2 Timoti 1:8 - IBAYIBOLO 2024

⁸ Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mumaka agha Chala.

Ulufingo Ulupya

⁸ Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mu maka agha Chala.

2 Timoti 1:8 Iomraidhean Croise

Masalimo 119:46

Nkwiza pakughafumusya amalamulo ghako pamaso pa bamwene, sona ntakwiza pakukoziwa isoni.

Masalimo 19:7

Ululaghilo ulwa Mwene lwakufikapo, lukutupa sona ubumi ubupya. Amalamulo agha Mwene masubiliwa, ghagho ghakubapa amahala abantu babo bate nagho.

Yesaya 51:7

Nteghelezya, amwe mwe mubumenye ubugholosu, amwe mwe bantu mwe muli nu lulaghilo lwane mumoyo ghinyu. Mutakaghunyilaye umusamu uwa bantu pamo intuko zyabo.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Maliko 8:38

Nanti umuntu ali nane ni soni, sona ni chimanyisyo chane mumasiku amabibi agha, ghagho abantu bakumukana u Chala, po u Mwana uwa Muntu akwiza pakukoziwa isoni nawe, bo akwiza mubuchindamu ubwa Wise poka na bantumi abazelu aba kumwanya.”

Luka 9:26

Nanti umuntu ali nane ni soni, sona ni chimanyisyo chane, po u Mwana uwa Muntu wepe akwiza pakuba ni soni nawe bo akwiza mubuchindamu ubwa Wise poka na bantumi abazelu aba kumwanya.

Yohani 15:27

Sona namwe bulo mukwiza pakusimikizya nizya ane pakuti mukabanga nane ukwandila ko kubwandilo.”

Yohani 19:35

Umuntu yuyo akennya izi zikubombiwa weyuyo akusimikizya ukuti namwe musubile. Ulusimikizyo lwache lwanaloli, sona azimenye ukuti zizyo akunena zyanaloli.

Imbombo 5:41

Bo abatumiwa bepapo pamaso pa balongi, bakahoboka pakuti u Chala akinong'ona ukuti babaghiye pakuyimba pachifukwa icha Yesu.

Aba Loma 1:16

Pakuti inte ni soni pakulumbilila Amazyu Amiza, pachifukwa ichakuti gho maka agha Chala ghagho ghakubapoka abantu bosi babo bakusubila, ukwandila naba Yuda, pisinda pache na bantu babo bate ba Yuda bulo.

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

Aba Loma 8:36

Pakuti Amasimbo ghakuti, “Pachifukwa icha wewe, tukukomana nu bufwe isiku lyosi. Tuli ngati zyo ng'ozi zizyo zikubuka pakuboliwa.”

Aba Loma 9:33

ukuyana na Masimbo aghakuti, “Ennya, nkwala ibwe mu Ziyoni lilyo likwiza pakubapela abantu ukwipunula, ilyalabwe lilyo likwiza pakubawisya abantu. Loli umuntu wesi yuyo akusubila mumwache, atakwiza pakukoziwa isoni.”

1 Aba Kolinti 1:6

Pakuti ulusimikizyo nizya Kilisitu lwikaziwe nkani mumwinyu,

2 Aba Kolinti 6:7

na mazyu ghitu aghanaloli, sona na maka agha Chala. Twalanjizya ni vilwilo ivigholosu kunyobe indilo, sona na kumongo.

Aba Efeso 3:1

Pachifukwa chinichi nkubiputila amwe kwa Chala. Ane ne Pabuli indi mujele pachifukwa icha Kilisitu u Yesu, sona pachifukwa icha mwemwe mwe bantu babo bate ba Yuda.

Aba Efeso 3:13

Po losi ulu nkubalaba ukuti mutakanyokele kwisinda pachifukwa ichakubayimbila, chicho buchindamu bwinyu.

Aba Efeso 4:1

Ane indi mujele pachifukwa icha mbombo iya Mwene, nkubalaba ukuti mwikalaye nubumi bubo u Chala akalondagha ukuti mubanje nabo, bo akubitizya.

Aba Efeso 4:17

Po nkubabuzya zinizi, sona nkubasimikizya mwitabwa ilya Mwene ukuti mutakikalaye ngati mwe bantu abakuzi, babo inyinong'ono zyabo zyabulo.

Aba Filipi 1:7

Chiza nkani ukuti mbinong'onelaye bunubu, pachifukwa ichakuti mwebosi muli pamoyo wane. Pakuti mwagabana nane ulusako lulo u Chala ampiye pakughimila, sona nukughikazya Amazyu Amiza, manyi indi mujele, manyi ne muntu umusatuke.

Aba Filipi 3:10

Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nukuba ngati weyuyo mu bufwe bwache.

Aba Filipi 4:13

Ningabomba ichintu chosi ukwendela mumwache yuyo akumpa amaka.

Aba Kolosi 1:11

Tukwiputa sona ukuti u Chala abakazye na maka ghache ghosi agha buchindamu, umwakuti mubanje bajivu nkani, na bafisalyoyo, sona na bahobosu.

Aba Kolosi 1:24

Ilelo ane nemwene nahoboka nkani nukuyimba kwane pachifukwa icha mwemwe. Pakuti ukuvwimiwa kuchili kukwendelela ukuyana namumo u Kilisitu akavwimiliwa. Nane bulo nkusendapo ichigaba mukuvwimiwa kuko u Kilisitu akakomana nako pachifukwa icha mubili wache, chicho chipanga.

1 Aba Tesalonika 3:4

Pakuti bo tuchili tuli poka namwe, tukababuzizya zila ukuti tukwiza pakuvwimiwa. Pakuti naloli muzimenye ukuti tukavwimiwa nkani.

1 Timoti 2:6

Akiyipa mwene ukuti abasatule abantu bosi. Ichi chikaba chisimikizyo pakabalilo kache akiza.

2 Timoti 1:10

Loli ilelo chavumbuliwa kukwitu nukwiza ukwa Mupoki witu, u Kilisitu u Yesu. Amazizye amaka agha bufwe, sona ukwendela mu Mazyu Amiza avumbula pabuzelu ubumi bubo butangafwapo nalumolumo.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

2 Timoti 1:16

U Mwene ayipelele ichisa inyumba iya Onesifola, pakuti kabilikabili weyuyo anyangazyanga. Atakaba ni soni napapo nkaba mujele.

2 Timoti 2:3

Sendapo ichigaba mumayimba pakuti we musilikali umwiza uwa Kilisitu u Yesu.

2 Timoti 2:8

Kumbuka u Yesu Kilisitu, yuyo akazyuka kubufwe, sona akaba waluko ulwa Devedi. Pakuti ichi cho chicho Amazyu Amiza ghagho nkulumbilila ghakumanyisya.

2 Timoti 2:9

Ichi cho chifukwa nkuyimba, sona impinyiwe ni mpingu ngati ne munanga Ndaghilo. Loli amazyu agha Chala ghatapinyiwe ni mpingu, awe.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

2 Timoti 4:5

Loli awe, wilemaye wemwene muvintu vyosi, nukujimba mumayimba. Bombagha imbombo iya bulumbilili, sona bombagha imbombo yako yosi ngati we mubombi uwa Chala.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.

1 Yohani 4:14

Aswe twennya nukuzisimikizya ukuti u Tata akatuma u Mwana wache pakuba Mupoki uwa bantu aba muchisu ichapasi.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.

Ubuvumbuli 1:2

U Yohani akulingannya ivintu vyosi vivyo akavyennya nizya mazyu agha Chala, sona nu buvumbuli bosi bubo u Yesu Kilisitu akavumbula.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”