2 Timoti 2:16 - IBAYIBOLO 2024

¹⁶ Loli ughaleghuke amazyu aghamwalwe ghagho ghatakumuchindika u Chala, pakuti abantu babo bakubomba bunubu bakwiza pakwendelela pakuba kubutali nu Chala.

Ulufingo Ulupya

¹⁶ Loli ughaleghuke amazyu aghamwalwe ghagho ghatakumuchindika u Chala, pakuti abantu babo bakubomba bunubu bakwiza ukwendelela pakuba kubutali nu Chala.

2 Timoti 2:16 Iomraidhean Croise

Ezila 10:10

Po umuputi u Ezila akimilila nukubabuzya ukuti, “Amwe mutakasubiliwa. Amwe mwasenda abakolo abayeni pakuba bachi binyu, po ububibi ubwa Izilayeli bwaba bukulu.

Hoseya 12:1

Ichakulya icha ba Efulayimu yo mpepo, sona isiku lyosi bakuyichimbizya impepo iyakubufumilo bwizuba, nukufingana nabo ubumyasi nu lombwa. Bakulapa ichilapo nu Asiliya, sona bakutuma amafuta gha misyunguti ku Ijiputi.

1 Aba Kolinti 15:33

Mutakizimbulaye mwebene, “Abamanyani ababibi bakunanga inkalo inyiza.”

1 Aba Kolinti 5:6

Ukwitutumula kwinyu kute kwiza. Nkimba mutachimenye ichili chicho chikuti, “Ichilungo ichinandi bulo chikututumula indobo yosi iya ichinyenya?”

1 Timoti 1:9

Tubaghiye twivwisye ukuti indaghilo zitakapinyiwa pachifukwa icha bantu abagholosu, awe. Loli pachifukwa icha bantu abananga ndaghilo, na basita kwivwila. Zikapinyiwa pachifukwa icha bantu babo batamumenye u Chala, sona na bantu abambibi; pachifukwa icha abantu ababibi, na babo bakumukana u Chala; abantu babo bakughogha abawise, pamo abanyina pamo, abaghoghi,

1 Timoti 4:7

Loli utuleghuke utupangwi utwamwalwe, tuto abakolo abaghosi bakupanga. Loli wiyizubizyanje wemwene pakuba nubumi ubwakumuchindika u Chala.

1 Timoti 6:20

Wee Timoti, usunge akiza vivyo ukapeghiwa ukuti usunge. Ughaleghuke amazyu amasita mbombo, sona nukudalinkana ukwa bupunganu, vivyo abantu abamyasi bakuti gho mahala.

2 Timoti 2:14

Ubakumbusyanje abantu zinizi, sona ubasokaye nkani pamaso pa Chala ukuti batakadalinkanaye pachifukwa icha mazyu. Pakuti ichi chitakubavwa abantu napo panandi, loli chikubanangannya bulo abantu babo bakuchiteghelezya.

2 Timoti 2:21

Nanti umuntu iswefya mwene ivintu vivyo nanena, akwiza pakuba chibombelo chicho chipaghuliwe, sona nukuba chambombo kumwenecho uwa nyumba, yuyo iyanizye pakuchibombezya imbombo yosi inyiza.

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

Titi 1:14

sona nukuti batakimilile mu tupangwi utwa Chiyuda, pamo pa malamulo agha bantu babo bakubusula ubwanaloli.

Titi 3:9

Loli leghuka amadali aghabupunganu, nizya mbatiko izya matabwa agha banyenya, ukulwa nukudalinkana nizya Ndaghilo izya Mozesi. Pakuti zinizi zite ni mbombo nayimoyimo.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

2 Pitala 2:2

Abantu abinji bakwiza pakukonka inkalo yabo nkozyasoni, po abantu bakwiza pakuyisamula izila iya bwanaloli pachifukwa icha zizyo bakubomba.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 13:3

Umutu ghoka mu mitu iya chinyamana chila ghukabonekagha ngati ghuli ni nkonko. Loli inkonko yila yikaba ukuti yapola, sona abantu bosi bakaswigha nkani nukuchikonka ichinyamana chila.