2 Timoti 4:8 - IBAYIBOLO 2024

⁸ Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Ulufingo Ulupya

⁸ Ilelo chicho inkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

2 Timoti 4:8 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

Masalimo 31:19

Ubwiza bwako bukulu nkani, bubo ubasungiye babo bakukwivwila. Ukubalanjizya ubwiza bunubu abantu babo bakuchimbilila kukwako, sona umuntu wesi azyennya zinizi.

Masalimo 7:11

U Chala we mulongi umugholosu, we Chala yuyo akubakalalila abantu ababibi isiku ni siku.

Ivyili 4:9

Ghakwiza pakukuvwika impumpu iya chisa, nukukuvwika impumpu iya buchindamu.”

Malaki 3:17

U Mwene Uwamaka Ghosi akuti, “Bakwiza pakuba bantu abane na bane pisiku lilyo nkubomba imbombo yane. Nkwiza pakuba ni chililizi ngati mumo umupapi akubela kumwana wache, yuyo akumubombela.

Matayi 24:36

“Loli nayumo umuntu yuyo akumanya isiku pamo akabalilo, bate bantumi kumwanya, ate Mwana; Utata mwene weyuyo akumanya.

Matayi 7:22

Bo isiku lilyo u Chala akwiza pakubalonga abantu lyafika, abinji bakwiza pakunena ukuti, ‘Wee Mwene, Mwene tukalumbililagha amazyu agha Chala mwitabwa lyako, tukefyanga imizimu imibibi nukubomba ivyika ivyinji mwitabwa lyako.’

Luka 10:12

Naloli nkubabuzya ukuti pisiku lilyo u Chala akwiza pakubalonga abantu, akwiza pakubapelela ichisa nkani abantu aba mu Sodomu ukuchila abantu aba mukaya kala.

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

Aba Loma 8:23

Loli vite vipeliwa vyene vivyo vikukoloma; aswe twe tuli ni seke izyakwanda izya Muzimu Umuzelu, naswe tukukolomela mukasikasi, bo tukulindilila ukuti u Chala utupele pakuba twe bana bache, sona nukughapoka amabili ghitu ghosi.

1 Aba Kolinti 2:9

Loli ukuyana na Masimbo aghakuti, “Chicho ilyiso litachenizyepo, pamo chicho ni kutu litachivuyepo pamo chicho umoyo uwa muntu ghutakachinong'onagha, ichintu chilachila, cho chicho u Chala akabayanizizya abantu babo bamughanite.”

1 Aba Kolinti 3:13

imbombo izya muntu wesi zikwiza pakubonekela bulo pabuzelu, bo isiku ilya Kilisitu likwiza pakuzilanjizya pabuzelu. Pakuti pisiku lilalila umoto ghukwiza pakuzivumbula imbombo izya muntu wesi. Po umoto ghulaghula ghukwiza pakuziyela imbombo izya muntu wesi.

1 Aba Kolinti 9:25

Umuntu wesi yuyo ali panyangalo iyakuchimbila, akwikanizya muvintu vyosi, umwakuti apokele inkata iya maluba yiyo yikufoka, loli aswe tukulonda pakupokela inkata yiyo yitakufokapo nalumo.

2 Aba Kolinti 5:2

Ichi cho chifukwa mu Chisakasa ichi tukukoloma, nukulonda nkani ukuti twinjile munyumba yitu iyakumwanya,

Aba Filipi 3:11

Nane bulo indi nu lusubilo ulwakuti nkwiza pakuzyuka kubufwe.

Aba Kolosi 1:5

Bo Amazyu Amiza, ghagho mazyu ghanaloli, ghalumbililiwa tasi kukwinyu, mukivwa nizya lusubilo lulo lukupa. Po ulwitiko lwinyu, sona nu lughano lwinyu vyimite pavivyo mukulindilila, vivyo visungiwe akiza nkani kumwanya.

1 Aba Tesalonika 1:10

Po mukulindilila ukwiza ukwa Mwana wache u Yesu ukufuma kumwanya, yuyo akamuzyusya kubufwe, sona yuyo akatupoka ku bukali ubwa Chala bubo bukwiza.

1 Aba Tesalonika 5:4

Loli bakamu bane, mute muchisi ukuti isiku lila libachenusye bulo ukuyana namumo umwiba akwizila.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

1 Timoti 6:19

Pakubomba bunubu bakwiza pakwilundikila bene ubukabi bubo bukwiza pakuba lwalo ulukafu nkani, sona nu lusita ukumala, lulo lukwiza pakubavwa muntazi ukuti bapokele ubumi ubwenecho.

2 Timoti 1:10

Loli ilelo chavumbuliwa kukwitu nukwiza ukwa Mupoki witu, u Kilisitu u Yesu. Amazizye amaka agha bufwe, sona ukwendela mu Mazyu Amiza avumbula pabuzelu ubumi bubo butangafwapo nalumolumo.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

2 Timoti 1:18

U Mwene amupelele ichisa Pisiku ilyabumalilo! Sona awe, uyimenye akiza nkani imbombo yiyo akambombela mukaya aka Efeso.

2 Timoti 2:5

Umwakuyana bulo atalipo umuntu yuyo ali panyangalo iyakuchimbila akupeghiwa umuvwalo nanti atakukonka indaghilo izya nyangalo yila.

2 Timoti 4:1

Pantazi pa Chala na pamaso pa Kilisitu u Yesu, yuyo akwiza pakubalonga abantu abumi na bafwe bulo, sona pachifukwa ichakuti akwiza pakulaghila ngati we Mwene, nkukulamula ukuti

Titi 2:13

bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu nu Mupoki witu u Yesu Kilisitu bukwiza pakuboneka.

Aba Hebeli 12:11

Pakabalilo kako tukufundiwa chikuba chintu chakubaba, sona chitakuhobosya. Loli pisinda pache ukufundiwa kulakula kukwela ivikomwa ivya mutende, sona nivya bugholosu ku bantu babo bakapokela amafundwe ghalaghala.

Aba Hebeli 9:28

Umwakuyana bulo, u Kilisitu wepe akabikiwa lyoka bulo ukuti chibanje chakwiyipa ukwefya imbibi izya bantu abinji. Akwiza pakuboneka akabubili, pate pakwefya imbibi pene, awe, loli ukuti abapoke abantu babo bakumulindilila.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

1 Pitala 1:4

ulwakuti tukwiza pakupyana ichilingo chicho u Chala akubasungila abantu bache. Akubasungila amwe kumwanya, kuko chitangabola pamo ukunanganika pamo ukuchuja.

1 Pitala 5:4

Sona bo Umudimi usongo aboneka, mukwiza pakupokela impumpu iya buchindamu, yiyo yitakuchujapo nalumo.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.

Ubuvumbuli 19:11

Pisinda pache nkennya kumwanya kwighukite, po nkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa ubwite bwache mubwanaloli.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.