2 Timoti 1:3 - IBAYIBOLO 2024

³ Nkumupalizya u Chala, yuyo nkumubombela nu mabyebye wane umwiza bulo ukuyana namumo abanyenya bane bakabombelagha. Nkubakumbuka amwe bwila munyiputo zyane pamusanya na pabusiku bulo.

Ulufingo Ulupya

³ Inkumupalizya u Chala, yuyo inkumubombela nu mabyebye wane umwiza bulo ukuyana na mumo abanyenya bane bakabombelagha. Inkubakumbuka amwe bwila munyiputo zyane pamusanya na pabusiku bulo.

2 Timoti 1:3 Iomraidhean Croise

Luka 2:37

po pisinda pache akaba mufwilwe amaka 84. Akalindagha mu Nyumba iya Chala, akamwiputagha u Chala umusanya nu busiku nukutuzya pakulya.

Imbombo 22:3

“Ane ne mu Yuda, nkapapiwa mukaya aka Talisa muchisu icha Kilikiya, loli nkakulila mu Yelusalemu ngati ne mumanyili uwa Gamaliyeli. Nkamanyisiwa akiza nkani Indaghilo izya banyenya bitu, sona nkiyula nkani pambombo iya Chala ukuyana namumo mwebosi muli pano ilelo mubeleye.

Imbombo 23:1

U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.”

Imbombo 24:14

Loli ichintu chene chicho nkwitika chakuti nkumwiputa u Chala uwa banyenya bitu pakukonka Izila, yiyo bakunena ukuti yabumyasi. Nkusubila muvyosi vivyo visimbiwe mu Ndaghilo izya Mozesi, sona na mu mabuku agha balaghuzi.

Imbombo 24:16

Po akabalilo kosi nkuyezya pakubomba inyiza ukuti imbanje nu mabyebye umwiza pamaso pa Chala na bantu.

Imbombo 26:4

“Aba Yuda bosi babumenye ubumi bwane ukwandila ko kubwana bwane, sona bamenye namumo nikalilagha muchisu chitu, na mukaya aka Yelusalemu.

Imbombo 27:23

Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane,

Aba Loma 9:1

Nkunena ubwanaloli: Ane ne wa Kilisitu, sona intakutamanta. Umabyebye wane yuyo akulamuliwa nu Muzimu Umuzelu sona wepe akunsimikizya ukuti intakutamanta

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

Aba Galatiya 1:14

Ane nkabachila aba Yuda abinji abankulile yane mulwitiko ulwa Chiyuda, sona nkiyula nkani pakukonka inyiho izya banyenya bitu.

Aba Efeso 1:16

intalekitepo nalumolumo pakumupalizya u Chala pachifukwa icha mwemwe. Nkubakumbuka amwe munyiputo zyane ukumulaba,

1 Aba Tesalonika 3:10

Umusanya nu busiku tukumulaba u Chala nu moyo witu ghosi ukuti atwitikizye twenannye amaso na maso, sona nukuti tubape vivyo mukusobelwa mulwitiko lwinyu.

1 Timoti 1:19

Sungilila ulwitiko lwako nu mabyebye umwiza. Abantu bamo batakamwivwila umabyebye wabo, po ulwitiko lwabo lwananganika.

1 Timoti 1:5

Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

1 Timoti 5:5

Umukolo umufwilwe yuyo ali mwene bulo, sona ate nawe nayumo umuntu uwakumusunga, akubika ulusubilo lwache mwa Chala nukwendelela pakwiputa kwa Chala pamusanya na pabusiku nukumulaba ukuti amwavwe.

2 Timoti 1:5

Nkukumbuka sona nizya lwitiko ulwenecho lulo uli nalo, ulwitiko lulo unyokokulu u Loyisi, sona wepe nu nyoko u Yuniki akaba nalo. Indi nu lusubilo ukuti nawe bulo uli nalo.

2 Timoti 3:15

Uzimenye sona ukuti ukwandila ko kubwana bwako, waghamanya Amasimbo Amazelu ghagho ghangakupa amahala ukuti impokiwe ukwendela mu lwitiko mwa Kilisitu Yesu.

Aba Hebeli 13:8

U Yesu Kilisitu ali mumo abeleye, mumabwila, nilelo, sona bwila na bwila.

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.