2 Timoti 1:7 - IBAYIBOLO 2024

⁷ Pakuti u Muzimu yuyo u Chala akatupa, atakutupela pakuba bogha, loli weyuyo akutupa amaka nu lughano, sona nukwilema.

Ulufingo Ulupya

⁷ Pakuti u Muzimu yuyo u Chala akatupa, atakutupela pakuba bogha, loli we yuyo akutupa amaka, nu lughano, sona nu kwilema.

2 Timoti 1:7 Iomraidhean Croise

Masalimo 119:80

Umoyo wane ghutakabanje ni chilema nachimochimo pandaghilo zyako, umwakuti Intakakoziwanje isoni.

Ivyili 2:7

Akubasungila ubupoti abagholosu munyumba yache, we ngulu iya bantu babo bate ni chilema nachimochimo.

Ivyili 8:14

Indi nu bulongozi ubwiza na mahala aghakwivwika, sona ukwivwisya ivintu na maka, vyane.

Yesaya 11:2

Umuzimu uwa Mwene akwiza pakwikala papache, Umuzimu uwa mahala nu wakwivwisya ivintu, Umuzimu uwakumanyisya amahala nu wamaka, Umuzimu uwa bumanyi nu wakumunyila u Mwene

Mika 3:8

Loli ane, nizuye na maka, nu Muzimu uwa Mwene, sona nu bwanaloli na maka, ukuti imbabuzye abaluko ulwa Yakobo imbibi zyabo, sona nukunanga ukwa Izilayeli.

Zekaliya 4:6

Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Luka 10:19

Teghelezya, nabapa ubulaghili ubwakuti mungakanya injoka na bankonya nukupota amaka agha mulwani yula, po nachimochimo chicho chikwiza pakubavulazya.

Luka 15:17

Bo azyaghannya akati, ‘Abambombo aba tata bosi bakulya nukwikuta, loli ane kuno nkufwa nizala.

Luka 24:49

Nkwiza pakubatumila chicho u Tata wane akalayizya. Loli mulindililaye mukaya akakulu nkani mupaka papo mwapokela amaka aghakufuma kumwanya.”

Luka 8:35

Abantu bakabuka pakwennya chicho chikabombiwa, po bo biza kwa Yesu, bakamwagha umuntu yuyo imizimu imibibi yikepamo mumwache ikaye munyayo izya Yesu, bo avwalite, sona inyinong'ono zyache zikanyokelamo, po ubogha bukabalema bosi.

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Imbombo 1:8

Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.”

Imbombo 10:38

Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

Imbombo 26:11

Utubalilo utwinji nkabafundagha munyumba izyakwiputilamo nukuyezya pakubafyenga ukuti bamusamule u Yesu. Nkabakalalila nkani, umwakuti nkabuka na kutwaya bulo utwakuzi pakubavwima.

Imbombo 26:25

U Pabuli akamula akati, “Awe, intapenite, we muchindikiwa Fesita! Zizyo nkunena zyanaloli.

Imbombo 6:8

U Sitefani, umuntu yuyo akasayiwa nu Chala, sona akizula na maka, akabomba ivyika ni viswigho ivikulu mubantu.

Imbombo 9:22

Loli ubulumbilili ubwa Sabuli bukendelelagha pakuba bwamaka nkani, umwakuti chikabamala nkani amahala aba Yuda babo bakikalagha mu Damasika pakubasimikizizya ukuti u Yesu akaba we Mesiya.

Aba Loma 5:5

Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

1 Aba Kolinti 2:4

Amazyu ghane sona nu bulumbilili bwane intakavinena na mazyu aghamahala na ghakudeba, loli nu lusimikizyo ulwa maka agha Muzimu uwa Chala,

Aba Galatiya 5:22

Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa,

Aba Kolosi 1:8

Umwene akatupangila aswe nizya lughano, lulo u Muzimu Umuzelu akabika mumwinyu.

Aba Hebeli 2:15

Akabomba bunubu ukuti abasatule abantu bosi babo mubumi bwabo bosi bakaba bazya pachifukwa icha kubunyila ubufwe.

1 Pitala 1:22

Pakuti ilelo mwiswefya mwebene pakwivwila ubwanaloli, umwakuti mukubaghana abitiki abamwinyu. Po mughananaye mwebene nu moyo winyu ghosi.

1 Yohani 4:18

Mulughano lunulu mutalimo ubogha, pakuti ulughano ulwenecho lukuchimbizya ubogha bunubu. Nanti umuntu ali nubogha kokuti akulunyila ulufundo. Ichi chikulanjizya ukuti pakuba nubogha kokuti atalumenye ulughano ulwa Chala umwafikapo.