Abalongi 10:6 - IBAYIBOLO 2024

⁶ Aba Izilayeli bakamunangila sona u Mwene, pakamuchindika u Baala nu Ashitoleti na bachala aba ba Siliya na bachala aba ba Sidoni na bachala aba ba Mowabu na bachala aba ba Amoni sona na bachala aba ba Filisiti. Aba Izilayeli bakamukana u Mwene nukuleka pakumubombela.

Abalongi 10:6 Iomraidhean Croise

1 Abamwene 11:33

Nkwiza pakubomba bunubu pachifukwa ichakuti bankana nukumwiputa u Ashitoleti uchala umukolo uwa ba Sidoni nu Kemoshi uchala uwa ba Mowabu, sona nu Moleki uchala uwa ba Amoni. Abantu banaba batakabomba vivyo nkabalamula, pamo ukubomba ivintu ivigholosu pamaso papane, pamo ukuzikonka indaghilo na malamulo ghane ukuyana namumo uwise uwa Solomoni u Devedi akabombelagha.

1 Abamwene 11:5

U Solomoni akamwiputagha u Ashitoleti uchala umukolo uwa ba Sidoni, sona nu Moleki, uchala umukozya isoni uwa ba Amoni.

1 Abamwene 11:7

U Solomoni akazenga ubuzilo ubwa kumwiputilapo u Kemoshi pighamba ilya kubufumilo bwizuba ubwa Yelusalemu, yuyo akaba we chala umukozya isoni uwa ba Mowabu, sona nu Moleki uchala umukozya isoni uwa ba Amoni.

1 Abamwene 16:31

Loli u Ahabu akabomba vivyo u mwene u Yelobowamu akabomba. Akananga nkani pakumusenda u Yezibeli umwana uwa mwene u Etibala umu Sidoni pakuba muchi wache. Po akanda pakumwiputa nukumubombela u Baala.

2 Abamwene 17:16

Bakaghakana amalamulo ghosi agha Mwene u Chala wabo nukwipangila bene ivifwani ivya ngwata, ni chifwani icha Ashela. Bakazyiputa intondwa, sona bakamuchindika u Baala.

2 Abamwene 23:13

Pisinda pache u mwene akanangannya sona inyumba izyakwiputilamo abachala abayeni zizyo zikaba kubufumilo ubwa Yelusalemu kuntende ukwa lighamba ilya umwiko. Inyumba zizyo u Solomoni, u mwene uwa ba Izilayeli, akamuzengela u Ashitoleti u chala uwamwiko Sidoni, u chala umukolo uwa Sidoni nu kemoshi u chala uwa mwiko uwa Mowabu, sona u Moleki, uchala uwa mwiko u Amoni.

2 Imbili 28:23

Akabika ivyakwiyipa ku bachala aba mu Damasika, babo bakamupota. Pakuti akinong'onagha akati, “Pachifukwa ichakuti abachala aba bamwene aba mu Siliya babavwa abamwene bala, po nane nkwiza pakubika ivyakwiyipa umwakuti banyavwe.”

Masalimo 106:36

Bakabiputa abachala babo, vivyo pisinda pache vikaba chipingo kukwabo.

Yesaya 23:4

Wee kaya aka Sidoni ukoziwanje isoni nawe we ilinga ilya panyanja, pakuti inyanja yanena ukuti, “Intakwivwapo nalumo ukubaba ukwakupapa abana, nukubalela abana abalumendo, pamo abana abalindu intabalelitepo nalumo.”

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:20

“Pakuti kale ukapyola ikoli lyako nukudumulannya iminyololo yako ukati, ‘Ntakwiza pakukubombela!’ Momumo, pighamba lyosi sona na muntende mwikwi lyosi ilyakuvwinka ukughona nukubomba ubwamalaya.

Yelemiya 32:23

Bakinjila nukuchifyula ichisu chila loli batakakwivwila pamo ukukonka indaghilo zyako, batakabomba zizyo ukabalamula ukuti babombaye. Po ukabawisizya intamyo zyosi zinizi.

