Abalongi 10:9 - IBAYIBOLO 2024

⁹ Aba Amoni bope bakaloboka ulusoko ulwa Yolodani pakulwa ubwite na baluko ulwa Yuda nulwa Benjamini, sona na bamunyumba iya Efulayimu, umwakuti aba Izilayeli bakaba muntamyo inkulu nkani.

Abalongi 10:9 Iomraidhean Croise

2 Imbili 14:9

U Zela uwamu Etiyopiya poka na basilikali bache abinji nkani, ni ngolo izya bwite 300 bakiza mupaka ku Malesha pakulwa ubwite.

2 Imbili 15:5

Mumasiku ghalaghala umuntu wesi yuyo akepaghamo pamo ukwinjilamo atakaba nu mutende, pakuti abene chisu bakaba muntamyo inkulu nkani.

Ukukumbusya Amalamulo 28:65

Mutakwiza pakuwagha naghumoghumo umutende pakasi pa inko izinji, pamo ubuzilo ubwakutuzyapo ubwinyu nu bwinyu. U Mwene akwiza pakughapela amoyo ghinyu pakuba mumwanyamwanya bulo, na bafwamaso, sona na basulumannye.

Abalongi 10:10

Po aba Izilayeli bakamulilila u Mwene bakati, “Twakunangila, pachifukwa ichakuti twakukana awe we Chala witu nukumubombela u Baala.”

Abalongi 10:8

Umwaka ghulaghula aba Filisiti bala bakabapota aba Izilayeli, babo bakikalagha kwisila ilya lusoko ulwa Yolodani mu Giliyadi muchisu icha ba Amoli, po bakabayivya amaka 18.

Abalongi 11:4

Bo pachilapo akabalilo, aba Amoni bakabuka pakulwa ubwite naba Izilayeli.

Abalongi 2:15

Akabalilo kosi nanti aba Izilayeli bakubuka pakulwa ubwite, u Mwene akalwanagha nabo, ukuyana namumo akalapila. Aba Izilayeli bala bakaba muntamyo inkulu nkani.

Abalongi 6:2

Aba Midiyani bakaba bantu abamaka nkani ukubachila aba Izilayeli, umwakuti aba Izilayeli bakavwamagha mumpako nukuzenga amalinga mumaghamba.

1 Samuweli 13:6

Bo aba Izilayeli bennya ukuti bali muntamyo nkani, sona nukuti abasilikali babo bakabavwanila, bakavwama mumpako na mumisitu, na mumabwe, na muvibwina, sona na muviziba.

1 Samuweli 28:15

U Samuweli akamulalusya u Sabuli akati, “Nkimba choni chicho wantamya bunubu ukuti inyokele kuno?” U Sabuli akati, “Natamiwa nkani. Aba Filisiti bali pakulwa nane ubwite, sona u Chala ankana. Atakunyamula sona pakwendela mu balaghuzi pamo muvilota. Po nakwitizya ukuti umbuzye ichakubomba.”