Abalongi 17:6 - IBAYIBOLO 2024

⁶ Mumasiku ghalaghala aba Izilayeli batakaba nu mwene. Po umuntu wesi akabombagha bulo vivyo vikumuhobosya.

Abalongi 17:6 Iomraidhean Croise

Ubwandilo 36:31

Aba bo bamwene babo bakalaghilagha muchisu icha Edomu, bo abamwene aba ba Izilayeli batandite pakulaghila:

Masalimo 12:4

Abantu banaba bakutinji, “Tukwiza pakupota ni ndimi zyitu, po nkimba wewenu angatupota na malomo ghitu?”

Ivyili 12:15

Imbombo izya mupunganu zikubonekagha nyiza kukwache, loli umuntu uwamahala akwivwila zizyo abanji bakumubuzya.

Ivyili 14:12

Yilipo izila yiyo yikuboneka ngati nyiza ku muntu, loli ubumalilo bwache bo bufwe.

Ivyili 16:2

Inkalo zyosi izya muntu zikuboneka nyiza kukwache, loli u Mwene weyuyo akuzipima inyinong'ono izya muntu.

Umulumbilili 11:9

Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.

Ukukumbusya Amalamulo 12:8

Bo akabalilo kala kafika, mutakabombaye vivyo mwabombagha kuno ilelo, umwakuti umuntu wesi akubomba bulo ubwighane bwache

Ukukumbusya Amalamulo 33:5

U Mwene akaba we mwene uwa bantu bache aba Izilayeli, bo abalongozi aba bantu babunganite, poka ninko izya ba Izilayeli.”

Abalongi 18:1

Mumasiku ghalaghala aba Izilayeli batakaba nu mwene nayumoyumo, sona aba Dani bakalondagha apakwikalapo, pachifukwa ichakuti bakaba bachili batinjiye muchisu chicho bakapokela pakasi panko izya ba Izilayeli pakuba mpyana yabo.

Abalongi 19:1

Mumasiku ghalaghala aba Izilayeli batakaba nu mwene. Po kukabako umu Levi yumo yuyo akikalagha mutwaya nkani muchisu icha mumaghamba icha Efulayimu. Umu Levi yunuyu akamusenda umuchi umuzya uwamu Betelehemu muchisu icha Yuda.

Abalongi 21:25

Mumasiku ghalaghala aba Izilayeli batakaba nu mwene. Po umuntu wesi akabombagha bulo vivyo vikumuhobosyanga.

Abalongi 21:3

ukuti, “Wee Mwene, u Chala uwa ba Izilayeli, nkimba choni chicho chatuwila? Nkimba chifukwa choni ukuti uluko loka luzimile mu Izilayeli?”