Ezekiyeli 27:16

“ ‘Ichisu icha Siliya chikaghulizannyanga nawe pachifukwa icha bwinji ubwa katundu wako. Chikaghulizannyanga nawe amabwe aghamutengo agha emeladi na menda amachesamile na menda aghakulabiwa na menda amatonte na mabwe amakafu nkani aghamutengo.

Ukukumbusya Amalamulo 13:6

Nanti uwamwinyu pamo umwana wako umulumendo pamo umulindu pamo umuchi wako umughaniwa pamo umumanyani wako uwa pamoyo akukuzimbula ukuti, “Wee zagha tubiputaye abachala abanji.” Abachala banaba bangaba bo babo awe pamo abanyenya bako mutabiputitepo nalumo,

Ukukumbusya Amalamulo 13:8

Loli utakadebiwanje pamo ukumwivwila, awe. Utakamupelele ichisa, sona utakamuleke bulo pamo ukumwimila.

Ukukumbusya Amalamulo 31:16

U Mwene akamubuzya u Mozesi akati, “Uli papipi pakufwa, loli bo wafwa abantu banaba bakwiza pakulunangannya ulufingo lulo nkafingana nabo. Bakwiza pakubadepukila abachala abanji nukubiputa muchisu chicho bakubuka pakwikalamo.

Ukukumbusya Amalamulo 31:17

Po bunubu ane nkwiza pakubakalalila nukubaleka, sona nkwiza pakubanangannya. Nkwiza pakubawisizya intamyo na mayimba aminji nkani umwakuti pisiku lilalila bakwiza pakulalusya ukuti, ‘Nkimba intamyo zitakutuwila pachifukwa ichakuti u Chala witu, ate poka naswe?’

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

Yoshwa 13:31

sona ni chigaba chimo icha Giliyadi nicha Ashitaloti nicha Edileyi nu twaya utukulu utwa bumwene ubwa Ogi mu Bashani. Ubuzilo bosi bunubu akabagabila ichigaba chimo icha bamunyumba iya Makili umwana uwa Manase pakuba mpyana yabo ukuyana ni nyumba zyabo.

Abalongi 10:5

Bo u Yayili afwa, akasyiliwa mu Kamoni.

Abalongi 11:24

Nkimba mutangasenda ivintu vivyo uchala winyu u Kemoshi abapiye? Umwakuyana bulo, aswe tukwiza pakusenda ivintu vyosi vivyo u Mwene u Chala witu atupiye.

Abalongi 13:1

Aba Izilayeli bakamunangila sona u Mwene, po u Mwene akababika munyobe izya ba Filisiti amaka 40.

Abalongi 16:23

Isiku limo abamwene aba ba Filisiti bakabungana poka pakubika ivyakwiyipa kwa chala wabo u Dagoni nukuba nu lusekelo. Bakanena bakati, “Uchala witu amubika umulwani witu u Samusoni munyobe zyitu.”

Abalongi 3:7

Aba Izilayeli bakabomba ivintu ivibibi vivyo vitakamuhobosya u Mwene. Bakamuluvya u Mwene u Chala wabo pakumubombela u Baala nu Ashela.

Abalongi 4:1

Bo u Ehudi afwa, aba Izilayeli bakabomba sona ivintu ivibibi vivyo vitakamuhobosya u Mwene.

Abalongi 6:1

Aba Izilayeli bakabomba sona ivintu vivyo vitakamuhobosya u Mwene, po akababika munyobe izya ba Midiyani amaka seveni.

Abalongi 8:33

Bo u Gidiyoni afwa bulo, aba Izilayeli batakaba basubiliwa kwa Chala. Po bakamusimika u Baala Beliti pakuba we chala wabo.

1 Samuweli 5:2

Po bakalyinjizya munyumba iya Dagoni, uchala wabo nukulibika papipi ni chifwani icha Dagoni.