Abalongi 1:12 - IBAYIBOLO 2024

¹² U Kalebu akati, “Umuntu yuyo angalwa ubwite nukukafyula akaya aka Kiliyati Sefele nkwiza pakumupa umwana wane umulindu u Akisa ukuti abanje muchi wache.”

Abalongi 1:12 Iomraidhean Croise

Masalimo 60:9

Nkimba wewenu yuyo akwiza pakunfisya kukaya akakulu nkani aka malinga? Nkimba wewenu yuyo akwiza pakundongozezya ku Edomu?

Yelemiya 29:6

Musendaye nukupapa abana abalumendo na balindu, abana binyu abalumendo mubasendelaye abakolo pakuba bachi babo, sona abana abalindu basendiwanje, umwakuti bope bapapaye abana abalumendo na balindu. Mupapanaye nukubala, mutakabanje banandi bulo.

Yoshwa 15:15

Po akubuka pakulwa ubwite nakaya aka Debili, kako kale kakitiziwanga ukuti Kiliyati Sefele.

Abalongi 1:11

Abaluko ulwa Yuda bakabuka pakulwa ubwite nakaya aka Debili, kako kale kakitiziwanga ukuti Kiliyati Sefele.

Abalongi 1:13

U Otiniyeli umwana uwa Kenazi, yuyo akaba muzuna uwa Kalebu akakapota akaya kala. Po u Kalebu akamupa umwana wache umulindu u Akisa ukuti abanje muchi wache.

1 Samuweli 17:25

Aba Izilayeli bala bakati, “Nkimba mukwennya namumo umuntu uyu alindiye bulo pakubabechela aba Izilayeli? Umuntu wesi yuyo angamughogha, u mwene akwiza pakumupa ichuma ichinji nkani. Akwiza pakumupa umwana wache umulindu ukuti abanje muchi wache, sona abamunyumba iya wise batakwiza pakusonkagha nalumo umusonko.”

1 Samuweli 18:23

Po amakambala ghala ghakamubuzya u Devedi amazyu ghanagha. Loli u Devedi akanena akati, “Fwandi mukuchisenda chintu chipepe nkani pakuba mukwalima uwa mwene? Ane ne muntu umupina, sona te nemumanyikwe napo panandi.”