2 Timoti 3:2 - IBAYIBOLO 2024

² Abantu bakwiza pakuba bakwiyighana bene, na baghana ndalama, na bakwitutumula, na bamituvyo, na bantuko, na basita kwivwila abapapi babo, na basita kupalizya, sona na basita ukumwiputa u Chala.

Ulufingo Ulupya

² Abantu bakwiza pakuba bakwiyighana bene, na baghana ndalama, na bakwitutumula, na bamituvyo, na bantuko, na basita kwivwila abapapi babo, na basita kupalizya, sona na basita ukumwiputa u Chala.

2 Timoti 3:2 Iomraidhean Croise

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 49:6

Abantu banaba basubiye bulo ubukabi bwabo, sona bakwituvya pachifukwa icha bwinji ubwa bukabi bwabo.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Ivyili 6:17

Ivintu vinivi vyo ivi: Amaso agha mituvyo nu lulimi ulwakutamanta, inyobe zizyo zikumughogha umuntu yuyo ate ninongwa nayimoyimo,

Yesaya 10:15

Nkimba intemo yingikwezya ukuti yapamwanya, ukuchila yuyo akuyibombezya, pamo ichakubolela amatabwa chingituvya ukuti chapamwanya, ukuchila yuyo akuchibombezya? Chinichi chiyanite bulo ni ndisa pakumulema yuyo ayinyamuye, pamo intughu yikulonda pakumunyamula mumwanya yuyo te likwi ilyumizu!

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Matayi 15:6

Pakubomba bunubu mukughakana amalamulo agha Chala ukuti mukonke inyiho zyinyu.

Luka 12:15

Po akendelela pakubabuzya abantu bosi akati, “Muchebaye, sona mutakabanje nu bupafu ubwa luko losi. Napapo umuntu angaba ni vyuma ivyinji, ivyuma vila vitangabupoka ubumi bwache.”

Luka 16:14

Bo aba Falisayi bivwa zyosi zinizi, bakamobezya u Yesu pakuti bakazighana nkani indalama.

Luka 6:35

Awe, mubaghane abalwani binyu nukubabombela inyiza. Mubakopezyanje sona mutakalindililaye ukuti mupokelepo kamo. Po umuvwalo winyu ghukwiza pakuba mukulu nkani, sona mukwiza pakuba mwe bana aba Chala Uwakumwanya Nkani. Pachifukwa ichakuti akubapelela ichisa abantu babo batakumupala, sona na bantu ababibi.

Imbombo 5:36

Mukukumbuka ukuti kale u Teyuda akaboneka, akalondagha ukuti abanje muntu mumanyikwe, umwakuti abantu papipi 400 bakamukonka. Loli akaghoghiwa, sona abakonki bache bosi bakanyampana, po akabukatila kache kakamalila palapala.

Aba Loma 11:18

Po mutakabayivyanje babo bapalantiwa ngati zyo samba. Loli nanti mukwituvya mukumbukaye ukuti mute mwemwe mukulema amagululuzi, loli amagululuzi gho ghagho ghakubalema amwe.

2 Aba Kolinti 5:15

Umwene akatufwila twebosi ukuti abantu bosi babo bali nubumi, batakabe nubumi ubwakwihobosya bene, loli babanje nubumi ubwakumuhobosya mwene yuyo akatufwila nukuzyuka kubufwe pachifukwa icha babo.

Aba Filipi 2:21

Abantu abanji bosi bakwiyinong'onela nizyabo zyene, ukusita ukwinong'onela nizya Yesu Kilisitu.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

1 Timoti 1:20

Mu banaba alimo u Himenaya nu Alikizandala, abantu banaba nababika munyobe izya Satana ukuti bamanyililepo ukuleka pakumusamula u Chala.

1 Timoti 1:9

Tubaghiye twivwisye ukuti indaghilo zitakapinyiwa pachifukwa icha bantu abagholosu, awe. Loli pachifukwa icha bantu abananga ndaghilo, na basita kwivwila. Zikapinyiwa pachifukwa icha bantu babo batamumenye u Chala, sona na bantu abambibi; pachifukwa icha abantu ababibi, na babo bakumukana u Chala; abantu babo bakughogha abawise, pamo abanyina pamo, abaghoghi,

1 Timoti 3:3

Atakabe we ching'wela, pamo umuntu uwa lombwa, loli abanje mololo. Atakabe wavyongo, sona atakazighanaye indalama.

1 Timoti 6:10

Pakuti ukuzighana indalama yo mpenya iya mbibi izya kulekanalekana. Pachifukwa icha kuzighana indalama, abantu bamo baluleghuka ulwitiko lwabo, nukwivulazya mumoyo ghabo ni vyakubaba ivikulu nkani.

1 Timoti 6:4

Umuntu wesi yuyo akumanyisya ivintu vinivi wamituvyo, sona atamenye nachimochimo. Umoyo wache mubine, akudalinkanadalinkana nizya mazyu, zizyo zikwiza na kabini, ni vyongo, ni ntuko, nukwinong'onelana ivibibi.

2 Timoti 3:4

Batakwiza pakuba basubiliwa, bakwiza pakuba bapopo, na bamituvyo, na bakughana ivyakwihobosya, mubuzilo ubwa kumughana u Chala,

Yakobo 2:8

Naloliloli mukubomba akiza nanti mukukonka indaghilo izya Bumwene, zizyo zikwaghiwa mu Masimbo aghakuti, “Umughane umupalamani wako ukuyana namumo wiyighaniye wemwenecho.”

Yakobo 4:16

Loli mumo zibeleye, mukwituvya nukwitutumula. Ukwituvya kosi kunuku kubibi.

Yakobo 4:6

Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”

2 Pitala 2:10

Nkaninkani akwiza pakubafunda abantu babo bakukonka ivinyonywa ivibibi ivya mubili nukubusamula ubulaghili ubwa Chala. Abamanyisi abamyasi banaba bate nubogha, bamituvyo, loli bakubasamula abachindamu aba kumwanya.

2 Pitala 2:12

Loli abantu banaba bali ngati po vinyamana bulo, ivipeliwa vivyo vite na mahala, vivyo vikapapiwa ukuti vilemiwanje nukughoghiwa. Bakuvisamula na vivyo batakuvimanya. Po bakwiza pakuzimila poka ni vinyamana vila

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

Yuda 1:16

Abantu banaba bamilumbusyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 16:11

Bakamughuna u Chala uwakumwanya pachifukwa icha bubavu ni vilonda vyabo. Loli batakapinduka pamo ukuzileka imbombo zyabo imbibi zizyo bakabombagha.

Ubuvumbuli 16:21

Amabwe amakulu aghavula ghagho ubung'wamu ubwa libwe lyoka bukabanga amakilogalamu 50, ghakabawila abantu ukufuma kumwanya. Loli pope bulo abantu banaba bakamughuna u Chala pachifukwa icha mabwe aghavula ghala, pakuti chikaba chiwaya ichikulu nkani.

Ubuvumbuli 16:9

Po ichitukivu ichikali chikabocha abantu bala, po abantu bala bakalighuna itabwa ilya Chala, yuyo ali nu bulaghili pa viwaya. Loli batakapinduka nukuzileka imbibi zyabo pamo pakumupala u Chala.