Abalongi 17:5 - IBAYIBOLO 2024

⁵ U Mika yunuyu akaba na kachipinda akache na kache akakwiputilamo. Akasona amenda agha efodi, nukubiza utufwani tumo utunandi, po akamwimika umwana wache yumo ukuti abanje muputi wache.

Abalongi 17:5 Iomraidhean Croise

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 31:30

Inzimenye ukuti ukachimbila pachifukwa ichakuti ukasamba nkani pakubwela kukaya kinyu. Po nkimba choni chicho ukiba utwachala utwa munyumba yane?”

1 Abamwene 12:31

U Yelobowamu yula akazenga sona ubuzilo ubwapamwanya ubwakwiputilapo ivifwani pighamba nukubasala abaputi napapo batakaba ba Levi.

1 Abamwene 12:32

Akalamula ukuti pisiku ilya 15 ilya mwezi uwa eyiti pabanje ulusekelo, ulwakuyana bulo nu lusekelo lulo lukaba mu Yuda, sona bakabika ivyakwiyipa pachighemo. Akazibomba zinizi mu Beteli, nukubika ivyakwiyipa ku vifwani ivya ngwata vivyo akapangagha. Akabika sona abaputi mu Beteli ukuti babombaye imbombo pabuzilo bwache ubwapamwanya ubwakwiputilapo ivifwani.

Ezila 1:7

Wepe u mwene u Sayilasi akefya kuzi ivibombelo vyosi ivya mu Nyumba iya Mwene, vivyo u Nebukadineza akavisenda mu Yelusalemu nukuvibika munyumba iya bachala bache.

Ukufuma 24:5

Po akabatuma abalumendo bamo pakubika ichakwiyipa ichakocha kwa Mwene, sona bakabika inkambaku ukuti chibanje chakwiyipa ichabupoka.

Ukufuma 28:15

“Usone akiza nkani akanyambi akakuvwala pachifuba, kako ukwiza pakuvwalagha bo ukulonga inongwa. Usone ukuyana namumo bakusonela u efodi uwa mwenda umutonte uwa golide, nuwa buluu nu muchesamile nu muchesamu, yuyo alukiwe akiza nkani.

Ukufuma 28:4

Ubalamule ukuti basone ichapachifuba nu efodi, ni nkazo, ni laya lilyo lilabiwe akiza nkani, ni mpumpu, sona nu lamba. Bamusonele amenda ghanagha uwamwinyu u Aloni na bana bache abalumendo pakuba baputi abakumbombela.

Ukufuma 29:9

Upinye abalamba mumisana yabo nukubavwika ivipewa. U Aloni na bana bache ubimikaye bunubu. Po abene na baluko lwabo bambombelaye imbombo iya buputi bwila na bwila.

Yesaya 44:13

Umupala matabwa akupima nichakupimila, nukola umuzele nisimbilo, akuchiyannya nimbizo nukupima nakapimilo. Akuchibiza muchifwani icha muntu, mubuchindamu bosi ubwa muntu, ukuti chikalaye munyumba iya kwiputilako abachala abavifwani.

Ezekiyeli 21:21

Pakuti u mwene uwamu Babiloni akwiza pakwimilila pamisebo mibili yiyo yilekanite, ukuti alabe amahala ku bachala abanji. Akwiza pakubomba amayele numusinda, nukubuzikizya kuvifwani vyache, sona akwiza pakwennya amatima agha vinyamana agha vyakwiyipa.

Ezekiyeli 21:26

Po u Mwene Uwamaka Ghosi akuti: Vula ichisote kumutu wako sona efya impumpu yako. Zitakwiza pakuba ngati mumo zikabela pakwanda. Abakwisiwa bakwiza pakukweziwa sona abakukweziwa bakwiza pakwisiwa.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Hoseya 8:14

Aba Izilayeli bamuluvizye umupeli wabo, nukuzenga inyumba inkulu izya bumwene. U Yuda abalizya utwaya utukulu nkani utwa malinga. Loli Nkwiza pakutuwisizya umoto, ghugho ghukwiza pakughalungulizya amalinga ghabo.”

Ukubelengiwa 3:10

Umusale u Aloni na bana bache umwakuti babombaye imbombo iya buputi. Loli umuntu bulo yuyo akupalamila kupipi nu buzilo ubuzelu, aghoghiwanje.”

Aba Hebeli 5:4

Nayumo umuntu yuyo akwiyipa mwene umuchizi uwakuba muputi usongo, loli pene papo nanti itiziwa nu Chala ukuyana namumo u Aloni akitiziliwa.

Abalongi 17:4

Bo u Mika amunyosezya unyina isalabazya izya siliva zila, unyina akasendapo isalabazya 200 nukumupa umusyani, yuyo akazisyana pakuba chifwani icha siliva. Po ichifwani chila chikabikiwa munyumba iya Mika.

Abalongi 18:14

Abantu fayivi babo bakatendelagha ichisu icha Layishi, bakabalalusya abakamu babo bakati, “Nkimba muzimenye ukuti inyumba yoka pa nyumba izi muli u efodi, na bachala abanji, sona ni chifwani icha siliva? Nkimba tubombepo choni?”

Abalongi 18:24

U Mika akabamula akati, “Mwanyibila abachala bane, babo nkipangila nemwene, poka nu muputi wane nukubuka. Nkimba nasyalapo ni choni? Po mukundalusya bulibuli ukuti, ‘Nkimba choni chatamya?’ ”

Abalongi 18:30

Aba Dani bakiyimikila bene ichifwani ichakubiza nukwanda pakuchichindika. Po Yonatani, umwana uwa Gelishomu umwizukulu uwa Mozesi, poka na bana bache bakaba baputi abaluko ulwa Dani mupaka papo bakabukila kuchisu icha buzya.

Abalongi 8:27

U Gidiyoni akamubombezya ugolide yula pakupanga ichifwani nukuchibika mukaya akakulu nkani aka Ofula, kako kakaba kaya kache. Po aba Izilayeli bosi bakanda pakuchiputa kulakula mubuzilo ubwa Chala, po chikanduka chipingo kwa Gidiyoni na bamunyumba yache.

1 Samuweli 19:13

U Mikali akasenda ichifwani nukuchilambalika pachitala, akachibika ichinulilo icha meya agha mbuzi kumutu, sona akachivwinka nu mwenda.

1 Samuweli 23:6

Bo u Abiyatala umwana uwa Ahimeleki akuchimbilila kwa Devedi ku Keyila, akasenda u efodi.