Abalongi 21:4 - IBAYIBOLO 2024

⁴ Indabi yache, pandabindabi nkani aba Izilayeli bala bakazenga ichighemo nukubikapo ivyakwiyipa ivyakocha, sona ni vyakwiyipa ivyabupoka.

Abalongi 21:4 Iomraidhean Croise

2 Samuweli 24:18

Pisiku lilalila u Gadi akabuka kwa Devedi nukumubuzya ukuti, “Buka pakumuzengela ichighemo u Mwene pabuzilo ubwakukomelapo inyinulo ubwa Alawuna umu Yebusi.”

2 Samuweli 24:25

U Devedi akamuzengela u Mwene ichighemo palapala nukubika ivyakwiyipa ivyakocha, nivyakwiyipa ivyabupoka. Po u Mwene akivwa ulwiputo lulo akachiputilagha ichisu, po ichiwaya chila chikamala mu Izilayeli.

1 Abamwene 8:64

Pisiku lilalila u mwene akayipaghula sona intanda yiyo yikaba kuntazi ukwa Nyumba iya Mwene. Palapala akabika ivyakwiyipa ivyakocha ni vyakwiyipa ivya busu sona na mafuta agha vyakwiyipa ivyabupoka pachifukwa ichakuti ichighemo icha mukuba chicho chikaba pantazi pa Mwene chikaba chinandi nkani ukukwanapo ivyakwiyipa ivyakocha ni vyakwiyipa ivya busu sona na mafuta agha vyakwiyipa ivyabupoka.

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Ukukumbusya Amalamulo 12:5

U Mwene u Chala winyu akwiza pakusala ubuzilo boka bulo pakasi pabaluko lwinyu, bubo abantu babaghiye pakwiza pakulichindika itabwa lyache. Kulakula ko kuko mubaghiye pakubukako.

Aba Hebeli 13:10

Tuli ni chighemo papo na baputi aba Chiyuda bulo babo bakubomba mubuzilo ubwakwiputilamo, batakwitikiziwa pakulyela pachighemo pala.

Abalongi 20:26

Aba Izilayeli bosi bakabuka ku Beteli, sona bakikala pasi palapala pakumulilila u Mwene. Pisiku lilalila bakatuzya pakulya mupaka pachamabwila nukubika ivyakwiyipa ivyakocha ni vyakwiyipa ivyabupoka kwa Mwene.

Abalongi 21:3

ukuti, “Wee Mwene, u Chala uwa ba Izilayeli, nkimba choni chicho chatuwila? Nkimba chifukwa choni ukuti uluko loka luzimile mu Izilayeli?”

Abalongi 6:24

Po u Gidiyoni akamuzengela ichighemo u Mwene pabuzilo bulabula nukuchita ukuti, “U Mwene we Mutende.” Ichighemo ichi chichili chilimo mu Ofula, mukaya akakulu nkani aka Abiyezeli mupaka nilelo bulo.

Abalongi 6:26

Po umuzengele u Mwene u Chala wako ichighemo ichiza pano. Usende sona inkambaku iyabubili nukuyibika ukuti chibanje chakwiyipa ichakocha pakubombezya inkwi izya chifwani icha Ashela chila.”

1 Samuweli 7:17

Loli akabalilo kosi akabwelagha ku Lama kukaya kache. Kulakula kope akabalongagha aba Izilayeli, sona ko kuko akamuzengela ichighemo u Mwene.