Abalongi 13:5 - IBAYIBOLO 2024

⁵ pachifukwa ichakuti ukwiza pakumela ulwanda nukupapa umwana umulumendo. Bo umwana uyu apapiwa, mutakamumwanje isisi zyache, pachifukwa ichakuti umulumendo uyu akwiza pakuba mu Nazili, umupaghuliwa kwa Chala ukwandila pakabalilo kako akapapiliwa. Po akwiza pakwanda imbombo iya kubapoka aba Izilayeli munyobe izya ba Filisiti.”

Abalongi 13:5 Iomraidhean Croise

2 Samuweli 8:1

Pisinda pache, u Devedi akalwa ubwite naba Filisiti nukubapota, po akakafyula akaya akakulu nkani aka Metegi Ama munyobe izya ba Filisiti.

1 Imbili 18:1

Pisinda pache u Devedi akalwa ubwite naba Filisiti nukubapota. Po akakafyula akaya akakulu aka Gati, poka nutwaya twache tosi utupalamani munyobe izya ba Filisiti.

Amosi 2:11

“Nkabimika bamo pakasi pabana binyu pakuba balaghuzi, sona abalumendo bamo pakasi papinyu pakuba ba Nazili. Mwee ba Izilayeli, nkimba te momumo?” U Mwene anena.

Ukubelengiwa 6:5

“ ‘Akabalilo kosi akakulapila ichilapo, umuntu yula atakamwanje isisi zyache. Abanje muntu umuzelu mupaka akabalilo kache akakwipaghulila kwa Mwene kamale. Alimbikaye isisi zyache.

Luka 1:15

Akwiza pakuba muntu uwapamwanya pamaso pa Mwene. Atakang'welepo nalumolumo uvinyo, pamo ichakung'wela chicho angakolwa nacho. Ukwandila pisiku lilyo apapiwa, akwiza pakwizula nu Muzimu Umuzelu

Abalongi 16:17

Po Samusoni akamuvumbulila u Delila ubwanaloli bosi akati, “Ntamuyepo nalumolumo isisi zyane, pachifukwa ichakuti ne mu Nazili umupaghuliwa kwa Chala ukwandila po nkapapiliwa. Nanti umuntu amwa isisi zyane, kokuti amaka ghane ghangepamo, po ningaba ne mudedebazu ngati mumo umuntu wesi abeleye.”

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 7:13

Aba Izilayeli bakabapota aba Filisiti, umwakuti aba Filisiti bala batakapyanila sona muchisu icha Izilayeli. U Mwene akalwanga naba Filisiti pakabalilo kosi aka bumi ubwa Samuweli.