Abalongi 1:19 - IBAYIBOLO 2024

¹⁹ U Mwene akabavwa abaluko ulwa Yuda, umwakuti bakachifyula ichisu chosi icha mumaghamba, loli bakapotwa pakubachimbizyamo abantu babo bakikalagha mwikombe, pachifukwa ichakuti bakaba ni ngolo izya chela.

Abalongi 1:19 Iomraidhean Croise

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:21

u Mwene akaba nawe. Akamupelela ichisa umwakuti umulindilili uwa jele akahoboka nawe.

2 Samuweli 5:10

Po u Devedi akabanga na maka nkani, pachifukwa ichakuti u Mwene u Chala Uwamaka Ghosi akaba nawe.

2 Abamwene 18:7

U Mwene akaba nawe, po ivintu vyosi vivyo akabombagha vikamwendelagha akiza. U Hezekiya akamusambukila u mwene wamu Asiliya, umwakuti akakana pakumubombela.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:7

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:9

Akumazya ubwite mupaka kubumalilo ubwa chisu ichapasi, sona akubupolannya ubwele ni mpalala, nukuzyocha ingulu.

Masalimo 60:12

Nanti u Chala ali naswe, po tukwiza pakupota ubwite, pakuti weyuyo akwiza pakubakanyankila abalwani bitu.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 8:10

Munene zyosi zizyo mukulonda pakunena, loli zikwiza pakuba zyabulo sakizya imbatiko zyinyu, loli zitakwiza pakubomba pakuti u Chala ali naswe.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Aba Filipi 4:13

Ningabomba ichintu chosi ukwendela mumwache yuyo akumpa amaka.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 14:12

Po losi ulu mpanga ichisu icha mumaghamba chicho u Mwene akandayizya pisiku lilalila. Pakuti awe wemwenecho ukivwa ukuti aba Anaki bakaba kulakula, sona nukuti utwaya twabo utukulu tukaba na malinga. Loli lumo u Mwene akwiza pakuba nane, po nkwiza pakubachimbizyamo ukuyana namumo akanenela.”

Yoshwa 6:27

Po u Mwene akaba nu Yoshwa, sona u Yoshwa akendelela pakumanyikwa muchisu chosi chila.

Yoshwa 7:12

Ichi cho chifukwa aba Izilayeli batangalwa na balwani babo. Bakubachimbila abalwani babo pachifukwa ichakuti babaghiye pakunanganika. Ane ntakwiza pakuba namwe sona, pene papo nanti mwavinangannya ivintu vyosi vivyo nkabalamula ukuti muvinangannye.

Abalongi 1:2

U Mwene akamula akati, “Abaluko ulwa Yuda bo babo babanje bakwanda. Ane nachibika ichisu chinichi munyobe zyabo.”

Abalongi 4:13

u Sisela akazibungannya poka ingolo zyache zyosi izya bwite izya chela 900, poka na bantu bosi babo bakaba nawe bakepako ku Halosheti Hagoyimu nukubuka kulusoko ulwa Kishoni.

Abalongi 4:3

U Yabini akaba ni ngolo izya bwite izya chela 900, sona akabayivya nkani aba Izilayeli amaka 20, po aba Izilayeli bakamulilila u Mwene ukuti abavwe.

1 Samuweli 18:12

U Sabuli akanda pakumunyila u Devedi pachifukwa ichakuti u Mwene akaba nawe, loli akamukana u Sabuli.

1 Samuweli 18:14

U Devedi akapotagha nkani muvyosi, pachifukwa ichakuti u Mwene akaba nawe.

1 Samuweli 18:5

Kosi kuko u Sabuli akamutumagha pakulwa ubwite, u Devedi akabapotagha abalwani bache. Po u Sabuli akamubika pakuba we songo uwa basilikali bache bosi. Ichi Chikabahobosya nkani abantu bosi, poka na makambala agha Sabuli.