Abalongi 18:5 - IBAYIBOLO 2024

⁵ Abantu bala bakamubuzya bakati, “Wee, twalamba utulalusikizyeko kwa Chala nanti tukwiza pakuba nu bulendo ubwiza.”

Abalongi 18:5 Iomraidhean Croise

1 Abamwene 22:5

Loli u Yehoshafati akamubuzya u mwene uwa Izilayeli yula akati, “Buzikizya tasi kwa Mwene.”

2 Abamwene 16:15

Po u mwene u Ahazi akamulamula umuputi u Uliya akati, “Pachighemo ichikulu ichipya, ubikepo ichakwiyipa ichakocha icha pandabindabi, ni chakwiyipa icha busu icha pachamabwila. Ubikepo sona ichakwiyipa ichakocha, ni chakwiyipa icha busu icha mwene, sona ni chakwiyipa icha bantu aba muchisu chosi, poka ni chakwiyipa icha vinyo. Uchinyafile ni banda lyosi ilya vyakwiyipa ivyakocha ni vyakwiyipa ivinji. Loli nkwiza pakuchibombezya ichighemo icha mukuba chila pambombo iya kubuzikizya.”

Yesaya 30:1

U Mwene akuti, “Chighune ku bantu babo basambuke, abantu babo bakubatika ivintu vivyo te vyane, po bakufinga ulufingo lulo lute lwa Muzimu wane awe, bakulundika imbibi pa mbibi.

Ezekiyeli 21:21

Pakuti u mwene uwamu Babiloni akwiza pakwimilila pamisebo mibili yiyo yilekanite, ukuti alabe amahala ku bachala abanji. Akwiza pakubomba amayele numusinda, nukubuzikizya kuvifwani vyache, sona akwiza pakwennya amatima agha vinyamana agha vyakwiyipa.

Hoseya 4:12

Bakubuzikizya ku chifwani icha ikwi, sona bakulaghula ni indisa yikubamula. Umuzimu uwa bwamalaya wabasovya, umwakuti batakusubiliwa kwa Chala.

Imbombo 8:10

Abantu bosi mulamula, abanandi na basongo, bakamuteghelezya nkani. Bakanena bakati, “Umuntu uyu we maka agha Chala ghagho bakughitizya ukuti, ‘Maka Amakulu.’ ”

Abalongi 17:13

U Mika akati, “Losi ulu inzimenye ukuti u Mwene akwiza pakunsaya pachifukwa ichakuti umu Levi muputi wane.”

Abalongi 17:5

U Mika yunuyu akaba na kachipinda akache na kache akakwiputilamo. Akasona amenda agha efodi, nukubiza utufwani tumo utunandi, po akamwimika umwana wache yumo ukuti abanje muputi wache.

Abalongi 18:14

Abantu fayivi babo bakatendelagha ichisu icha Layishi, bakabalalusya abakamu babo bakati, “Nkimba muzimenye ukuti inyumba yoka pa nyumba izi muli u efodi, na bachala abanji, sona ni chifwani icha siliva? Nkimba tubombepo choni?”

Abalongi 18:4

Akababuzya ivintu vivyo u Mika akamubombela akati, “U Mika ansimba imbombo, sona ne muputi wache.”

Abalongi 18:6

Umuputi yula akabamula akati, “Mwende akiza, U Mwene abalongolele pabulendo bwinyu.”

1 Samuweli 9:9

Kale mu Izilayeli nanti umuntu akubuka pakubuzikizya kwa Chala, akatinji, “Twende kwa mwenelezyi,” pachifukwa ichakuti ilelo yuyo bakuti mulaghuzi kale bakatinji mwenelezyi.