Abalongi 14:4 - IBAYIBOLO 2024

⁴ Abapapi bache batakamanyagha ukuti akaba we Mwene yuyo akamulongozya u Samusoni pakubomba bunubu, pakuti u Mwene akalondagha akabalilo akiza nkani akakuti alwile naba Filisiti. Pakuti pakabalilo kalakala aba Filisiti bakabalaghilagha aba Izilayeli.

Abalongi 14:4 Iomraidhean Croise

1 Abamwene 12:15

Po u mwene yula atakabateghelezya abantu bala, pakuti u Mwene weyuyo akaziyanizizya zila ukuti zibanje bunubu, umwakuti amazyu agha Mwene ghagho akamubuzya u Yelobowamu umwana uwa Nebati ukwendela mwa Ahiya uwaku Shilo ghakwanilisiwe.

1 Abamwene 12:24

‘U Mwene ati: Mutakalwanje ubwite na bakamu binyu aba Izilayeli. Mwebosi bwelagha. Pakuti chicho chabombiwa bo bwighane bwane.’ ” Abantu bosi bakivwila zizyo u Mwene akanena, po bakabwela ukuyana namumo u Mwene akalamulila.

2 Abamwene 6:33

Bo u Elisha achili akunena na basongosongo bala, intumi yila yikafika. Po u mwene akati, “Wee Mwene yuyo atuwisizya intamyo zinizi. Nkimba choni chicho indindilile ukuti u Mwene abombepo zimo?”

2 Imbili 10:15

Po u mwene yula atakabateghelezya abantu bala, pakuti u Chala weyuyo akaziyanizizya zila ukuti zibanje bunubu, umwakuti amazyu agha Mwene ghagho akamubuzya u Yelobowamu umwana uwa Nebati ukwendela mwa Ahiya waku Shilo ghakwanilisiwe.

2 Imbili 22:7

U Chala akamubombezya u Yolamu ukuti amuwisye u Ahaziya. Bo u Ahaziya afika akabuka poka nu Yolamu pakukomana nu Yehu umwana uwa Nimishi, yuyo u Mwene akamusala ukuti abanangannye abamunyumba iya Ahabu.

2 Imbili 25:20

Loli u Amaziya atakateghelezyanga, pakuti u Chala akabomba bunubu umwakuti ababike munyobe izya Yehowashi, pachifukwa ichakuti bakabuzikizyanga abachala aba mu Edomu.

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Ukukumbusya Amalamulo 28:48

Polelo mukwiza pakubabombela abalwani binyu, babo u Mwene akwiza pakubatumila. Mukwiza pakuba nizala ni nyota sona abapina nkani. U Mwene akwiza pakubayivya nkani mupaka abanangannye mwebosi.

Yoshwa 11:20

Pakuti akaba we Mwene yuyo akaghapela amoyo ghabo pakuba makafu nkani, umwakuti balwe ubwite naba Izilayeli. U Mwene akabomba bunubu ukuti abazimizye bosi umwakusita kubapelela ichisa, ukuyana namumo u Mwene akamulamulila u Mozesi.

Abalongi 13:1

Aba Izilayeli bakamunangila sona u Mwene, po u Mwene akababika munyobe izya ba Filisiti amaka 40.

Abalongi 14:5

Po u Samusoni akabuka ku Timuna poka nu wise nu nyina. Bo bakudumusannya mumaghunda agha mampesya ku Timuna kulakula, umwakuchenusya bulo u Samusoni akivwa umwana uwa nkalamu akumubulumila.

Abalongi 15:11

Po abantu 3,000 aba mu Yuda bakabuka kumpako iya mu Etamu nukumulalusya u Samusoni ukuti, “Nkimba utakuzyaghannya ukuti aba Filisiti bo babo bakutulaghila? Nkimba choni chicho watubombela bunubu?” U Samusoni akamula akati, “Ane nababombela ukuyana na zizyo bakambombela.”

Abalongi 15:3

U Samusoni akati, “Akabalilo aka intangaba ninongwa nanti nkubabombela aba Filisiti ichintu ichibibi.”