Abalongi 11:2 - IBAYIBOLO 2024

² Umuchi uwa Giliyadi akamupapila abana abalumendo, bo abana bala bakula bakamuchimbizyapo u Yefuta pakaya pala nukumubuzya ukuti, “Awe utakwiza pakupyana ichilingo icha tata witu, pachifukwa ichakuti awe ufumite mwa mayi uyunji.”

Abalongi 11:2 Iomraidhean Croise

Ubwandilo 12:10

Loli muchisu icha Kenani mukawa izala inkulu nkani. Pachifukwa icha zala yilayila u Abulamu akabukagha kuntende mupaka akafika muchisu icha Ijiputi nukwikala kulakula akabalilo akanandi bulo.

Ubwandilo 21:10

akamubuzya u Abulahamu akati, “Umuchimbizye umukolo umuzya uyu poka nu mwana wache. Pakuti umwana uwa mukolo uyu umuzya atangapyana ichilingo pa mwana wane u Yisaki.”

Ivyili 2:16

Amahala ghakwiza pakukwefya munyobe izya mukolo umalaya, munyobe izya mukolo na mazyu ghache amazimbuli,

Ivyili 5:20

Wee mwana wane, nkimba choni chicho ubanje we muzya uwa mukolo umalaya? Nkimba choni chicho umufukatilaye umuchi uwa mwanavuli uyunji?

Ivyili 5:3

Pakuti imilomo iya mukolo umalaya yikutonya ubuchi, sona amazyu ghache matonte nkani ngati mafuta.

Aba Galatiya 4:30

Loli Amasimbo ghakuti choni? Ghakuti, “Umuchimbizye umukolo umuzya nu mwana wache bulo, pakuti umwana uwa mukolo umuzya atangapyana ichilingo pa mwana uwa mukolo umusatuke.”

Ukukumbusya Amalamulo 23:2

Nayumoyumo umwana umusiwana, pamo weka uwa baluko lwache mupaka inkulilo iya 10, atakabanjepo palukomano ulwa Mwene.

Abalongi 11:1

U Yefuta umu Giliyadi akaba musilikali umujimvu nkani. Uwise akaba we Giliyadi, unyina akaba we malaya.

Abalongi 11:3

Po Yefuta akabachimbila abawamwabo nukusamila muchisu icha Tobu. Kulakula akabadeba abantu bamo abamwalwe ukuti bamukonke.