Abalongi 18:8 - IBAYIBOLO 2024

⁸ Bo banyokela ku Zola naku Eshitawoli, abakamu babo bakabalalusya bakati, “Nkimba mungatupangila choni?”

Abalongi 18:8 Iomraidhean Croise

Yoshwa 15:33

Utwaya utwa muntende mwighamba tukaba to utu: Akaya aka Eshitawoli naka Zola naka Ashina

Abalongi 13:2

Kukabako umuntu yumo ku Zola uwa luko ulwa Dani, yuyo akaba we Manowa. Umuchi akaba mughumba.

Abalongi 16:31

Po abakamu aba Samusoni, poka na bamunyumba bosi iya wise bakiza pakughusenda umuvimba wache. Bakamusyila pakasikasi pa kaya aka Zola naka Eshitawoli mwipumpa ilya wise u Manowa. U Samusoni akaba mulongi uwa ba Izilayeli amaka 20.

Abalongi 18:11

Po abantu 600 abaluko ulwa Dani aba mu Zola naba mu Eshitawoli bakabuka pakulwa ubwite.

Abalongi 18:2

Po aba Dani bala bakabatuma abantu fayivi abajivu aba mu Zola, naba mu Eshitawoli pakuchitendela ichisu. Abantu banaba bakimilila inko zyabo, po bakababuzya bakati, “Bukagha muchitendele ichisu.” Abantu bala bakabuka muchisu icha mumaghamba icha Efulayimu, bakafika kunyumba iya Mika nukwikala mulamula.

Abalongi 18:7

Abantu fayivi bala bakabuka nukufika mu Layishi. Kulakula bakennya ukuti abantu bakikalagha umwakufwasa ngati bo ba Sidoni, sona na basita kupasya. Abantu bala bakaba bakabi nkani pachifukwa ichakuti ichisu chabo chitakasobelwapo ichintu nachimochimo. Bakikalagha kubutali nkani naba Sidoni, sona batakendelanagha ninko izinji.

Abalongi 18:9

Bakamula bakati, “Twende pakulwa nabo ubwite. Ichisu chabo chamuvundo nkani. Nkimba mutangabombapo zimo? Mutakazyelaye pakubukako nukuchifyula ichisu chilachila.