Abalongi 13:6 - IBAYIBOLO 2024

⁶ Umukolo yula akamupangila umulume vyosi akati, “Umubombi uwa Chala akanyizila, sona icheni chache chikoghofyanga nkani ngati cheni icha wantumi uwa Chala. Ane intakamulalusya kuko afuma, sona wepe atakitambula mwene.

Abalongi 13:6 Iomraidhean Croise

Ubwandilo 18:2

Akatalankannya nukubennya abanavuli batatu bimiliye. Bo abennya bulo akachimbila pakubalamuka. Akafughama

Ubwandilo 32:29

U Yakobo akamulalusya akati, “Nkimba po awe itabwa lyako wewenu.” Loli wepe umuntu yula akamulalusya u Yakobo akati, “Nkimba choni chicho ukulonda pakumanya itabwa lyane?” Po umuntu yula akamusaya.

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

1 Abamwene 17:24

Po umukolo yula akamubuzya u Eliya akati, “Ilelo nazimanya ukuti naloli we muntu uwa Chala, sona nukuti u Mwene akunenagha nawe.”

2 Abamwene 4:16

U Elisha akamubuzya akati, “Pakabalilo ngati kanaka umwaka uwa indabi ukwiza pakupakata umwana umulumendo.” Umukolo yula akakana akati, “Awe, mwene wane, utakanzimbulaye. Awe we muntu uwa Chala.”

2 Abamwene 4:9

Umukolo yula akamubuzya umulume wache akati, “Ilelo nasimikizya ukuti umuntu yuyo akwiza kabilikabili panyumba yitu pano naloli muntu muzelu uwa Chala.

Ukufuma 3:2

Kulakula uwantumi uwa Mwene akamubonekela muchivwati ichakwaka umoto. U Mozesi akachennya ichivwati chila chikwaka, loli chitakalungulilagha.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Daniyeli 10:11

Akati, “Wee Daniyeli, we mughaniwa nkani, inong'onapo akiza nkani nizya mazyu ghagho nkulonda pakukubuzya, sona imilila, pakuti natumiwa kukwako.” Bo anena zinizi nkimilila bo nkutetema.

Daniyeli 10:5

Nkatalankannya, po nkamwennya umuntu avwalite amenda amatonte, sona nu lamba umwiza uwa golide mumusana wache.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Luka 9:29

Bo akwiputa, akabonekele aka cheni chache kakanduka, sona amenda ghache ghakaba maswepu nkani.

Imbombo 6:15

Abalongi bosi bakamwenelezya u Sitefani nukwennya ukuti icheni chache chikaboneka ngati cho cheni icha wantumi.

Ukukumbusya Amalamulo 33:1

Bo u Mozesi, umuntu uwa Chala achili pakufwa akabasaya aba Izilayeli.

1 Timoti 6:11

Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala nu lwitiko nu lughano nu bufisalyoyo, sona nu bololo.

Yoshwa 14:6

Po isiku limo abaluko ulwa Yuda bakiza kwa Yoshwa bo ali pa Giligali, po u Kalebu umwana uwa Yefune, umu Keni akamubuzya u Yoshwa akati, “Uzimenye zizyo u Mwene akamubuzya u Mozesi umubombi uwa Chala izya awe poka nane, bo ali pa Kadeshi Balineya.

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Abalongi 13:10

Umukolo yula akachimbila pakumubuzya umulume ukuti, “Umuntu yuyo akanyizila isiku lila, anyizila sona!”

Abalongi 13:22

U Manowa akamubuzya umuchi akati, “Naloli tukwiza pakufwa, pachifukwa ichakuti twamwennya u Chala.”

Abalongi 13:3

Uwantumi uwa Mwene akamwizila umukolo yula nukumubuzya ukuti, “Wee mukolo, awe we mughumba, loli ukwiza pakumela ulwanda nukupapa umwana umulumendo.

Abalongi 13:7

Loli akambuzya akati, ‘Ukwiza pakumela ulwanda nukupapa umwana umulumendo. Po uchebaye nkani! Utakang'welaye uvinyo pamo ichakung'wela chicho ungakolwa nacho. Utakalyanje ivyakulya ivyamwiko, pachifukwa ichakuti umulumendo uyu akwiza pakuba mu Nazili, umupaghuliwa kwa Chala ukwandila pakabalilo kako akapapiliwa mupaka pisiku ilya kufwa kwache.’ ”

Abalongi 13:8

Po u Manowa akiputa kwa Mwene akati, “Wee Mwene, nkukulaba ukuti umutume sona umuntu uwa Chala, yuyo wamutumite ukuti atumanyisye namumo tungamusungilila umulumendo uyu, bo apapiwa.”

Abalongi 6:11

Uwantumi uwa Mwene akika nukwikala mukazundila mwikwi ilya mupandapanda, mukaya aka Ofula lilyo likaba lya Yowashi umu Abiyezeli. Kulakula umwana uwa Gidiyoni akakomagha ingano mubuzilo ubwakufinyilamo amampesya, bo avwamite umwakuti aba Midiyani batakamwennye.

1 Samuweli 2:27

Isiku limo umubombi uwa Chala akiza kwa Eli nukumubuzya ukuti, “U Mwene ati, ‘Nkimba ane ntakivumbula nemwene ku munyenya wako u Aloni, poka na bamunyumba yache, pakabalilo kako bakaba bazya aba Falabo mu Ijiputi?

1 Samuweli 9:6

Loli uwambombo yula akamwamula akati, “Mukaya akakulu aka muli umuntu yumo uwa Chala umuchindikiwa nkani, pachifukwa ichakuti zyosi zizyo akunena zikukuba zyanaloli. Twende tubuke kulakula, lumo angatubuzya kuko tungazyagha impunda zila.”