Abalongi 2:12 - IBAYIBOLO 2024

¹² Bakamukana u Mwene, u Chala uwa banyenya babo, yuyo akabefyamo mu Ijiputi. Bakabiputa nukubachindika abachala abanji aba bantu babo bakabazyungulila. Bakamukalalizya nkani u Mwene

Abalongi 2:12 Iomraidhean Croise

Masalimo 106:36

Bakabiputa abachala babo, vivyo pisinda pache vikaba chipingo kukwabo.

Masalimo 78:58

Bakamukalalizya u Chala nu buzilo bwabo ubwapamwanya, umwakuti bakamupela ukuti abanje nu buzuba ni vifwani vyabo.

Ukufuma 13:14

“Muntazi, nanti abana binyu bakubalalusya ukuti, ‘Nkimba ichi chikung'anamula ichoni?’ Mubamulaye ukuti, ‘U Mwene akatwefyamo mu Ijiputi, ichisu icha buzya na maka ghache amakulu.

Ukufuma 13:16

Chinichi chikwiza pakuba chimanyilo ichakupinyiwa panyobe zyitu, sona na pacheni chitu ichakutukumbusya ukuti u Mwene akatwefyamo muchisu icha Ijiputi na maka ghache amakulu nkani.”

Ukufuma 13:3

Po u Mozesi akababuzya abantu akati, “Mulikumbukilaye isiku linili, lilyo mukepelamo muchisu ichabuzya icha Ijiputi. Pisiku linili u Mwene akababefya na maka ghache amakulu. Mutakalyanje nachimochimo ichibama icha chilungo.

Ukufuma 13:9

Ulusekelo ulu lukwiza pakuba chimanyilo ichakupinyiwa panyobe zyinyu, sona na pacheni chinyu. Chikwiza pakubakumbusya ukuti indaghilo izya Mwene zibaghiye pakuba pamilomo yinyu. Pakuti u Mwene akabefyamo muchisu icha Ijiputi na maka ghache amakulu nkani.

Ukufuma 20:5

“Utakavifughamililaye pamo pakuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Ukukumbusya Amalamulo 13:5

Loli umulaghuzi pamo uwavilota yula aghoghiwanje pachifukwa ichakubabuzya ukuti mumusambukile u Mwene u Chala winyu, yuyo akabefyamo mu Ijiputi nukubapoka muchisu chicho mukaba mwe bazya. Umuntu yunuyu mubibi pakuti akulonda pakubasovya ukuti mutakazikonkaye zizyo u Mwene akabalamula. Mubwefyepo ububibi bunubu pakasi papinyu pakumughogha umuntu yunuyu.

Ukukumbusya Amalamulo 29:18

Mwenelezye ukuti atakabepo nayumoyumo umwanavuli pamo umukolo pamo inyumba pamo uluko kokuti amwe mwebosi mwe mwimiliye pano ilelo mwapaghukako kwa Mwene u Chala witu nukubiputa abachala aba inko izinji. Mwenelezye nkani ukuti katakabepo nakamokamo akagululuzi pakasi papinyu kako kangela ivikomwa ivyakubaba nivimelwa ivyakughogha.

Ukukumbusya Amalamulo 29:25

Ilyamulo lyache likwiza pakuba lyakuti, “Pachifukwa ichakuti abantu banaba bakalusulannya ulufingo, lulo bakafingana nu Mwene u Chala uwa banyenya babo, bo akubefyamo mu Ijiputi.

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Ukukumbusya Amalamulo 33:17

U Yosefu ali na maka ngati nkambaku, impembe zyache ziyanite bulo ni mpembe izya mpogho, Ni mpembe zinizi akwiza pakuzipula inko izinji, sona ninko zizyo zili kumpaka iya chisu ichapasi. Impembe zinizi bo bantu 1,000 aba Efulayimu, sona bo bantu amasabuzani agha luko ulwa Manase.”

Ukukumbusya Amalamulo 4:25

Muntazi bo mwikala muchisu chila akabalilo akatali nukupapa abana sona mwaba na bizukulu mutakipangilaye mwebene nachimochimo ichifwani. Pakuti ichi chibibi pamaso pa Mwene u Chala winyu sona chikumukalalizya nkani.

Ukukumbusya Amalamulo 5:9

“Utakavifughamililaye pamo ukuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Ukukumbusya Amalamulo 6:12

muchebaye nkani ukuti mutakamuluvyanje u Mwene yuyo akabefyamo mu Ijiputi mumo mukaba mwe bazya.

Abalongi 10:11

U Mwene akabamula akati, “Nkimba intakabapoka munyobe izya ba Ijiputi nizya ba Amoli nizya ba Amoni sona nizya ba Filisiti?

Abalongi 5:8

Bo abantu basala abachala abanji, mukaya akakulu nkani mukabamo ubwite. Pakasi pabantu 40,000 mu Izilayeli, patakabapo nayumoyumo umuntu, yuyo akanyamula ingulu pamo impalala.

Abalongi 8:33

Bo u Gidiyoni afwa bulo, aba Izilayeli batakaba basubiliwa kwa Chala. Po bakamusimika u Baala Beliti pakuba we chala wabo.