Abalongi 2:18 - IBAYIBOLO 2024

¹⁸ Akabalilo kosi nanti u Mwene akubimikila umulongozi, u Mwene akaba nawe nukubapoka munyobe izya balwani babo, bo umulongozi yula mumi. U Mwene akaba nabo ni chililizi, bo bakukoloma pachifukwa icha bantu babo bakabavwimagha nukubayivya.

Abalongi 2:18 Iomraidhean Croise

Ubwandilo 6:6

Akaba ni chitima pachifukwa ichakuti akabapela abantu nukubabika muchisu ichapasi. Po chikamubaba nkani mumoyo wache.

2 Abamwene 13:4

U Yehowahazi akamulaba u Mwene ukuti amupelele ichisa pachifukwa ichakuti aba Siliya bakabayivya nkani aba Izilayeli, po u Mwene akivwa ulwiputo lwache.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 90:13

Wee Mwene, isya ubukali bwako, nkimba ukwiza pakutukalalila mupaka liyi? Ubanje ni chililizi na babombi bako.

Ukufuma 2:24

U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo.

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Yona 3:10

Bo u Chala ennya ukuti abantu bala bayileka inkalo yabo imbibi, akabapelela ichisa. Po atakabafunda nu lufundo ukuyana namumo akalondelagha.

Ukubelengiwa 10:9

Bo mukulwa ubwite na balwani binyu muchisu chinyu, babo bakubayivya, mulizyanje amapati aghakubasoka abantu, po u Mwene u Chala winyu akwiza pakubapoka munyobe izya balwani binyu.

Ukukumbusya Amalamulo 32:36

U Mwene akwiza pakubalonga abantu bache. Akwiza pakubapelela ichisa ababombi bache bo ennya ukuti amaka ghabo ghamala, sona nukuti atalipo nayumoyumo umuntu uwakusyala, manyi muzya, pamo musatuke.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.

Abalongi 11:32

U Yefuta akabuka pakulwa ubwite naba Amoni, po u Mwene akababika aba Amoni munyobe zyache.

Abalongi 2:19

Loli nanti umulongozi yula afwa, abantu bala bakanda pakubomba sona ivintu ivibibi ukubachila abanyenya babo, pakubiputa nukubachindika abachala abanji. Bakakana pakuzileka imbibi zyabo, po bakendelela pakuba na moyo amakafu.

Abalongi 3:9

Loli bo bamulilila u Mwene, po u Mwene yula akabatumila umuntu uwakuti abapoke. Umuntu yunuyu akaba we Otiniyeli, umwana uwa Kenazi, umuzuna uwa Kalebu, yuyo akabapoka.

Abalongi 6:12

Palapala uwantumi uwa Mwene akamubonekela u Gidiyoni nukuti, “U Mwene ali nawe, we muntu umujimvu sona nu wamaka.”

Abalongi 6:16

U Mwene akamwamula akati, “Nkwiza pakuba nawe, po ukwiza pakubapota aba Midiyani bosi.”