Abalongi 18:2 - IBAYIBOLO 2024

² Po aba Dani bala bakabatuma abantu fayivi abajivu aba mu Zola, naba mu Eshitawoli pakuchitendela ichisu. Abantu banaba bakimilila inko zyabo, po bakababuzya bakati, “Bukagha muchitendele ichisu.” Abantu bala bakabuka muchisu icha mumaghamba icha Efulayimu, bakafika kunyumba iya Mika nukwikala mulamula.

Abalongi 18:2 Iomraidhean Croise

Ubwandilo 42:9

U Yosefu akakumbuka ivilota vyache vivyo akalota, po akati, “Amwe mwe bantu batendezi. Mwiza kuno pakutendela ichisu chitu ukuti mwennye nanti chite na maka.”

Ivyili 20:18

Imbatiko zizyo zikwitikiziwa nu bulongozi ubwa bantu zikwenda akiza, po ulwanje ubwite nu bulongozi ubwiza.

Ukubelengiwa 13:17

Bo u Mozesi akubatuma abantu bala pakutendela ichisu icha Kenani akabalamula akati, “Bukagha ku Negebu, sona nukukwela ichisu icha maghamba.

Luka 14:31

“Nanti u mwene yuyo ali na basilikali 10,000 akulonda pakulwa nu mwene uwamwabo, yuyo ali na abasilikali 20,000 ukwikala tasi pasi nukwinong'ona nanti ali na maka aghakulwila nu mwene uwamwabo yula.

Yoshwa 15:33

Utwaya utwa muntende mwighamba tukaba to utu: Akaya aka Eshitawoli naka Zola naka Ashina

Yoshwa 19:41

Ichisu chabo chikongannyapo utwaya utukulu nkani utu: Zola naka Eshitawoli naka Ili Shemeshi

Yoshwa 2:1

Po u Yoshwa umwana uwa Nuni akabatuma abatendezi babili ukufuma muvisakasa pa Shitimu akati, “Bukagha pakuchitendela ichisu chila, nkaninkani akaya akakulu nkani aka Yeliko.” Abatendezi bala bakabuka nukufikila munyumba iya Lahabu, yuyo akaba we malaya nukwikala mulamula.

Yoshwa 2:2

U mwene wamu Yeliko akabuziwa ukuti, “Aba Izilayeli bamo bafika kuno pabusiku, pakuchitendela ichisu.”

Abalongi 13:2

Kukabako umuntu yumo ku Zola uwa luko ulwa Dani, yuyo akaba we Manowa. Umuchi akaba mughumba.

Abalongi 13:25

Umuzimu uwa Mwene akanda pakumupa amaka, bo ali mu Mahane Dani, akaya akakulu kako kakaba pakasi pa kaya aka Zola naka Eshitawoli.

Abalongi 16:31

Po abakamu aba Samusoni, poka na bamunyumba bosi iya wise bakiza pakughusenda umuvimba wache. Bakamusyila pakasikasi pa kaya aka Zola naka Eshitawoli mwipumpa ilya wise u Manowa. U Samusoni akaba mulongi uwa ba Izilayeli amaka 20.

Abalongi 17:1

Kukabako umuntu yumo muchisu icha mumaghamba icha Efulayimu, yuyo akaba we Mika.

Abalongi 18:11

Po abantu 600 abaluko ulwa Dani aba mu Zola naba mu Eshitawoli bakabuka pakulwa ubwite.

Abalongi 18:13

Po bakabuka muchisu icha mumaghamba icha Efulayimu nukufika kunyumba iya Mika.

Abalongi 18:3

Bo bali munyumba iya Mika mulamula bakakamanya akanenele aka mulumendo umu Levi yula. Po bakamulalusya bakati, “Nkimba ukiza nu wenu kuno? Ukulonda choni? Nkimba ukubomba mbombo yoni?”

Abalongi 18:8

Bo banyokela ku Zola naku Eshitawoli, abakamu babo bakabalalusya bakati, “Nkimba mungatupangila choni?”

Abalongi 19:1

Mumasiku ghalaghala aba Izilayeli batakaba nu mwene. Po kukabako umu Levi yumo yuyo akikalagha mutwaya nkani muchisu icha mumaghamba icha Efulayimu. Umu Levi yunuyu akamusenda umuchi umuzya uwamu Betelehemu muchisu icha Yuda.

Abalongi 19:18

Umwendazila yula akamula akati, “Twafuma mu Betelehemu muchisu icha Yuda, sona tukubuka mutwaya muchisu icha mumaghamba icha Efulayimu kuko nkwikala. Name mu Betelehemu muchisu icha Yuda, po losi ulu nkubuka ku Nyumba iya Mwene. Nayumoyumo yuyo abuka nane kunyumba yache.