Abalongi 21:10 - IBAYIBOLO 2024

¹⁰ Po ichilundilo chosi icha bantu chila chikabatuma abasilikali 12,000 ku Yabeshi Giliyadi ukuti babaghoghe abantu bosi babo bakikalagha mulamula, ukonjelezyapo abakolo na bana.

Abalongi 21:10 Iomraidhean Croise

Ukubelengiwa 31:17

Losi ulu mubaghoghe abalumendo bosi nukubaghogha abakolo bosi babo baghonitepo nu mwanavuli.

Ukukumbusya Amalamulo 13:15

po mubaghoghe abantu bosi aba mukaya kalakala. Mukanangannye akaya kalakala, poka ni vitekwa vyosi.

Yoshwa 7:24

Po u Yoshwa poka naba Izilayeli bakamusenda u Akani, ni vintu vivyo bakamwagha navyo ngati usiliva ni nkazo sona nu golide yula. Bakasenda sona na bana bache abalumendo na balindu ni ng'ombe ni mpunda ni ng'ozi sona ni chisakasa chache, poka na vyosi vivyo akaba navyo nukubuka navyo kwikombe ilya Ntamyo.

Abalongi 21:5

Aba Izilayeli bakalalusya bakati, “Nkimba luko loni pakasi panko izya ba Izilayeli, lulo lukanyoka ku lukomano ulwa Mwene?” Pakuti abantu bakalapa ukuti umuntu wesi yuyo anyoka kulukomano ulwa Mwene mu Mizipa, naloli aghoghiwanje.

Abalongi 21:8

Po bakalalusya bakati, “Nkimba luko loni pakasi panko izya ba Izilayeli, lulo lukanyoka kulukomano ulwa Mwene mu Mizipa?” Bakagha ukuti abantu aba mu Yabeshi Giliyadi bakanyoka kulukomano lula.

Abalongi 21:9

Pakuti bo bababelenga abantu bakagha ukuti patakabapo nayumoyumo umuntu uwamu Yabeshi Giliyadi.

Abalongi 5:23

“Uwantumi uwa Mwene akati, ‘Umughune u Melozi. Ubaghune nkani abantu babo bakwikala mulamula. Abene batakiza pakumwavwa u Mwene, pakumwavwa u Mwene pakulwa ubwite na basilikali abamaka.’

1 Samuweli 11:7

Akasendapo inkambaku zibili zila nukuzighogha, sona akazidumulannya muvipuza. Po akazituma intumi ni vipuza vila muchisu chosi icha Izilayeli nukunena ukuti, “Umuntu wesi yuyo atakumukonka u Sabuli nu Samuweli, inkambaku zyache zikwiza pakuboliwa ngati bunubu.” Po abantu bala bakamunyila nkani u Mwene, sona abantu bosi bakanyamuka ngati muntu weka.

1 Samuweli 15:3

Losi ulu, buka pakulwa ubwite naba Amaleki, sona muvinangannye ivintu vyabo vyosi. Patakabepo nayumoyumo umuntu uwakupona. Mubaghoghe abanavuli na bakolo na bana na babonda ni ng'ombe ni ng'ozi ni ngamila sona ni mpunda zyabo.’ ”