2 Timoti 1:10 - IBAYIBOLO 2024

¹⁰ Loli ilelo chavumbuliwa kukwitu nukwiza ukwa Mupoki witu, u Kilisitu u Yesu. Amazizye amaka agha bufwe, sona ukwendela mu Mazyu Amiza avumbula pabuzelu ubumi bubo butangafwapo nalumolumo.

Ulufingo Ulupya

¹⁰ Loli ilelo chavumbuliwa kukwitu nukwiza kwa Mupoki witu, u Kilisitu u Yesu. Amazizye amaka agha bufwe, sona ukwendela mu Mazyu Amiza avumbula pabuzelu ubumi bubo butangafwapo nalumolumo.

2 Timoti 1:10 Iomraidhean Croise

Yesaya 43:3

Pakuti ne Mwene, u Chala winyu, Umuzelu uwa Izilayeli, Umupoki winyu, nkwiza pakukupa u Ijiputi pakubapoka amwe, u Etiyopiya nu Seba mubuzilo bwako.

Yesaya 45:15

Zyanaloli ukuti awe we Chala yuyo akwifisa mwene, Wee Chala nu Mupoki uwa Izilayeli.

Yesaya 45:21

Mwizaye sona lingannya inongwa yinyu pabulonjelo, baleka abanongwa banenezannye. Nkimba wewenu yuyo akanenela zila, zinizi pakubombiwa? Nkimba intakaba nene, ne Mwene, u Chala yuyo akupoka abantu bache? Atalipo u chala uyunji.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Luka 11:36

Nanti umubili wako ghosi wizuye nulukozyo ukusita pakuba ni chigaba chimo muchisi, ghukwiza pakuba buzelu bwene posi na posi ukuyana namumo inyale yikulamila papinyu nu buzelu bwache.”

Luka 13:7

Po akamubuzya umulimi yula akati, ‘Ennya, nizagha kuno amaka matatu pakulonda ivikomwa mwikuyu linili, loli intakuvyaghamo. Chidumule! Choni chicho chendelelaye pakunangannya umuvundo?’

Luka 2:11

Pakuti ubusiku ubu mukaya aka Devedi mupapiwemo Umupoki winyu, yuyo we Kilisitu u Mwene!

Yohani 1:9

Ulukozyo ulwanaloli lulo lukubalamila abantu bosi lukizagha muchisu ichapasi.

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Yohani 4:42

po bakamubuzya umukolo yula bakati, “Tutakusubila pachifukwa icha vivyo utubuzizye, loli pachifukwa ichakuti twiyivwila twebene kukwache, sona tumumenye ukuti uyu Mupoki uwa chisu ichapasi.”

Yohani 5:40

Loli amwe mukukana ukwiza kukwane ukuti mubanje nubumi.

Imbombo 13:23

Akaba we Yesu, uwaluko ulwa Devedi, yuyo u Chala akamubika pakuba Mupoki uwa ba Izilayeli ukuyana ni layizyo lyache.

Imbombo 5:31

U Chala akamukwezya nukumubika munyobe izya nyobe yache indilo ukuti abanje Mulongozi nu Mupoki, pakubapa ulusako aba Izilayeli ukuti bapinduke nukuhobokeliwa imbibi zyabo.

Aba Loma 16:26

Loli, ilelo vyavumbuliwa pabuzelu ukwendela mu masimbo agha balaghuzi; sona ukwendela mu malamulo agha Chala uwa bwila na bwila vyavumbuliwa ku bantu abaluko losi, umwakuti basubile nukwivwila.

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

Aba Loma 3:31

Nkimba ichi chikung'anamula ukuti tukunanga Indaghilo nu lwitiko lwitu? Awe, napo panandi. Loli tukuzipela Indaghilo pakuba zyamaka.

Aba Loma 6:6

Tuzimenye ukuti inkalo yitu iyakale yikakomeliwa poka nu Yesu pachipinjika, ukuti inkalo zyitu izya mbibi zinanganike, umwakuti tutakabe sona bazya abambibi.

