Abalongi 2:3 - IBAYIBOLO 2024

³ Polelo nkubabuzya ukuti ntakwiza pakubachimbizyamo abenekaya, bo amwe mukwinjilamo. Loli abene bakwiza pakubatamya nkani, sona abachala babo bakwiza pakuba vyo vipingo kukwinyu.”

Abalongi 2:3 Iomraidhean Croise

Masalimo 106:36

Bakabiputa abachala babo, vivyo pisinda pache vikaba chipingo kukwabo.

Ukufuma 23:33

Mutakabitikizye abantu banaba pakwikala muchisu chinyu, lumo bakwiza pakubapela ukuti munangile, pakuti pakubiputa abachala babo, naloli chikwiza pakuba chipingo chinyu.”

Ukufuma 34:12

Muchebaye nkani ukuti mutakafinge ulufingo na bantu aba muchisu chicho mukubukako pakuti bangaba chipingo pakasi papinyu.

Ukubelengiwa 33:55

“Loli nanti mutakubachimbizyamo abenekaya muchisu chila, po abantu babo mukubaleka mulamula, bakwiza pakuba ngati ko kapato mumaso ghinyu, sona ngati gho mivwa mukasi. Bakwiza pakubatamya muchisu chicho mukwiza pakwikalamo.

Ukukumbusya Amalamulo 7:16

Muzinangannye inko zyosi zizyo u Mwene u Chala winyu azibika munyobe zyinyu. Mutakabapelelaye ichisa, sona mutakabiputaye abachala babo, pakuti chinichi chikwiza pakuba chipingo.

Yoshwa 23:13

po mumanye ukuti u Mwene u Chala winyu atakwiza pakuzichimbizya inko zinizi pamaso papinyu. Loli abantu banaba bakwiza pakuba vipingo kukwinyu. Bakwiza pakuba ngati bubavu ubwa ndisa panyuma zyinyu, pamo amivwa mumaso ghinyu. Ichi chikwiza pakubako mupaka papo mwebosi mukwiza pakumala muchisu ichiza chicho u Mwene u Chala winyu abapiye.

Abalongi 2:21

ane ntakwiza pakuzichimbizyamo nalumo inko zizyo u Yoshwa akazileka pakabalilo kako akafwilagha.

Abalongi 2:4

Bo uwantumi uwa Mwene ababuzya zinizi aba Izilayeli bosi, abantu bakanda pakulila nkani.

Abalongi 3:6

Aba Izilayeli bala bakasendana na bana babo abalindu nukubapa abana babo abalindu, abantu abaluko ulunji pakuba bachi babo. Bakababombela abachala babo.

Abalongi 8:27

U Gidiyoni akamubombezya ugolide yula pakupanga ichifwani nukuchibika mukaya akakulu nkani aka Ofula, kako kakaba kaya kache. Po aba Izilayeli bosi bakanda pakuchiputa kulakula mubuzilo ubwa Chala, po chikanduka chipingo kwa Gidiyoni na bamunyumba yache.