Abalongi 18:7 - IBAYIBOLO 2024

⁷ Abantu fayivi bala bakabuka nukufika mu Layishi. Kulakula bakennya ukuti abantu bakikalagha umwakufwasa ngati bo ba Sidoni, sona na basita kupasya. Abantu bala bakaba bakabi nkani pachifukwa ichakuti ichisu chabo chitakasobelwapo ichintu nachimochimo. Bakikalagha kubutali nkani naba Sidoni, sona batakendelanagha ninko izinji.

Abalongi 18:7 Iomraidhean Croise

Yoshwa 19:47

Aba Dani bakapotwa pakuchifyula ichisu chabo, po bakabuka nukulwa ubwite nakaya aka Leshemu. Bakakafyula akaya kala nukubaghogha abantu bosi, po bakikala mulamula nukukita akaya kala itabwa ilya munyenya wabo u Dani.

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

1 Pitala 2:14

Mubalambilaye abalaghili aba muchisu, babo basaliwe ukuti babafunde ababomba mbibi nukubapala abantu babo bakubomba inyiza.

Aba Loma 13:3

Abalaghili batakuboghofya abantu babo bakubomba inyiza, loli abantu babo bakubomba ububibi. Nkimba ukulonda pakuba muntu yuyo atakubanyila abalaghili? Bomba chicho chiza, po bakwiza pakukupala,

1 Abamwene 1:6

Uwise u Devedi atakamwikazyapo pasi nukumulalusya ukuti, “Nkimba choni chicho ukubomba bunubu?” U Adoniya akaba muntu wakuboneka akiza nkani, sona akakonka pa Abisalomu.

1 Samuweli 3:13

Pakuti nkamubuzya u Eli ukuti nkwiza pakubalonga abamunyumba yache bwila na bwila pachifukwa icha mbibi yiyo akayimanya kale. Abana bache bakinyazya bene, loli u Eli atakabakanizya.

Abalongi 18:6

Umuputi yula akabamula akati, “Mwende akiza, U Mwene abalongolele pabulendo bwinyu.”

Abalongi 18:8

Bo banyokela ku Zola naku Eshitawoli, abakamu babo bakabalalusya bakati, “Nkimba mungatupangila choni?”

Abalongi 18:29

Akaya akakulu nkani kala bakakita itabwa ilya Dani, itabwa ilya munyenya wabo u Dani umwana umulumendo uwa Yakobo. Loli akaya akakulu nkani kala pakwanda bakatinji Layishi.

1 Abamwene 16:31

Loli u Ahabu akabomba vivyo u mwene u Yelobowamu akabomba. Akananga nkani pakumusenda u Yezibeli umwana uwa mwene u Etibala umu Sidoni pakuba muchi wache. Po akanda pakumwiputa nukumubombela u Baala.

1 Imbili 4:40

Kulakula bakalyagha isote ilyinji nkani sona muchisu chila mutakabamo abantu abinji nkani sona chikaba chamutende ni chakutengana. Pakuti abantu babo bakikalagha mulamula pakwanda bakaba baluko ulwa Hamu.

Yelemiya 49:31

“Nyamuka nukulwa nuluko lulo lukwinong'ona ukuti lukwikala umwakufwasa. Uluko lulo lute nulupaso nalumo pamo impingwi, abantu bache bakwikala pakwisubila bene. Ane ne Mwene nanena.