Abalongi 16:10 - IBAYIBOLO 2024

¹⁰ Po u Delila akamubuzya u Samusoni akati, “Wangoneka bulo utulo, sona utakumbuzya ubwanaloli. Losi ulu umbuzye namumo umuntu angakupinyila.”

Abalongi 16:10 Iomraidhean Croise

Nehemiya 6:4

Bakantumila amazyu ghalaghala ka folo, po ane nkabamula ngati mumo nkabamulila pakwanda.

Ivyili 24:28

Utakamubikilaye ubwakaboni ubwabumyasi umupalamani wako, pamo ukumuzimbula.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Luka 22:48

Loli u Yesu akati, “Yudasi, naloli ukumubika u Mwana uwa Muntu munyobe izya balwani pakumufyofyonta?”

Abalongi 16:11

U Samusoni akamwamula akati, “Nanti umuntu ampinya ninkusa impya bulo, zizyo zitabombeziwepo nalumo, nkwiza pakuba ne mudedebazu ngati mumo umuntu wesi abeleye.”

Abalongi 16:13

Po u Delila akamubuzya u Samusoni akati, “Mupaka nilelo wangoneka bulo utulo, sona utakumbuzya ubwanaloli. Losi ulu umbuzye namumo umuntu angakupinyila.” U Samusoni akamwamula akati, “Nanti waluka isisi zyane imizele seveni nukuyipinyilila kuchikwi ichakulukilapo amenda, nkwiza pakuba ne mudedebazu ngati mumo umuntu wesi abeleye.”

Abalongi 16:7

U Samusoni akamwamula akati, “Nanti umuntu ampinya ninkusa seveni zizyo akasa bulo, nkwiza pakuba ne mudedebazu ngati mumo abeleye umuntu wesi.”

Abalongi 16:9

Pakabalilo kanaka pakabapo abantu bamo babo bakavwama muchipinda, po akamwitizya akati, “Wee Samusoni, aba Filisiti bafika!” Loli akazidumula na mino inkusa zila ngati po zyalungulila numoto. Po batakazyaghannya papo pakaghona amaka ghache.