

Loli u Yesu atakabasubila pakuti akazimanya inyinong'ono zyabo.

Ukukumbusya Amalamulo 7:22

U Mwene u Chala winyu akwiza pakuzichimbizyamo inko zyosi panandipanandi. Amwe mutangabazimizyamo bosi pakabalilo koka, lumo ivinyamana vinganyamana nkani nukuboghofya.

Ukukumbusya Amalamulo 8:16

Akabapa umana ukuti mulyanje, ichakulya chicho bope na banyenya binyu batakachighonjapo nalumolumo. Akabatumila intamyo pakubayela amwe, umwakuti pabumalilo bwache abasaye nukubabombela ivintu ivyiza.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

1 Pitala 4:12

Mwee bamanyani bane abaghaniwa, mutakaswighaye ni njelo impalapala zizyo mukukomana nazyo ngati po chintu chimo ichiyeni chabawila.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Abalongi 1:1

Bo u Yoshwa afwa aba Izilayeli bakamulalusya u Mwene bakati, “Nkimba luko loni lulo lukwiza pakuba lwakwanda pakulwa ubwite naba Kenani?”

Abalongi 2:10

Bo inkulilo yosi yilayila yafwa, inkulilo iyinji yikizapo, yiyo yitakamumanya u Mwene pamo ukuzimanya imbombo zizyo akababombela aba Izilayeli.

Abalongi 2:23

Po u Mwene atakazichimbizyamo inko zila muchisu chilachila, sona atakazichimbizyamo bulo lubilolubilo pakuzibika munyobe izya Yoshwa.

Abalongi 3:2

U Mwene akabomba bunubu ukuti abamanyisye inkalo abaluko ulwa Izilayeli, babo batakabumanyapo nalumo ubwite.