2 Timoti 2:7 - IBAYIBOLO 2024

⁷ Winong'one akiza na zizyo nkunena, pakuti u Mwene akwiza pakukupa akivwisizye aka vintu vyosi vinivi.

Ulufingo Ulupya

⁷ Winong'one akiza na zizyo nkunena, pakuti u Mwene akwiza pakukupa akivwisizye aka vintu vyosi vinivi.

2 Timoti 2:7 Iomraidhean Croise

1 Imbili 22:12

U Mwene akupanje amahala na kivwisizye, bo waba we mulaghili uwa aba Izilayeli, umwakuti uzikonkaye indaghilo izya Mwene u Chala wako.

1 Imbili 29:19

Umupanje umwana wane u Solomoni umoyo uwakufikapo, umwakuti azikonkaye indaghilo na malamulo ukuti azenge inyumba yiyo nayannya pakukuzengela.”

Masalimo 119:125

Ane ne mubombi wako, mpanga amahala aghakwivwisizya, umwakuti ingamanye amalamulo ghako

Masalimo 119:144

Indaghilo zyako ngolosu bwila na bwila, umpanje amahala ukuti imbanje nubumi.

Masalimo 119:73

Inyobe zyako zinkampela nukumata, po mpanga amahala aghakivwisizye aka malamulo ghako.

Masalimo 64:9

Abantu bosi bakwiza pakuba nubogha, po bakwiza pakuzifumusya imbombo izya Chala, sona nukwinong'ona zizyo u Chala abomba.

Ivyili 24:32

Po nkanda pakwinong'ona pazizyo nkazyennya, sona nkamanyilapo chimo:

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 28:26

U Chala wache akumumanyisya nukumulingannya izila inyiza.

Yesaya 5:12

Palusekelo lwabo bakulizya ivinanda na mapango, ivisekeseke na malongi sona bakung'wela uvinyo, loli batakuzibelengela imbombo izya Mwene, batakuzichindika imbombo izya nyobe zyache.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Luka 24:45

Po akabighula inyinong'ono zyabo ukuti bivwisye Amasimbo,

Luka 9:44

“Mutakaluvye zizyo indi papipi pakubabuzya! U Mwana uwa Muntu akwiza pakubikiwa munyobe izya balwani.”

Yohani 14:26

Loli Umwavwilizi, u Muzimu Umuzelu, yuyo Utata akwiza pakubatumila mwitabwa lyane, akwiza pakubamanyisya nukubakumbusya vyosi vivyo nababuzya.

Yohani 16:13

Loli bo u Muzimu Umuzelu, yuyo akuvumbula ubwanaloli ubwa Chala iza, akwiza pakubamanyisya ubwanaloli bosi. Atakwiza pakunena nu bulaghili ubwache nu bwache awe, loli akwiza pakunena zizyo akwivwa, sona akwiza pakubabuzya nizya vintu vivyo vikwiza pakuboneka muntazi.

Imbombo 7:10

nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene.

1 Aba Kolinti 12:8

U Muzimu Umuzelu akumupa umuntu yumo ichabupi ichakunenela amazyu aghamahala, po uyunji akumupa ichabupi icha mazyu agha bumanyi,

Ukukumbusya Amalamulo 32:29

Nanti bakabanga na mahala ngali bakivwisya ivintu vinivi, sona ngali bakuzyaghannya intamyo zizyo zingabawila.

Ukukumbusya Amalamulo 4:39

Po ilelo mukumbukaye, sona mutakaluvyanje ukuti u Mwene we Chala uwakumwanya na pachisu ichapasi, sona atalipo uyunji.

Aba Filipi 4:8

Mwee bakamu bane, pabumalilo nkubabuzya ukuti mubikayepo umoyo pavintu vyosi vivyo vyiza nkani, sona ni vichindamu ivi: Ivyanaloli, ni vichindamu, ni vigholosu, ni vizelu, ni vighaniwa, sona ni vyamuchizi.

Aba Kolosi 1:9

Pachifukwa ichi, ukwandila mumo tukivwila, tutakalekapo nalumolumo pakubiputila. Tukumulaba u Chala ukuti abizuzye amwe na mahala, sona na kivwisizye aka ivintu vivyo u Muzimu Umuzelu akupa, umwakuti mwivwisye vivyo akulonda.

1 Timoti 4:15

Wiyizubizyanje pakubomba ivintu vinivi nukwiyipa wemwene, umwakuti abantu bosi bennye ukuti ubumi bwako ubwabuzimu bukwendelela pakukula.

2 Timoti 2:6

Umulimi yuyo akwiyula nkani, abanje wakwanda pakupokelapo ichigaba icha nyinulo.

2 Timoti 2:8

Kumbuka u Yesu Kilisitu, yuyo akazyuka kubufwe, sona akaba waluko ulwa Devedi. Pakuti ichi cho chicho Amazyu Amiza ghagho nkulumbilila ghakumanyisya.

Aba Hebeli 12:3

Mwinong'one nizya Yesu yuyo akajimba nkani ni ntuko izya bantu abambibi! Po mutakalitaye nukuwa amaka.

Aba Hebeli 13:7

Mubakumbukaye abalongozi binyu babo bakababuzyanga amazyu agha Chala. Mukumbukaye namumo bakikalilagha, sona namumo bakafwila, po mweghelelaye ulwitiko lwabo.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.

Aba Hebeli 7:4

Ennya bulo namumo ubukulu bwache bukabela. U Abulahamu, umunyenya witu umumanyikwe, akamupa ichigaba choka pa vigaba 10 ivya vintu vivyo akafyula kubwite.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 3:15

Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.

Yakobo 3:17

Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.