2 Timoti 1:9 - IBAYIBOLO 2024

⁹ Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Ulufingo Ulupya

⁹ Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

2 Timoti 1:9 Iomraidhean Croise

Matayi 1:21

Akwiza pakupapa umwana umulumendo nukumwita ukuti we Yesu, pakuti weyuyo akwiza pakupoka abantu kumbibi zyabo.”

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Yohani 17:9

“Ane nkubiputila babo ukampa pakuti bako. Intakubiputila abantu aba muchisu ichapasi.

Yohani 6:37

Bosi babo Utata wane akumpa bakwiza kukwane, sona bosi babo bakwiza kukwane ntakwiza pakubasula,

Imbombo 15:18

Po u Mwene akunena bunubu, yuyo akavumbula ivintu vinivi kale.’

Imbombo 2:47

pakumupalizya u Chala, sona abantu bosi bakahoboka nabo. Isiku ni siku u Mwene akonjelezyanga ku kabukatila kabo abantu babo bakapokiwanga.

Aba Loma 11:14

Pamo ningabapela abantu abaluko lwane pakuba bantu abakabini, umwakuti ningabapoka bamo mumwabo.

Aba Loma 11:29

Pakuti u Chala atakwandula inyinong'ono zyache pa muntu yuyo amusala nukumusaya.

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

Aba Loma 3:20

Pakuti atalipo umuntu yuyo u Chala akumunena ukuti mugholosu pamaso papache pachifukwa icha kukonka Indaghilo. Loli Indaghilo zikumupela umuntu ukuti imanye ukuti ananga.

Aba Loma 9:11

Loli bo amapasa ghala ghachili pakupapiwa, sona bo ghatabombitepo nachimo ichiza pamo ichibibi, u Chala akabomba bunubu ukuti ukusaliwa ukwa muntu weka kubanje ukayana namumo kukabatilikiwa. Po akasalile kache katakima pambombo izya muntu, loli kakima pakuti umwene akamwitizya umuntu yulayula.

Aba Loma 9:24

Pakuti twe bantu babo u Chala akatwitizya, tute mo mu ba Yuda bene, loli na bantu bope babo bate ba Yuda.

1 Aba Kolinti 1:18

Pakuti ukulumbilila nizya bufwe ubwa Kilisitu pachipinjika, bo bupunganu ku bantu babo basobelite, loli kukwitu aswe twe twapokiwa, gho maka agha Chala.

Aba Efeso 1:11

Ivintu vyosi vikubombiwa ukuyana na kabatikile na kadumulile aka Chala. U Chala akatusala mwa Kilisitu ukuti tubanje bantu abache na bache. Pakuti iyi yikaba yo fundo yache, ukuyana namumo akadumulila po pabwandilo.

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

Aba Efeso 2:5

napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache.

Aba Efeso 3:11

U Chala akabomba zinizi ukuti imbatiko zyache izya bwila na bwila zibombiwanje, zizyo akayanizya zila mwa Kilisitu u Yesu u Mwene witu.

Aba Filipi 3:14

Nkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

1 Aba Tesalonika 4:7

U Chala atakatwitizya aswe ukuti tubombaye ubunyazu, loli ukuti tubanje bantu abazelu.

1 Timoti 1:1

Ane ne Pabuli, umutumiwa uwa Kilisitu u Yesu ukuyana ni lamulo ilya Chala Umupoki witu, sona nilya Kilisitu u Yesu, yuyo lusubilo lwitu.

2 Timoti 1:1

Ane ne Pabuli, umutumiwa uwa Kilisitu u Yesu, ukuyana nu bwighane ubwa Chala. Nkatamiwa ukuti indumbilile nizya bumi bubo u Chala akalayizya pakubapa abantu bache pakumamatilana poka nu Kilisitu u Yesu.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.

1 Pitala 1:20

Umwene akasaliwa nu Chala, bo ni chisu ichapasi chitapeliwe, loli avumbuliwa mumasiku aghabumalilo agha pachifukwa icha mwemwe.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.