Abalongi 10:4 - IBAYIBOLO 2024

⁴ U Yayili akaba na bana abalumendo 30, babo bakakwela pampunda inyanavuli 30. Abana bache banaba bakaba nutwaya utukulu nkani 30 mu Giliyadi, tuto mupaka nilelo bulo tukwitiziwa ukuti Havoti Yayili.

Abalongi 10:4 Iomraidhean Croise

2 Samuweli 16:2

U mwene akamulalusya u Ziba akati, “Nkimba choni chicho wiza ni vintu vinivi?” U Ziba akamwamula akati, “Impunda zinizi zyakuti abamunyumba yako bakwelayepo, nukulya ivibama ni vikomwa vinivi, sona nukuti uvinyo uyu abasangalusyanje abantu babo balita nu bulendo munkolongo.”

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Ukubelengiwa 32:41

U Yayili uwaluko ulwa manase akafyula utwaya tumo nukutwita ukuti, “Utwaya utwa Yayili.”

Ukukumbusya Amalamulo 3:14

U Yayili uwa luko ulwa manase nkamugabila ichigaba chosi icha Aligobi mupaka kumpaka iya chisu icha Geshuli, ni chisu icha Maaka. Akakita akaya kala ni tabwa lyache umwakuti nilelo ichisu icha Bashani chikwitiziwanga ukuti utwaya utwa Havoti Yayili.

Abalongi 10:3

Bo u Tola afwa, pakizapo u Yayili umu Giliyadi, yuyo akaba mulongi uwa ba Izilayeli amaka 22.

Abalongi 10:5

Bo u Yayili afwa, akasyiliwa mu Kamoni.

Abalongi 12:14

U Abidoni akaba na bana abalumendo 40, na bizukulu 30, babo bakakwela pampunda inyanavuli 70. U Abidoni akaba mulongi uwa ba Izilayeli amaka 8.

Abalongi 5:10

Amwe mwe mukwelite pampunda iswepu, amwe mwe mwikaye pachakwikalapo pampunda sona amwe mwe mukwenda mumusebo, mubapangilaye abanji.