2 Timoti 1:12 - IBAYIBOLO 2024

¹² sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

Ulufingo Ulupya

¹² sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

2 Timoti 1:12 Iomraidhean Croise

Masalimo 25:2

Wee Chala wane nkusubiye wewe. Utakitikizyanje ukuti nkoziwanje isoni, pamo ukubitikizya abalwani bane ukuti bampotaye.

Masalimo 31:5

Wee Mwene Chala wanaloli, nkughubika umuzimu wane munyobe zyako, umpoke.

Masalimo 56:9

Po abalwani bane bakwiza pakunyokela kwisinda, pisiku lilyo nkwiza pakukwitizya ukuti unyavwe. Pachinichi inzimenye ukuti u Chala ali nane.

Masalimo 9:10

Babo balimenye itabwa lyako, bakwiza pakukusubila, pakuti we Mwene utabalekitepo nalumo babo bakukulonda.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 50:7

Chifukwa chakuti u Mwene Uwamaka Ghosi akunyavwa, ntakwiza pakukoziwa isoni. Polelo nakazya umoyo wane ngati libwe, sona inzimenye ukuti ntakwiza pakusamuliwa.

Yesaya 54:4

“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Matayi 12:21

Abantu aba inko zyosi bakwiza pakusubila mumwache.”

Matayi 24:36

“Loli nayumo umuntu yuyo akumanya isiku pamo akabalilo, bate bantumi kumwanya, ate Mwana; Utata mwene weyuyo akumanya.

Matayi 7:22

Bo isiku lilyo u Chala akwiza pakubalonga abantu lyafika, abinji bakwiza pakunena ukuti, ‘Wee Mwene, Mwene tukalumbililagha amazyu agha Chala mwitabwa lyako, tukefyanga imizimu imibibi nukubomba ivyika ivyinji mwitabwa lyako.’

Luka 10:12

Naloli nkubabuzya ukuti pisiku lilyo u Chala akwiza pakubalonga abantu, akwiza pakubapelela ichisa nkani abantu aba mu Sodomu ukuchila abantu aba mukaya kala.

Luka 23:46

U Yesu akalila nizyu ilya pamwanya akati, “Wee Tata nkughubika umuzimu wane munyobe zyako!” Bo anena zinizi, akazililika.

Yohani 17:15

Intakulaba ukuti ubefyemo muchisu ichapasi awe, loli ukuti ubapoke ku Mubibi yula.

Yohani 6:44

Ataliko nayumo umuntu yuyo angiza kukwane nanti Utata yuyo akantuma, atakumuwesela kukwane. Po nane nkwiza pakumuzyusya pisiku ilyabumalilo.

Imbombo 13:46

Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda.

Imbombo 13:50

Loli aba Yuda bakabasonjelezya aba mukaya akakulu nkani kala, sona na bakolo abantu babo bate ba Yuda abamanyikwe nkani babo bakamwiputagha u Chala. Bakanda pakumuvwima u Pabuli nu Balanabasi nukubefyamo muchigaba chabo chila.

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

Imbombo 7:59

Bo bakwendelela pakumusumba na mabwe, u Sitefani akanda pakwiputa ukuti, “Wee Mwene Yesu, pokela umuzimu wane!”

Imbombo 9:16

Ane nemwene nkwiza pakumulanjizya amayimba ghosi ghagho akwiza pakukomana nagho pachifukwa icha nene.”

Aba Loma 1:16

Pakuti inte ni soni pakulumbilila Amazyu Amiza, pachifukwa ichakuti gho maka agha Chala ghagho ghakubapoka abantu bosi babo bakusubila, ukwandila naba Yuda, pisinda pache na bantu babo bate ba Yuda bulo.

Aba Loma 9:33

ukuyana na Masimbo aghakuti, “Ennya, nkwala ibwe mu Ziyoni lilyo likwiza pakubapela abantu ukwipunula, ilyalabwe lilyo likwiza pakubawisya abantu. Loli umuntu wesi yuyo akusubila mumwache, atakwiza pakukoziwa isoni.”

1 Aba Kolinti 1:8

Umwene akwiza pakubakazya ukufika mupaka pabumalilo, ukuti mubanje bantu abasita chilema nachimochimo pisiku ilya Mwene witu Yesu Kilisitu.

1 Aba Kolinti 3:13

imbombo izya muntu wesi zikwiza pakubonekela bulo pabuzelu, bo isiku ilya Kilisitu likwiza pakuzilanjizya pabuzelu. Pakuti pisiku lilalila umoto ghukwiza pakuzivumbula imbombo izya muntu wesi. Po umoto ghulaghula ghukwiza pakuziyela imbombo izya muntu wesi.

Aba Filipi 1:20

Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe.

Aba Filipi 3:10

Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nukuba ngati weyuyo mu bufwe bwache.

Aba Filipi 3:21

Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

Aba Filipi 3:8

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu,

1 Aba Tesalonika 2:16

Bakayezya pakutuzigha ukuti tuleke pakulumbilila amazyu pakasi pabantu babo bate ba Yuda umwakuti bangapokiwa. Bunubu akabalilo kosi biyonjelezyanga bulo imbibi zyabo, umwakuti ubukali ubwa Chala bwabawila.

1 Aba Tesalonika 5:4

Loli bakamu bane, mute muchisi ukuti isiku lila libachenusye bulo ukuyana namumo umwiba akwizila.

1 Timoti 6:20

Wee Timoti, usunge akiza vivyo ukapeghiwa ukuti usunge. Ughaleghuke amazyu amasita mbombo, sona nukudalinkana ukwa bupunganu, vivyo abantu abamyasi bakuti gho mahala.

2 Timoti 1:14

Ukwendela mumaka agha Muzimu Umuzelu yuyo akwikala mumwitu, sungilila akiza ubwanaloli bubo busungisyiwe mumwako.

2 Timoti 1:16

U Mwene ayipelele ichisa inyumba iya Onesifola, pakuti kabilikabili weyuyo anyangazyanga. Atakaba ni soni napapo nkaba mujele.

2 Timoti 1:18

U Mwene amupelele ichisa Pisiku ilyabumalilo! Sona awe, uyimenye akiza nkani imbombo yiyo akambombela mukaya aka Efeso.

2 Timoti 1:8

Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mumaka agha Chala.

2 Timoti 2:9

Ichi cho chifukwa nkuyimba, sona impinyiwe ni mpingu ngati ne munanga Ndaghilo. Loli amazyu agha Chala ghatapinyiwe ni mpingu, awe.

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Aba Hebeli 2:18

Pakuti akayeliwa ukwendela mu mayimba ghache, kokuti angabavwa abantu babo bakuyeliwa.

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.

1 Pitala 4:16

Loli nanti umuntu akuyimba pachifukwa ichakuti mukilisitu, atakabanje ni soni, loli amupalizyanje u Chala pachifukwa ichakuti akwitiziwa ni tabwa ilya Kilisitu.

1 Pitala 4:19

Polelo abantu babo bakuyimba pachifukwa icha bwighane ubwa Chala, biyipe bene kwa Mupeli wabo, yuyo akusungilila ilayizyo lyache, sona bendelele pakubomba ubwiza.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.