2 Samuweli 9:7 - IBAYIBOLO 2024

⁷ U Devedi akamubuzya akati, “Utakanyilaye. Nkulonda pakukupelela ichisa pachifukwa icha ghuso u Yonatani. Nkwiza pakukunyosezya ichisu chosi chicho chikaba cha ghusokulu u Sabuli, sona ukwiza pakulya poka nane akabalilo kosi.”

2 Samuweli 9:7 Iomraidhean Croise

Ubwandilo 43:18

Bakanyila nkani pachifukwa bakabuka nabo kunyumba iya Yosefu po bakati, “Akutwinjizya munyumba pachifukwa icha ndalama zizyo tukazyagha mumasaka ghitu pakwanda pala. Akulonda alwaghilepo ulusako ulwakutulemela nukutupela pakuba twe bazya bache poka ni mpunda zyitu.”

Ubwandilo 43:23

Akamula akati, “Mufwase bulo, sona mutakanyilaye. U Chala winyu sona u Chala uwa ghuso weyuyo akabika indalama mumasaka ghinyu; nkapokela indalama zyinyu.” Po akabizila nu Simiyoni.

2 Samuweli 12:8

Nkayibika inyumba iya mwene wako, na bachi bache, na bamunyumba iya Izilayeli naba Yuda munyobe zyako. Nanti vinivi vitakakukwana, ngali nkupiye ivintu vimo ivinji.

2 Samuweli 19:28

U mwene wane abaghiye pakubaghogha abizukulu bosi aba tata wane, loli ukanyitikizya pakulya poka nawe pitebulo lyako. Po nkimba indi nu bulaghili boni ukuti nendelele pakukulaba we mwene wane ivintu ivyinji?”

2 Samuweli 19:29

U mwene akamubuzya akati, “Utakanene sona ivyinji. Nkulamula ukuti awe poka nu Ziba mugabane ichuma chosi icha Sabuli.”

2 Samuweli 19:33

U mwene akamubuzya u Balizilayi akati, “Loboka poka nane pakwikala nane mu Yelusalemu, sona nkwiza pakukusungilila akiza bulo.”

2 Samuweli 21:7

Loli u mwene akamupelela ichisa u Mefibosheti umwana uwa Yonatani, umwizukulu uwa Sabuli, pachifukwa ichakuti u Devedi nu Yonatani umwana uwa Sabuli bakalapa pamaso pa Mwene.

2 Samuweli 9:1

U Devedi akalalusya akati, “Nkimba atasyalako yumo uwa munyumba iya Sabuli uwakuti ningamupelela ichisa pachifukwa icha Yonatani?”

2 Samuweli 9:10

Awe poka na bana bako, sona na bambombo bako mulimaye ichisu chilachila nukwiza ni nyinulo, umwakuti umwizukulu uwa mwene wako abanje ni vyakulya. U Mefibosheti umwizukulu uwa mwene wako akwiza pakulya poka nane akabalilo kosi.” Pakabalilo kalakala u Ziba akaba na bana 15 na bambombo 20.

2 Samuweli 9:11

Po u Ziba akamubuzya u mwene akati, “Ane ne wambombo wako nkwiza pakubomba vivyo awe we mwene wane wandamula.” Po u Mefibosheti akalyanga poka nu Devedi ngati weka uwa bana abamwene.

2 Samuweli 9:13

U Mefibosheti akikala mu Yelusalemu, pachifukwa ichakuti akabalilo kosi akalyanga poka nu mwene, sona akalemala inyayo zyache zyosi zibili.

2 Samuweli 9:3

U mwene akamulalusya akati, “Nkimba atasyalako yumo uwa munyumba iya Sabuli, uwakuti ningamupelela ichisa icha Chala?” U Ziba akamwamula akati, “Asyalako weka umwana uwa Yonatani. Loli alemaye inyayo zyache zyosi zibili.”

1 Abamwene 2:7

“Loli ubapelelaye ichisa abana aba Balizilayi wamu Giliyadi, sona ubitikizye ukuti babanje pakasi pabantu babo bakulya pitebulo lyako. Banaba bakanyavwa, bo nkumuchimbila uwamwinyu u Abisalomu.

2 Abamwene 25:29

Po u Yehoyakini akavula amenda ghache agha mujele, sona mubumi bwache bosi, isiku ni siku akalyanga poka nu mwene.

Masalimo 41:9

Wepe nu mumanyani wane bulo uwa pamoyo, yuyo nkulya poka nawe ichibama, ansambukiye.

Yelemiya 52:33

Po u Yehoyakini akavula amenda ghache agha mujele, sona mubumi bwache bosi, isiku ni siku akalyanga poka nu mwene.

Zekaliya 7:9

“U Mwene Uwamaka Ghosi akuti, ‘Wenelezye ukuti ubwanaloli bukubombiwa, ubapelelaye ichisa abantu sona mubanje nichililizi ku weka na weka.

Matayi 6:11

Utupe ilelo ichakulya icha isiku ni siku.

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

Ubuvumbuli 3:20

Ennya, nimiliye pamulyango nkukong'osya, nanti umuntu ivwa izyu lyane nukwighula umulyango, ane nkwiza pakwinjila nukulya poka nawe, sona wepe akwiza pakulya poka nane.

1 Samuweli 12:24

Mwenelezye nkani ukuti mukumunyila u Mwene, nukumubombela mubwanaloli bwinyu bosi nu moyo winyu ghosi. Akabalilo kosi mukumbukaye ivintu ivikulu vivyo ababombela.

1 Samuweli 20:15

sona utakaleke nalumo pakubapelela ichisa abamunyumba yane, napapo u Mwene abazimizya abalwani bako bosi pachisu ichapasi.”

1 Samuweli 22:23

Loli utakanyilaye, ikalagha kuno nane, pakuti umuntu yuyo akulonda pakukughogha, weyuyo akulonda pakungogha nane bulo. Nanti uli poka nane, utakwiza pakufwa.”