Abalongi 1:1 - IBAYIBOLO 2024

¹ Bo u Yoshwa afwa aba Izilayeli bakamulalusya u Mwene bakati, “Nkimba luko loni lulo lukwiza pakuba lwakwanda pakulwa ubwite naba Kenani?”

Abalongi 1:1 Iomraidhean Croise

1 Abamwene 22:5

Loli u Yehoshafati akamubuzya u mwene uwa Izilayeli yula akati, “Buzikizya tasi kwa Mwene.”

Ukufuma 18:15

U Mozesi akamwamula akati, “Imbaghiye pakubomba bunubu pachifukwa ichakuti abantu bakunyizila ukuti bamanye ubwighane ubwa Chala.

Ukufuma 28:30

Ubikemo u Ulimu nu Tumimu mukakuvwala akapachifuba, umwakuti u Aloni avinyamule pachifuba chache bo akwiza pamaso papane. Po u Aloni akwiza pakuvinyamula ivintu vibili vinivi ukuti angamanya vivyo nkulonda ukuti abantu bane aba Izilayeli babombaye.

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Abalongi 1:27

Loli aba Manase batakabachimbizya abantu aba mu Beti Shani pamo aba mu Tanaki pamo aba mu Doli pamo aba mu Ibuleyamu pamo aba mu Megido poka nutwaya utupalamani, po aba Kenani bakendelela pakwikala mulamula.

Abalongi 2:21

ane ntakwiza pakuzichimbizyamo nalumo inko zizyo u Yoshwa akazileka pakabalilo kako akafwilagha.

Abalongi 2:8

U Yoshwa umwana uwa Nuni umubombi uwa Mwene akafwa bo ali na maka 110.

Abalongi 2:9

Po bakamusyila muchisu chicho akapokela pakuba mpyana yache mu Timunati Helesi, chicho chikaba chisu icha mumaghamba icha Efulayimu kumitu kwighamba ilya Gashi.

Abalongi 20:18

Aba Izilayeli bakabuka mupaka ku Beteli pakumubuzikizya u Chala. Bakati, “Nkimba bo bawenu pakasi papitu babo babanje bakwanda pakulwa ubwite naba Benjamini?” U Mwene akamula akati, “Abaluko ulwa Yuda bo babo babanje bakwanda.”

Abalongi 20:23

Aba Izilayeli bakabuka pakumulilila u Mwene mupaka pachamabwila nukumubuzikizya ukuti, “Nkimba tubukaye sona pakulwa ubwite na bakamu bitu aba Benjamini?” U Mwene akabamula akati, “Bukagha.”

Abalongi 20:27

Po aba Izilayeli bakamubuzikizya u Mwene. Mumasiku ghalaghala Ibokosi ilya Lufingo ilya Chala likaba ku Beteli kulakula,

Abalongi 20:28

sona u Finehasi umwana uwa Eleyazala, u mwana uwa Aloni akaba weyuyo akenelezyanga. Bakalalusya bakati, “Nkimba tubukaye sona pakulwa ubwite na bakamu bitu aba Benjamini, pamo awe?” U Mwene akamula akati, “Bukagha, pakuti indabi nkwiza pakubabika munyobe zyinyu.”

1 Samuweli 10:22

Po bakamubuzikizya u Mwene bakati, “Nkimba umuntu yunuyu iziteko kuno?” U Mwene akamula akati, “Eee, avwamite pakasi pakatundu.”