Abalongi 12:3 - IBAYIBOLO 2024

³ Bo nennya ukuti mutanganyavwa, ane nkabika ubumi bwane pachulu nukuloboka pakulwa ubwite naba Amoni, po u Mwene akababika munyobe zyane. Nkimba choni chicho ilelo mwiza pakulwa ubwite nane?”

Abalongi 12:3 Iomraidhean Croise

2 Imbili 13:12

U Chala ali naswe sona we mulongozi witu. Abaputi bache bakwiza pakulizya amapati ghabo pakubitizya abantu ukuti bize pakulwa namwe ubwite. Mwee ba Izilayeli, mutakalwanje ubwite nu Mwene, u Chala uwa banyenya binyu, mutangamupota.”

Yobu 13:14

Nkimba choni chicho imbikaye ubumi bwane pachulu, ukuti infwanje?

Masalimo 119:109

Napapo akinji bulo ubumi bwane buli pachulu, pope bulo ntakwiza pakululuvya ululaghilo lwako.

Aba Loma 16:4

babo bakabika ubumi bwabo pachulu ukuti bampoke ane. Inte nene nemwene nkubapalizya, awe, loli ni vipanga vyosi ivya bantu babo bate ba Yuda.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Abalongi 11:27

Ane intabanangiyepo nalumolumo, loli amwe mukunangila pakulwa nane ubwite. U Mwene yuyo we Mulongi ilelo alongaye inongwa yiniyi pakasi paba Izilayeli naba Amoni.”

Abalongi 12:2

U Yefuta akabamula akati, “Ane poka na bantu bane tukadalinkana nkani naba Amoni. Napapo ane nkabitizya, amwe mutakampoka munyobe zyabo.

Abalongi 12:4

U Yefuta akababungannya poka abantu bosi aba mu Giliyadi nukulwa ubwite naba Efulayimu. Aba Giliyadi bakabapota aba Efulayimu, pachifukwa ichakuti aba Efulayimu bakati, “Amwe mwe ba Giliyadi mwe bachimbila ubwite mu Efulayimu, na mu Manase.”

Abalongi 9:17

Pakuti utata wane akabalwila ubwite mupaka nukubika ubumi bwache pachulu, umwakuti abapoke munyobe izya ba Midiyani.

1 Samuweli 19:5

Akabika ubumi bwache pachulu pakughogha umu Filisiti yula. U Mwene akabomba ivintu ivikulu nkani ukuti aba Izilayeli bapote ubwite. Awe ukavyennya vinivi, sona ukahoboka nkani navyo. Po nkimba choni chicho ukulonda pakumubombela ichintu ichibibi umuntu umusita nongwa pakulonda ukumughogha u Devedi?”

1 Samuweli 28:21

Bo umukolo yula apalamila kwa Sabuli nukumwennya ukuti izuye nubogha, akamubuzya akati, “Ane nkabika ubumi bwane pachulu pakubomba zizyo ukambuzya.