Abalongi 2:1 - IBAYIBOLO 2024

¹ Uwantumi uwa Mwene akafuma ku Giligali nukubuka ku Bokimu pakubabuzya aba Izilayeli ukuti, “Ane ne nkabefyamo mu Ijiputi nukubinjizya muchisu chicho nkabalayizya abanyenya binyu. Nkanena sona nkati, ‘Ntakwiza pakulunangannya nalumo ulufingo lulo nkafingana namwe.

Abalongi 2:1 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 16:13

Po u Hagala akamwita u Mwene yuyo akanena nawe ukuti, “Awe we Chala yuyo akwennya,” pakuti akati, “Ilelo namwennya yuyo akunyennya ane.”

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Masalimo 89:3

Wanena ukuti, “Nafinga ulufingo nu musaliwa wane, nalapa ichilapo nu mubombi wane u Devedi,

Masalimo 89:34

Ntakwiza pakulunangannya ulufingo lwane, pamo ukwandula zizyo imilomo yane yanena.

Ukufuma 14:14

U Mwene akwiza pakubalwila ubwite, amwe banga bulo myee.”

Ukufuma 14:19

Po uwantumi uwa Chala uwakubalongolela aba Izilayeli akepako kuntazi kukwabo nukwima kwisinda. Impanda iya libingu yope yikepako kuntazi kukwabo nukwima kwisinda.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ukufuma 23:20

“Nkubatumila uwantumi wane pantazi papinyu pakubalongolela bo mukwenda muzila nukubinjizya mubuzilo bubo nabayanizizya.

Ukufuma 33:14

Po u Mwene akamula akati, “Ane nemwene nkwiza pakubuka nawe, sona nkwiza pakubapa umutende.”

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Aba Levi 26:42

po ane nkwiza pakulukumbuka ulufingo lwane lulo nkafingana nu Yakobo nu Yisaki nu Abulahamu, sona nkwiza pakuchikumbuka ni chisu chinyu.

Aba Levi 26:44

Loli napapo bali muchisu icha balwani babo, ane ntakwiza pakubakana, pamo pakubaleka umwakuti mbanangannye nukulunangannya ulufingo lwane lulo nkafingana nabo. Ane ne Mwene u Chala wabo.

Zekaliya 11:10

Po nkasenda indisa yane yiyo nkayita ukuti Chisa nukuyipyola, nukulunangannya ulufingo lulo nkafingana ninko zyosi.

Malaki 3:1

U Mwene Uwamaka Ghosi akuti, “Ennya, nkwiza pakuyituma intumi yane kuntazi kukwane ukuti yinjanizizye izila. Po umwakuchenusya bulo u Mwene yuyo mukumulonda akwiza mu Nyumba yache. Intumi iya lufingo yiyo muyisambite yikwiza.” U Mwene Uwamaka Ghosi anena.

Ukubelengiwa 14:34

Mukwiza pakufundiwa amaka 40 pachifukwa icha mbibi zyinyu, kokuti umwaka ghoka ghukwimilila isiku lyoka ilya masiku ghagho mukabuka pakutendela ichisu chila. Po mukwiza pakubumanya namumo bubeleye ububibi ubwakuti ane imbasambukile.

Ukukumbusya Amalamulo 1:8

Nkubapa ichisu chosi chinichi. Bukagha pakuchifyula ichisu nukwikalamo muchisu chicho u Mwene akamulayizya umunyenya winyu u Abulahamu nu Yisaki nu Yakobo sona na baluko lwabo.’ ”

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

Yoshwa 3:10

Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.

Abalongi 11:24

Nkimba mutangasenda ivintu vivyo uchala winyu u Kemoshi abapiye? Umwakuyana bulo, aswe tukwiza pakusenda ivintu vyosi vivyo u Mwene u Chala witu atupiye.

Abalongi 13:2

Kukabako umuntu yumo ku Zola uwa luko ulwa Dani, yuyo akaba we Manowa. Umuchi akaba mughumba.

Abalongi 13:3

Uwantumi uwa Mwene akamwizila umukolo yula nukumubuzya ukuti, “Wee mukolo, awe we mughumba, loli ukwiza pakumela ulwanda nukupapa umwana umulumendo.

Abalongi 2:5

Po ubuzilo bula bakabwita ukuti Bokimu. Palapala bakabika ivyakwiyipa kwa Mwene.

Abalongi 6:8

u Mwene akabatumila umulaghuzi, yuyo akati, “U Mwene u Chala uwa ba Izilayeli ati, ‘Nkabefya mubuzya mu Ijiputi.’