Abalongi 13:4 - IBAYIBOLO 2024

⁴ Po uchebaye nkani! Utakang'welaye uvinyo pamo ichakung'wela chicho ungakolwa nacho. Utakalyanje ivyakulya ivyamwiko,

Abalongi 13:4 Iomraidhean Croise

Aba Levi 11:27

Pa vinyamana vyosi ivya nyayo folo, vivyo vili ni zula, muvipimaye pakuba vinyazu, sona umuntu wesi yuyo akuvipalamasya nanti vifuye, akuba muntu munyazu mupaka pachamabwila.

Aba Levi 11:47

Mulesannyanje pakasi pa vintu ivinyazu ni vintu iviswepu, sona na pakasi pavipeliwa pavyabumi vivyo mungalya ni vyabumi vivyo mutangalya.

Luka 1:15

Akwiza pakuba muntu uwapamwanya pamaso pa Mwene. Atakang'welepo nalumolumo uvinyo, pamo ichakung'wela chicho angakolwa nacho. Ukwandila pisiku lilyo apapiwa, akwiza pakwizula nu Muzimu Umuzelu

Imbombo 10:14

Loli u Pitala akati, “Mwene, awe! Intaliye nalumolumo ichintu chicho chamwiko sona chinyazu.”

Abalongi 13:13

Uwantumi uwa Mwene yula akamula akati, “Umuchi wako abombaye bulo zyosi zizyo namubuzya.

Abalongi 13:14

Atakalyanje chimo icha mampesya, pamo ukung'wela uvinyo, pamo ichakung'wela chicho angakolwa nacho, pamo ukulya ivyakulya ivyamwiko. Umuchi wako abombaye bulo zyosi zizyo namulamula.”

Abalongi 13:7

Loli akambuzya akati, ‘Ukwiza pakumela ulwanda nukupapa umwana umulumendo. Po uchebaye nkani! Utakang'welaye uvinyo pamo ichakung'wela chicho ungakolwa nacho. Utakalyanje ivyakulya ivyamwiko, pachifukwa ichakuti umulumendo uyu akwiza pakuba mu Nazili, umupaghuliwa kwa Chala ukwandila pakabalilo kako akapapiliwa mupaka pisiku ilya kufwa kwache.’ ”