1 Aba Kolinti 15:26

Umulwani uwabumalilo pakumupota akwiza pakuba bufwe.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

2 Aba Kolinti 5:4

Bo tukwikala muchisakasa icha muchisu ichapasi, tukukoloma, sona tukung'wamilwa, kute kokuti tukulonda pakwinjila muchisakasa chitu icha muchisu ichapasi, awe, loli nkaninkani tukulonda pakuvwala inyumba yitu iyakumwanya yila, umwakuti chicho chifwe chimiliwe nubumi.

Aba Galatiya 5:4

Amwe mwe mukuyezya pakwinena mwebene ukuti mute ninongwa nayimoyimo pamaso pa Chala pakuzikonka Indaghilo, amwe mwisabulako mwebene kwa Kilisitu. Po mwachikana ichisa icha Chala.

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

2 Timoti 1:1

Ane ne Pabuli, umutumiwa uwa Kilisitu u Yesu, ukuyana nu bwighane ubwa Chala. Nkatamiwa ukuti indumbilile nizya bumi bubo u Chala akalayizya pakubapa abantu bache pakumamatilana poka nu Kilisitu u Yesu.

2 Timoti 1:8

Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mumaka agha Chala.

2 Timoti 4:1

Pantazi pa Chala na pamaso pa Kilisitu u Yesu, yuyo akwiza pakubalonga abantu abumi na bafwe bulo, sona pachifukwa ichakuti akwiza pakulaghila ngati we Mwene, nkukulamula ukuti

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Titi 2:11

Pakuti u Chala avumbula ichisa chache ukuti abantu bosi bapokiwe.

Titi 2:13

bo tukulindilila nu lusubilo isiku isayiwa lila, isiku lilyo ubuchindamu ubwa Chala umukulu nu Mupoki witu u Yesu Kilisitu bukwiza pakuboneka.

Titi 3:4

Loli bo u Chala Umupoki witu alanjizya ichisa nu lughano lwache,

Aba Hebeli 10:32

Loli mukumbukaye amasiku aghakale ghala, bo mwapokela bulo ulukozyo. Mukumbuke amayimba aminji ghagho mukakomana nagho, loli amayimba ghalaghala ghatakabapota.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

2 Pitala 1:11

Polelo mukwiza pakupokeliwa akiza bo mukwinjila mu Bumwene ubwa bwila na bwila ubwa Mwene witu, sona nu Mupoki witu u Yesu Kilisitu.

2 Pitala 1:3

U Chala na maka ghache akatupa ivintu vyosi ivyakutwavwilizya ukuti tubanje nubumi ubwa nyiputo pakutumanyisya nizya yuyo. Akatwitizya ukuti tugabane nawe ubuchindamu nu bwiza bwache ubukulu.

2 Pitala 2:20

Nanti abantu bapona amaka agha vintu ivibibi ivya muchisu ichapasi, nukwanda pakumumanya u Mwene witu, sona nu Mupoki witu u Yesu Kilisitu, pisinda pache nukulemiwa nukupotiwa sona navyo, pabumalilo abantu banaba bakuba babibi nkani ukuchila namumo bakabela pakwanda.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.

2 Pitala 3:2

Nkulonda ukuti mukumbukaye amazyu ghagho ghakaneniwa kale na balaghuzi abazelu, sona na malamulo ghosi u Mwene nu Mupoki witu akabapa ukwendela mu batumiwa binyu.

1 Yohani 1:2

Bo aboneka umupela ubumi uyu, tukamwennya. Po tukasimikizya nizya yuyo nukulumbilila kukwinyu nizya bumi ubwa bwila na bwila bubo bukaba nu Tata, sona bukavumbuliwa kukwitu.

1 Yohani 4:14

Aswe twennya nukuzisimikizya ukuti u Tata akatuma u Mwana wache pakuba Mupoki uwa bantu aba muchisu ichapasi.

Ubuvumbuli 18:1

Bo vyachilapo vinivi, nkennya uwantumi akwika kumwanya. Akaba nu bulaghili ubukulu nkani, sona ubuchindamu bwache bukalamila ichisu chosi icha ichapasi.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 20:14

Po ubufwe ni chisu icha bantu abafwe vikasumbiwa munyanja iya moto. Inyanja iya moto yiniyi bo bufwe ubwabubili.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.