Abalongi 17:3 - IBAYIBOLO 2024

³ Bo amunyosezya unyina isalabazya izya siliva 11,000 zila, unyina akati, “Nkwiza pakuzipaghulila isalabazya zinizi kwa Mwene ukuti asyane ichifwani icha siliva. Pisinda pache nkwiza pakukunyosekezya isalabazya zila.”

Abalongi 17:3 Iomraidhean Croise

2 Imbili 33:7

U Manase akabika mu Nyumba iya Mwene ichifwani chicho akapanga. U Chala akamubuzya u Devedi nu mwana wache u Solomoni akati, “Mu Nyumba iyi, sona mu Yelusalemu muno, bo buzilo bubo imbusalite pakasi panko izya ba Izilayeli, ukuti bubanje buzilo bwane ubwakuchindikiliwamo bwila na bwila.

Ukufuma 20:23

Mutakipangilaye mwebene abachala abanji aba siliva pamo aba golide ukuti mubachindikaye ukuyana namumo mukunchindikila ane.

Ukufuma 20:4

“Utakipangilaye wemwene ivifwani ivya kantu kamo aka kumwanya, pamo aka pachisu pamo aka mumizi.

Ukufuma 34:17

“Mutakipangilaye mwebene ivifwani nukuvyiputa.

Yesaya 30:22

Po mukwiza pakuvinyazya ivifwani vyinyu vivyo muvipakite usiliva navivyo mukavipaka nu golide mukwiza pakuvitagha ngati vintu ivinyazu nukunena ukuti, “Epapo!”

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Yelemiya 10:8

Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Aba Levi 19:4

“ ‘Mutakiputaye ivifwani, pamo ukwipangila mwebene abachala aba chela. Ane ne Mwene u Chala winyu.

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

Ukukumbusya Amalamulo 12:3

Mumongolannye ivighemo vyabo vyosi, sona mufwantannye impanda zyabo impaghuliwa izya mabwe. Mughochannye amakwi ghabo aghakwiputilapo u Ashela, sona muvinangannye ivifwani ivya bachala babo nukughazimya amatabwa ghabo mubuzilo bulabula.

Ukukumbusya Amalamulo 27:15

“Aghuniwanje ufundi wesi yuyo akubiza, pamo akumata ichifwani ichamwiko nukuchichindika kubusyefu, pakuti u Mwene avibengite ivintu vivyo vipangiwe ni nyobe izya bantu.” Po abantu bosi bamule batinji, “Ameni.”

Abalongi 17:13

U Mika akati, “Losi ulu inzimenye ukuti u Mwene akwiza pakunsaya pachifukwa ichakuti umu Levi muputi wane.”

Abalongi 17:2

U Mika akamubuzya unyina akati, “Pakabalilo kako umuntu yumo akakwibila isalabazya izya siliva 11,000, nukumughuna umwiba yulayula, indi nazyo. Nene nkasenda.” Unyina akamula akati, “Wee mwana wane, u Mwene akusaye!”

Abalongi 17:4

Bo u Mika amunyosezya unyina isalabazya izya siliva zila, unyina akasendapo isalabazya 200 nukumupa umusyani, yuyo akazisyana pakuba chifwani icha siliva. Po ichifwani chila chikabikiwa munyumba iya Mika.

Abalongi 18:30

Aba Dani bakiyimikila bene ichifwani ichakubiza nukwanda pakuchichindika. Po Yonatani, umwana uwa Gelishomu umwizukulu uwa Mozesi, poka na bana bache bakaba baputi abaluko ulwa Dani mupaka papo bakabukila kuchisu icha buzya.

Abalongi 18:5

Abantu bala bakamubuzya bakati, “Wee, twalamba utulalusikizyeko kwa Chala nanti tukwiza pakuba nu bulendo ubwiza.”