Abalongi 17:2 - IBAYIBOLO 2024

² U Mika akamubuzya unyina akati, “Pakabalilo kako umuntu yumo akakwibila isalabazya izya siliva 11,000, nukumughuna umwiba yulayula, indi nazyo. Nene nkasenda.” Unyina akamula akati, “Wee mwana wane, u Mwene akusaye!”

Abalongi 17:2 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

Nehemiya 13:25

Nkabachemela nukubaghuna. Nkabakoma bamo abanavuli nukunyunkula isisi zyabo. Po nkabalapizya ichilapo pamaso pa Chala nukuti, “Mutakabitikizyanje abana binyu abalindu ukuti babanje balasagha babo, pamo ukubitikizya abana babo abalindu ukuti babanje balasagha binyu.

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Ivyili 28:24

Umuntu wesi yuyo akumwibila uwise pamo unyina nukuti, “Intakunanga,” umuntu yula we mumanyani uwa mwiba.

Yelemiya 48:10

“Chighune ku muntu yuyo mukata pakubomba imbombo iya Mwene! Chighune ku muntu yuyo akukanizya u panga wache pakukupula ibanda!”

Matayi 26:74

Po u Pitala akati, “Nkulapa ukuti nkunena ubwanaloli! U Chala anfunde nanti nkutamanta. Naloli intamumenye umuntu yuyo mukumunena.” Panapo ukolwe akakokolika.

Aba Loma 9:3

pakuti ane nemwene nalondagha ngali nkaba pasi pachighune icha Chala nukusatuliwa ukwa Kilisitu, pachifukwa icha bakamu bane, abantu abaluko lwane.

1 Aba Kolinti 16:22

Umuntu wesi yuyo atakumughana u Mwene, ichighune chibanje papache! Malanata kokuti Mwene witu, zagha!

Ukukumbusya Amalamulo 27:16

“Aghuniwanje umuntu wesi yuyo akumusamula uwise nu nyina.” Po abantu bosi bamule batinji, “Ameni!”

2 Yohani 1:11

Pakuti umuntu wesi yuyo akumupokela akiza, akusendapo ichigaba mumbombo zyache imbibi.

Abalongi 17:1

Kukabako umuntu yumo muchisu icha mumaghamba icha Efulayimu, yuyo akaba we Mika.

Abalongi 17:3

Bo amunyosezya unyina isalabazya izya siliva 11,000 zila, unyina akati, “Nkwiza pakuzipaghulila isalabazya zinizi kwa Mwene ukuti asyane ichifwani icha siliva. Pisinda pache nkwiza pakukunyosekezya isalabazya zila.”

Abalongi 5:23

“Uwantumi uwa Mwene akati, ‘Umughune u Melozi. Ubaghune nkani abantu babo bakwikala mulamula. Abene batakiza pakumwavwa u Mwene, pakumwavwa u Mwene pakulwa ubwite na basilikali abamaka.’

Luti 3:10

Po u Bowazi akamula akati, “Wee mwana wane, u Mwene akusaye. Ichisa chicho wandanjizya pabumalilo ichi chikulu nkani ukuchila chicho ukamulanjizya unyokovyala. Awe utakabanyonywapo abalumendo, manyi bakabi pamo bapina.

1 Samuweli 14:24

Aba Izilayeli bakayimba nkani pisiku lilalila, pachifukwa ichakuti u Sabuli akalapa ichilapo pamaso pabantu bala akati, “Aghuniwanje umuntu wesi yuyo akulya ichakulya chimo bo kuchili pakwila, sona bo intabatanizizye abalwani bane.” Po patakabapo nayumoyumo yuyo akalabukapo ichakulya pisiku lyosi lilalila.

1 Samuweli 14:28

Po umusilikali yumo akati, “Ughuso akalapa ichilapo pamaso papitu akati, ‘Aghuniwanje umuntu wesi yuyo akulya ichakulya chimo ilelo.’ Ichi cho chifukwa twadedebala nkani.”

1 Samuweli 15:13

Bo u Samuweli amwagha u Sabuli, u Sabuli akamubuzya akati, “U Mwene akusaye! Nabomba zyosi zizyo u Mwene akandamula.”

1 Samuweli 23:21

U Sabuli akabamula akati, “U Mwene abasaye pachifukwa icha kumpasikizya kwinyu.

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’